Millət vəkili Q.Paşayeva ilə görüşdə qardaş Türkiyədən gəlmiş aydınlar, təşkilat rəhbərləri, jurnalistlər və şəhid ailələri cəmiyyətinin nümayəndələri “hər zaman Azərbaycanın yanındayıq” deyiblər

Millət vəkili Q.Paşayeva ilə görüşdə qardaş Türkiyədən gəlmiş aydınlar, təşkilat rəhbərləri, jurnalistlər və şəhid ailələri cəmiyyətinin nümayəndələri “hər zaman Azərbaycanın yanındayıq” deyiblər

Millət vəkili Q.Paşayeva  Azərbaycanda səfərdə olan qardaş Türkiyədən gəlmiş Körpübaşı bələdiyyəsi rəsmiləri, şəhid ailələri cəmiyyəti, Demokrat Qəzetəçilər və Yazarlar Dərnəyi, Türkiyə Azərbaycan Dostluq Dərnəkləri Federasiyasının, QHT  nümayəndələri ilə  görüşüb. “Regional hüquqi və iqtisadi maarifləndirmə” İctimai Birliyinin sədri Arzu Bağırovanın və “Beynəlxalq İnformasiya və Regional Araşdırmalar” ictimai birliyinin sədri Zaur Qəriboğlunun iştirakı ilə keçən görüşdə qonaqları salamlayan millət vəkili Qənirə Paşayeva Azərbaycan Xalq Cümhuriyyətinin 100-cü ildönümü, Azərbaycan Ordusunun 100 illiyi və Nuru Paşanın rəhbərliyi altında Türk-Qafqaz İslam Ordusunun Bakını işğaldan azad edilməsinin 100-cü ildönümünün keçirildiyi bir dönəmdə Azərbaycanda görməkdən çox şad olduğunu deyən millət vəkili Q.Paşayeva bu 3 mühüm və tarixi hadisələr barədə geniş məlumat verib.  Qənirə Paşayeva Türk dünyasının hər yerində şəhid olmuş qardaş və bacılarımızı rəhmətlə, sevgi ilə anırıq deyərək  bugünki və gələcək nəsillərə birlik və bərabərliyimizin nə qədər vacib və önəmli olduğunu daha çox anlatmalıyıq deyib. Bunun üçün isə ilk növbədə biz biri-birimizi daha yaxından tanımalıyıq, ortaq tariximizi, köklərimizi, mədəniyyətimizi, ədəbiyyatımızı, musiqimizi, keçmiş və bu günümüzü, problemlərimizi, gələcəyə baxışlarımızı gənclərimizin daha yaxşı bilməsinə çalışmalıyıq.  Millət vəkili Azərbaycan xaqının hər zaman qardaş Türkiyənin yanında olduğunu xüsusi vurğulayıb və bütün türk dünyasını, harada doğulub harada yaşamasından asılı olmayaraq hər bir türk insanını da buna çağırıb. Azərbaycan bizim olduğu qədər sizin, Türkiyə də sizin olduğu qədər də bizimdir, bizim də Vətənimizdir. Bu düşüncəyə və birliyə gəncliyimizin daha çox sahib olması gərəkir və inanıram ki, gənclərimizin əksəriyyəti məhz bu ruh və düşüncəyə sahib olacaqlar. Q. Paşayev görüş zamanı Azərbaycanın və Türk dünyasının ən böyük problemlərindən olan Qarabağ problemindən, Ermənistanın Azərbaycan torpaqlarının 20 faizini işğal altında saxlamasından, törətdiyi vandalizm aktlarından, Xocalı Soyqırımından da danışaraq bildirib ki, harada doğulmasından və harada yaşamasından asılı olmayaraq hər bir Türk insanı Qarabağ həqiqətlərinin dünyaya çatdırılması üçün çalışmalıdır. Bir türk xalqının, toplumunun problemi, bütün türk xalqlarının ortaq problemidir. Ona görə də Türk dünyasıyla bağlı məsələlərdə bir-birimizə hər zaman böyük dəstək olmalıyıq. Bu məsələdə gənclərimizin üzərinə çox böyük missiya düşdüyünü xüsusi vurğulayan millət vəkili Qənirə Paşayeva daha fəal olmalıyıq deyib. Azərbaycana səfər etməkdən məmnuniyyət duyduğunu deyən qardaş Türkiyənin şəhid ailələri, yazarlar, şairlər, aydınları  “bir millət iki dövlət” düşüncəsi ilə  hər zaman Azərbaycanın yanındayıq deyiblər. Millət vəkili Q.Paşayevanın rəhbərlik etdiyi “Avrasiya Beynəlxalq Araşdırmalar İnstitutu”İB və “Regional hüquqi və iqtisadi maarifləndirmə” İctimai Birliyi tərəfindən qonaqlara Azərbaycan tarixi və mədəniyyəti ilə bağlı materiallar hədiyyə edib.

Advertisements

Millət vəkili Q. Paşayeva “IV Qardaşlıq Mədəniyyəti” adlı tədbirdə Türk dünyasından gəlmiş aydınlara, şairlərə, yazarlara səslənib və birliyimizi gücləndirməliyik deyib

Millət vəkili Q. Paşayeva “IV Qardaşlıq Mədəniyyəti” adlı tədbirdə Türk dünyasından gəlmiş aydınlara, şairlərə, yazarlara səslənib və birliyimizi gücləndirməliyik deyib.

Azərbaycan Yazıçılar Birliyi,  İLESAM-ın birgə təşkilatçılığı ilə Dövlət Filarmoniyasında Azərbaycan Xalq Cümhuriyyətinin 100-cü ildönümünə həsr olunan “4-cü Qardaşlıq Mədəniyyəti” adlı ədəbi-bədii gecənin açılışında çıxış edən millət vəkili Q.Paşayeva Türk dünyasının birliyi və bərabərliyinin daha da güclənməsinin vacibliyindən geniş danışıb. Azərbaycanın ümumimilli lideri Heydər Əliyevin Azərbaycan və Türkiyə bir millət, iki dövlətdir, Azərbaycan Prezidenti İlham Əliyevin Türkiyənin gücü Azərbaycanın, Azərbaycanın gücü Türkiyənin gücüdür düşüncəsini xüsusi vurğulayan Qənirə Paşayev çıxışında  Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın 15 sentyabrda Bakıdan birlikdə verdikləri məsajlara da xüsusi toxunub və  dosta da, düşmənə də çox önəmli məsajlar oldu deyib. Millət vəkili 15 sentyabrda Bakının işğaldan azad edilməsinin 100-cü ildönümü ilə bağlı Bakıda möhtəşəm bir paradın keçirildiyini və həmin paradda qardaş Türkiyənin prezidenti Rəcəb Tayyib Ərdoğanın dövlət başçımız İlham Əliyev ilə birgə iştirak etməsinin   Azərbaycan və Türkiyə qardaşlığının sarsılmaz olduğunun bariz nümunəsi olduğunu deyib. Q.Paşayeva dədələrimiz birlik və bərabərlik içində bizə zəfərin yolunu göstərdi və yenə də birlik, bərabərliyimizi daha da gücləndirib zəfər qazanacağıq deyib. Qarabağ başda olmaqla Türk dünyasının yaşadığı böyük acılardan, problemlərdən, Azərbaycana və qardaş Türkiyəyə qarşı böyük güclərin ikili standartlarından danışan millət vəkili yeni bir Çanaqqaladan keçirik deyib. Çanaqqalada yüzlərlə Azərbaycan türkünün şəhid olduğunu vurğulayaraq dədələrimiz birlik və bərabərlik içində bizə zəfərin yolunu göstərdi və yenə də birlik, bərabərliyimizi daha da gücləndirib zəfər qazanacağıq deyən millət vəkili Q.Paşayeva bu gün Türkiyədən olan dəyərli qardaşlarımızla birlikdə bu gözəl bayramımızı burada birlikdə qeyd etməmiz çox önəmlidir, eyni zamanda dosta da düşmana da bir məsajdır deyərək torpaqlarımızın işğaldan azad olunacağı günün də uzaq olmadığını vurğulayıb:”Arzu edirəm ki, gələn bayram tədbirlərimizi Ali Baş Komandan, prezidentimiz cənab İlham Əliyevin rəhbərliyi altında birlik və bərabərlik içində işğaldan azad edəcəyimiz Dağlıq Qarabağımızda,Xankəndində, Xocalıda, Şuşada və digər o gözəl torpaqlarımızda qeyd edək.  Millət vəkili Q.Paşayeva tədbir çərçivəsində Türkiyədən, Cənubi Azərbaycandan (İran) və Türk dünyasından gəlmiş şair, yazar, aydınlarla da görüşüb, ortaq mədəniyyətimizin öyrənilməsinin və birliyimizin daha da gücləndirilməsi ilə bağlı geniş fikir mübadiləsi aparılıb.

Millət vəkili Q.Paşayeva Boluda “Yeni Dünya  Qaydası və Gələcəyin Xəritəsi” adlı konfransda çıxış edib, Türk dünyasına önəmli çağırışlar edib

Millət vəkili Q.Paşayeva Boluda “Yeni Dünya  Qaydası və Gələcəyin Xəritəsi” adlı konfransda çıxış edib, Türk dünyasına önəmli çağırışlar edib

Millət vəkili Qənirə Paşayeva Boluda “Yeni Dünya  Qaydası və Gələcəyin Xəritəsi” adlı konfransda çıxışında Türk dünyası siyasətçiləri, aydınları, yazar, şair, araşdırmaçı və jurnalistlərinə üz tutaraq Türk dünyasının müxtəlif bölgələrində yaşadığımız ağrı-acılara xüsusi həssaslıq göstərməyə çağırıb. Q.Paşayeva aydınlara, KİV-lərə səslənərək topluma örnək olaraq bugünki və gələcək nəsillərə birlik və bərabərliyimizin nə qədər vacib və önəmli olduğunu daha çox anlatmalıyıq deyib. Bunun üçün isə ilk növbədə biz biri-birimizi daha yaxından tanımalıyıq, ortaq tariximizi, köklərimizi, mədəniyyətimizi, ədəbiyyatımızı, musiqimizi, keçmiş və bu günümüzü, problemlərimizi, gələcəyə baxışlarımızı gənclərimizin daha yaxşı bilməsinə çalışmalıyıq. Bu gün Türk dünyasının müxtəlif bölgələrində türk kökənli insanların yaşadığı ağrılardan, əziyyət çəkdiyi problemlərdən danışan millət vəkili Qənirə Paşayeva güc birlikdədir və birlikdə bizə qarşı ədalətsizliklərə qarşı daha güclü mübarizə apara bilərik deyib. Azərbaycanın ümumimilli lideri Heydər Əliyevin Azərbaycan və Türkiyə bir millət, iki dövlətdir, Azərbaycan Prezidenti İlham Əliyevin Türkiyənin gücü Azərbaycanın, Azərbaycanın gücü Türkiyənin gücüdür düşüncəsini xüsusi vurğulayan Qənirə Paşayev çıxışında  Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın 15 sentyabrda Bakıdan birlikdə verdikləri məsajlara da xüsusi toxunub və  dosta da, düşmənə də çox önəmli məsajlar oldu deyib. Millət vəkili 15 sentyabrda Bakının işğaldan azad edilməsinin 100-cü ildönümü ilə bağlı Bakıda möhtəşəm bir paradın keçirildiyini və həmin paradda qardaş Türkiyənin prezidenti Rəcəb Tayyib Ərdoğanın dövlət başçımız İlham Əliyev ilə birgə iştirak etməsinin   Azərbaycan və Türkiyə qardaşlığının sarsılmaz olduğunun bariz nümunəsi olduğunu deyib. Q.Paşayeva dədələrimiz birlik və bərabərlik içində bizə zəfərin yolunu göstərdi və yenə də birlik, bərabərliyimizi daha da gücləndirib zəfər qazanacağıq deyib. Azərbaycanın və Türk dünyasının ən böyük problemlərindən olan Qarabağ problemindən, Ermənistanın Azərbaycan torpaqlarının 20 faizini işğal altında saxlamasından, törətdiyi vandalizm aktlarından da danışaraq millət vəkili bildirib ki, harada doğulmasından və harada yaşamasından asılı olmayaraq hər bir Türk insanı Qarabağ həqiqətlərinin dünyaya çatdırılması üçün çalışmalıdır. Bir türk xalqının, toplumunun problemi, bütün türk xalqlarının ortaq problemidir. Ona görə də türk dünyasıyla bağlı məsələlərdə bir-birimizə hər zaman böyük dəstək olmalıyıq. Bu məsələdə siyasətçilər, aydınlar, yazar, şair, araşdırmacı və jurnalistlərin üzərinə çox böyük missiya düşdüyünü xüsusi vurğulayan millət vəkili Qənirə Paşayeva onları daha fəal olmağa çağırıb. Bu gün Türk dünyasının mütəlif bölgələrində türk kökənli insanların yaşadığı ağrılardan, əziyyət çəkdiyi problemlərdən danışan millət vəkili Qənirə Paşayeva güc birlikdədir və birlikdə bizə qarşı ədalətsizliklərə qarşı daha güclü mübarizə apara bilərik deyib: “Bir türk xalqının, toplumunun problemi, bütün türk xalqlarının ortaq problemidir. Ona görə də Türk dünyasıyla bağlı məsələlərdə bir-birimizə hər zaman böyük dəstək olmalıyıq. İnşallah yaxın zamanlarda belə tədbirləri birlik və bərabərlik içində Ermənistanın işğalından azad edəcəyimiz Dağlıq Qarabağımızda, Şuşamızda, Xocalımızda və digər o gözəl bölgələrimizdə də birlik və bərabərlik içində qeyd edək. İnanırıq ki, o gün uzaqda deyil. Allah insanımıza hər zaman hər yerdə yardımçı olsun”.

Millət vəkili Q.Paşayeva MM-də “Uşaqların zərərli informasiyadan qorunması” üçün qurumlara çağırış edib

Millət vəkili Q.Paşayeva MM-də “Uşaqların zərərli informasiyadan qorunması” üçün qurumlara çağırış edib

Millət vəkili Qənirə Paşayeva Milli Məclisin bu gün keçirilən plenar iclasında yeni hazırlanan “Uşaqların zərərli informasiyadan qorunması haqqında” qanun layihəsinin ikinci oxunuşda müzakirələrdə çıxışı zamanı bu qanun layihəsinin günümüzün reallığında ən vacib qanun layihələrindən biri olduğunu deyib: “İndiki zamanda internetə azad girişin olduğu, insanların böyük əksəriyyətinin internetdən geniş istifadə etdiyini, xüsusilə sosial şəbəkələrdən geniş istifadə etmək imkanlarını nəzərə alsaq, uşaqlarımızın zərərli informasiyadan qorunma imkanları da çox çətinləşir. Uşaqların zərərli informasiyadan qorunması bir çox inkişaf etmiş ölkələrin düşündüyü məsələdir, çünki bunu qadağalarla həll etmək mümkün olmur, qadağalar öz effektiv təsirini verə bilmir. İnternet elə bir böyük məkandır ki, burda xüsusi maraqları olan çoxsaylı qruplar fəaliyyət göstərir, xurafatçılıq, mövhumat, fanatizm, missionerliyi və digər zərərli halları təbliğ edirlər. Uşaqlarımızın sərbəst telefondan, kompüterlərdən istifadə edərək internetdən geniş istifadə etmək imkanlarını nəzərə alsaq, ailələrimizin, valideynlərin öz uşaqlarına nəzarət etməkdə çətinlik çəkirlər. Bu məsələnin həllinin kökündə maarifləndirmə dayanmalıdır, bu baxımdan bu qanun layihəsinin vacibliyini qeyd etmək istərdim. Bu qanun layihəsinin yaxşı şəkildə həyata keçməsi üçün çağırış səsləndirmək istərdim. Bu qanunun işləməsində bəzi qurumların, təşkilatların üzərinə xüsusi vəzifələr düşəcək. Təhsil vasitəsilə uşaqların internetdə, sosial mediada, sosial şəbəkələrdə zərərli informasiyadan qorunması məqsədilə xüsusi seminarlar, beynəlxalq konfranslar keçirilir və bu yaxınlarda mən özüm “Gənclər və sosial media, şəbəkələr” mövzusunda konfransda iştirak etmişəm. Düşünürəm ki, Təhsil nazirliyi məktəblərdə uşaqlarımız arasında maarifləndirmə işində xüsusi fəal olmalıdır, zərərli informasiyadan qorunma mövzuları ilə bağlı məktəblərdə tədbirlər, müzakirələr, təbliğat olmalıdır. Birinci məktəblərdən başlayaraq, zərərli informasiya nədir, ondan qorunma vasitələri ilə bağlı maarifləndirmə işi aparılmalıdır. İkincisi, kütləvi informasiya vasitələrinə çağırış etmək istərdim. Çünki zərərli informasiyadan qorunma ilə bağlı maarifləndirmə uşaqlarla yanaşı, internet resurslarından uşaqların zərərli informasiyalara məruz qala bilməsi ilə bağlı geniş məlumatı olmayan valideynlər arasında da aparılmalıdır. Bu çox mühüm qanun layihəsini dəstəkləyir və qanun layihəsinin hazırlanmasında əməyi keçən hər kəsə təşəkkürümü bildirirəm. Artıq ikinci oxunuşu keçirilən qanun layihəsi yaxın zamanlarda qüvvəyə minəcək və bütün qurumlar, hamımız bu qanunun güclü şəkildə həyata keçməsinə çalışmalıyıq, çünki bu qanunun həyata keçməsində cəmiyyətin birbaşa könüllü dəstəyi lazımdır. Dünya təcrübəsi göstərir ki, yalnız qadağalar, məhdudiyyətlər öz effektiv təsirini ciddi vermir, daha da çox təhsil, savadlandırma, maarifləndirmənin aparılması ilə uşaqları zərərli informasiyadan qorumaq mümkündür.”

Millət vəkili Q.Paşayeva bu gün MM-də bir qrup şəhid ailələrinin üzləşdiyi narahatlığı qaldırıb və dövlət qurumlarına çağırış edib

Millət vəkili Q.Paşayeva bu gün MM-də bir qrup şəhid ailələrinin üzləşdiyi narahatlığı qaldırıb və dövlət qurumlarına çağırış edib

Millət vəkili Qənirə Paşayeva bu gün Milli Məclisdə çıxış edərək bir qrup şəhid ailələrinin birdəfəlik ödəmə almalarında problemlə üzləşdiklərini bildirib: “Hər gün 4-5 şəhid ailəsi zəng edir, qəbula gəlir və bu məsələnin parlamentdə qaldırılmasını xahiş edirlər.  Şəhid ailələri cənab Prezidentin imzaladığı fərmanı, bu önəmli qərarı  razılıqla qarşılayır və bildirirlər ki, bu, şəhid ailələrinə göstərilən diqqət və qayğının nümunəsidir. Sadəcə onlar bəzi şəhid ailəsi statusu alanların ailələrinin bu fərmandan yararlanana bilməməsi məsələsinin təkrar  parlamentdə qaldırılmasını xahiş edirlər. Müvafiq qurumlarla – Əmək və əhalinin sosial müdafiəsi nazirliyi və “Azərsığorta” dövlət agentliyinin nümayəndələri ilə də danışdıqda onlar da narahatlıqlarını bildirir və ortaya çıxan bəzi problemlərin həllində maraqlı olduqlarını qeyd edirlər. Qarşıdan büdcə müzakirələri gəlir və hökumət nümayəndələrinin diqqətinə bu məsələnin bir daha çatdırılması daha yaxşı olardı. Şəhid ailələri hamımız üçün çox müqəddəsdir, onlar başımızın tacıdır, həm cənab Prezident İ.Əliyev, həm də ölkəmizin 1-ci vitse-prezidenti  M.Əliyeva şəhid ailələri ilə görüşəndə cəmiyyətə bu mesajı verdi ki, şəhid ailələri hər zaman xüsusi diqqətdə olmalıdırlar. Bir qisim şəhid ailələri cənab Prezidentin bu humanist fərmanından, diqqətindən yararlana bilir, bir qisim isə yararlana bilmir. Nəzərə alsaq ki, bu şəhid ailələrinin böyük hissəsinin bu birdəfəlik ödəməyə ehtiyacı var, yaxşı olardı ki qarşıdan gələn büdcə müzakirələrindən əvvəl hökumət qurumları ilə bu məsələ bir daha müzakirə edilsin. Bunun bir yolu tapılmalıdır. Çünki şəhid ailələri arasında ayrı-seçkilik yaradılmamalıdır.  Eyni zamanda, çox təəssüflər olsun ki, insanları nədənsə parlamentə tərəf döndərirlər. Biz də bir millət vəkili olaraq həmin şəhid ailələrinə müsbət cavab verməkdə çətinlik çəkir, pis vəziyyətdə qalırıq. Şəhid ailələrinin bu narahatlığını parlamentdə qaldıraraq onların narahatlığının xalqın parlamentində də nəzərə alındığını göstərmək istəyirik. Cənab sədr, sizin və parlamentimizin də hər zaman şəhid ailələrinə xüsusi həssaslıqla yanaşdığını bilirik, ona görə də yaxşı olardı ki bu məsələnin müsbət həlli məqsədilə qarşıdan gələn büdcə müzakirələrindən əvvəl  aidiyyəti hökumət qurumları ilə görüş keçirilsin və inanırıq ki, bu məsələ tezliklə öz müsbət həllini tapacaq, narazılıqlara son qoyulacaqdır”.

Millət vəkili,AŞPA Azad Demokratlar Qrupunun vitse-prezidenti Q.Paşayeva bu gün AŞPA-da azərbaycanlıların bugünki Ermənistandan 1948 və 1988-ci illərdəki deportasiyası məsələsini qaldırıb

Millət vəkili,AŞPA Azad Demokratlar Qrupunun vitse-prezidenti Q.Paşayeva bu gün AŞPA-da azərbaycanlıların bugünki Ermənistandan, öz ata-baba torpaqlarından 1948 və 1988-ci illərdəki deportasiyası məsələsini qaldırıb və AŞPA-da önəmli çağırışlar edib:

“Əziz dostlar 2018-ci il Azərbaycan tarixi üçün böyük önəm daşıyan tarixi bir hadisənin 100-cü ildönümü ilə yadda qaldı. Bütün müsəlman şərqində ilk dəfə Azərbaycanda qurulan ilk cümhuriyyətin, bütün şərqdə qurulan ilk parlamentin 100-cü ildönümünü dünyanın əksər beynəlxalq təşkilatlarının rəsmi nümayəndələri, onlarla xarici ölkənin yüksək vəzifəli təmsilçiləri ilə birlikdə qeyd etdk. Mən belə önəmli bir tarixdə Azərbaycanın yanında olan və gözəl fikirlərlə çıxış edən bütün ölkə və təşkilat təmsilçilərinə buradan təşəkkürümü bildirmək istəyirəm. Azərbaycan xalqının hələ 100 il əvvəl demokratik dəyərlərə nə qədər böyük önəm verdiyini göstərən amillərdən sadəcə birini bir qadın millət vəkili olaraq xüsusən qürurla vurğulamaq istəyirəm. Azərbaycan düz 100 il əvvəl qadınlara seçmək və seçilmək haqqını verəndə dünyanın əksər ölkələrində qadınlar təssüf ki bu haqlara malik deyildilər. Amma bütün bu uğurlarına baxmayaraq Azərbaycan xalqı böyük acılardan və əziyyətlərdən də keçib. Böyük üzüntü ilə qeyd etmək istəyirəm ki, Azərbaycanın qədim bölgəsi olan İrəvanın zorla Azərbaycandan alınaraq Ermənistana verilməsinin də bu il 100 ili tamam olur. XIX əsrdə və XX yüzilliyin əvvəllərində ermənilərin Cənubi Qafqazda yerləşdirilməsi prosesini çar hökumətinin mötəbər arxivləri əsasında öyrənmiş rus araşdırıcısı N.Şavrov 1911-ci ildə nəşr etdirdiyi “Qafqazda Rusiya işinə yeni təhlükə” adlı kitabda göstərirdi ki, XX yüzilliyin əvvəllərində Qafqaza yaşayan 1 milyon 300 min erməninin 1 milyonu buranın yerli əhalisi deyil, Qafqazda ruslar tərəfindən köçürülmüşdür. 1931-ci ildə Moskvada nəşr edilmiş Zaqafqaziya xəritəsində Ermənistan ərazisindəki coğrafi adların 78,1 faizi Azərbaycan, yalnız 3,45 faizi erməni mənşəlidir. Amma Ermənistan rəsmiləri uzun illər etnik təmizləmə siyasəti apararaq azərbaycanlıları öz tarixi torpaqlarından zorla qovmaqla bərabər azərbaycanlılara məxsus tarixi-mədəni abidələri də məhv etmiş, yer adlarını dəyişmişlər. Əziz dostlar, biz bu il 1948-ci ildə Ermənistandan yüz minlərlə azərbaycanlının zorla öz evindən qovulmasının, deportasiyasının 70-ci ilinin tamam olmasını da unutmamalıyıq. Bu dəhşətli faciəni yaşayan azərbaycanlılar bir daha öz evlərinə dönə bilmədilər. Ermənistan rəhbərliyinin törətdiyi bu dəhşətli cinayətlərə beynəlxalq ictimayyətin ciddi təzyiqlərinin olmaması yeni cinayətlərin əsasını qoydu. Əziz dostlar, mən böyük qəlb ağrısı isə qeyd etməliyəm ki, 1988-ci ildə Ermənistan rəhbərliyi dəhşətli bir etnik təmizləmə siyasəti apararaq bütün azərbaycanlıları öz evlərindən zorla qovdu. Bütün dünyanın gözləri qarşısında baş verən bu dəhşətli cinayətin bu il 30 ili tamam olur. Mən acılarla, gözüyaşlı Ermənistandan Azərbaycana pənah gətirən azərbaycanlı ailələrinin gözyaşlarını, acilarını heç bir zaman unuda bilmədim. Onların bir çoxu öz evlərinə dönə bilməmək acısı ilə dünyadan köçdülər. Bu günə qədər də on minlərlə azərbaycanlı qaçqının öz evlərinə dönə bilməsi haqları Ermənistan tərəfindən tanınmır. Mən təşkilatımızı bu məsələləri də gündəmdə saxlamağa və o insanların səslərini duymağa çağırıram. Onlar sizi pozulan haqlarının müdafiəsi istiqamətində dəstək olmağa çağırırlar. Əziz dostlar, Ermənistan sadəcə etnik təmizləmə siyasəti apararaq bütün azərbaycanlıları bu ölkədən, tarixi ata-baba yurdlarından qovmaqla dayanmadı, azərbaycanlılara məxsus bütün tarixi-mədəni abidələri,qəbirstanlıqları dağıtdılar.Buna səssiz qalmamalısınız.”

Millət vəkili Q.Paşayeva AŞPA-da erməni deputatlara sərt cavab verib və AŞPA-nı işğalçı Ermənistana təzyiq göstərməyə çağırıb

Millət vəkili Q.Paşayeva AŞPA-da erməni deputatlara sərt cavab verib və AŞPA-nı işğalçı Ermənistana təzyiq göstərməyə çağırıb.

Millət vəkili, AŞPA-nın Azad Demokratlar Qrupunun vitse-prezidenti Q.Paşayeva AŞPA-da məruzəçi Frank Şvabenin hazırladığı “Avropa Şurası və BMT-nin insan haqlarına monitorinq qurumları tərəfindən “boz zonalar” daxil olmaqla üzv-dövlətlərə qeyri-məhdud çıxış” adlı məruzəsinin müzakirəsində çıxış edən və Azərbaycan əleyhinə yalanlarla çıxış edən işğalçı Ermənistan heyəti üzvlərinin Azərbaycan, Qarabağ problem ilə bağlı yalanlarına sərt cavab verib: “Əziz dostlar, ilk öncə bu sənədin əleyhinə olduğumu söyləmək istəyirəm. Səbəbləri konkret məsələlərlə açıqlayacam. Bilirsiniz ki, Azərbaycan torpaqlarının 20 faizi 25 ildir ki Ermənistanın işğalı altındadır və rəsmi İrəvan AŞPA, BMT Təhlükəsizlik Şurası və digər beynəlxalq təşkilatların sənədlərinə baxmayaraq bu günə qədər işğal etdiyi torpaqları işğaldan azad etməyib. Ermənistan işğal etdiyi Azərbaycan torpaqlarında, yəni məruzəçinin “boz zona” adlandırdığı bölgələrdə etnik təmizləmə siyasəti apararaq bütün azərbaycanlıları o ərazilərdən zorla qovub. 25 ildir ki 1 milyon azərbaycanlı məcburi köçkün həyatı yaşayaraq öz bölgələrinə, öz evlərinə dönə bilmirlər. Yəni Ermənistanın işğal etdiyi Azərbaycan torpaqlarında, Dağlıq Qarabağ və ətraf bölgələrdə vəziyyət Abxaziya, Cənubi Osetiya, Dnestyanı və Krımdan çox fərqlidir. Çünki bir daha vurğulayıram ki, Ermənistanın işğal etdiyi Azərbaycan torpaqlarında bir nəfər də olsun azərbaycanlı yaşamır. Orada sadəcə separatçılar, terrorçular, Ermənistan ordusu, əsgərləri var. Yəni məruzəçinin boz zona adlandırdığı həmin bölgələrdə 1 milyona yaxın azərbaycanlı qaçqın və məcburi köçkünlərin hüquqlarını pozanlar yaşayır. Beynəlxaq insan haqları müdafiəçilər, BMT, AŞPA təmsilçiləri Azərbaycanın müxtəlif bölgələrində məcburi köçkün həyatı yaşayan köşkünlərlə görüşməlidir, böz bölgədə onları köçkün salan işğalçılarla, separatçılarla, terrorçularla, əsgərlərlə deyil. Digər tərəfdən Azərbaycan dövlətinin işğal altında olan ərazilərinə Azərbaycanın icazəsi olmadan səfərlər etmək həm beynəlxalq sənədlərə həm də Azərbaycan qanunverciliyinə ziddir. Amma siz Azərbaycan xarici işlər nazirliyinin səhifəsində Azərbycan dövlətinin icazəsi olmadan onun işğal altında olan ərazilərinə, yəni boz zonalara səfər edənlərin adlarına və saylarına bax bilərsiniz. Onların çoxu Avropa Şurası üzvü ölkələrinin təmsilçiləridir və onların işğal altında olan ərazilərdə verdiyi açıqlamalara, fəaliyyətlərə baxsanız görərsiniz ki bunlar işğalçıya dəstək xarakteri daşıyır və ya işğalı legitimləşdirmək mahiyyətindədir. Belə insanların arasında bu Assambleyamızın bəzi üzvləri də olub. Amma Assambleyamız bu günə qədər onların kobud qanun və beynəlxalq hüquq normaları pozuntusu olan addımlarına qarşı hansı addımlar atıb. Heç bir addım. Bütün bunlardan sonra təbii ki Azərbaycan təmsilçisi olaraq belə bir sənədin qəbulunun gələcəkdə yarada biləcəyi ciddi problemlərdən narahatıq. Gerçəkçi olmalıyıq. İşğal edilmiş əraziləri, “boz zonaları” nəzarətdə saxlayan işğalçı, separatçı, terrorçu güclər bu günə qədər beynəlxalq təşkilatların, beynəlxalq insan haqları təşkilatlarının heç bir çağırışına məhəl qoymayıbsa bu sənədin qəbulundan sonra bu addımı atacaqlarına ümid etmək sadəlövlük olardı. Məsələn bir neçə il əvvəl ATƏT böyük bir faktaraşdırıcı missiya yaratdı. Həmin missiya Azərbaycanın işğal altında olan ərazilərini, boz zonaları ziyarət etdi və məruzə hazırladı. Həmin məruzədə bölgəni işğal altında saxlayan separatçı erməni rejiminə,işğalçı Ermənistana çağırışlar vardı. Amma Ermənistan o çağırışların heç birinə əməl etmədi. Bundan sonra onların insan haqları üzrə nümayəndələrin çağırışlarına əməl edəcəyinə inanmaq sadəcə mümkünsüzdür. Ermənistan işğal etdiyi Azərbaycan torpaqlarında öz evini ziyarət üçün getmiş 2 azərbaycanlı Dilqəm Əsgərov və Şahbaz Quliyevi girov saxlamaqda davam edir. AŞPA baş katibinin belə çağırışlarına məhəl qoymayaraq bu günə qədər onları azad etməkdən imtina edir. AŞPA baş katibinin çağırışlarına məhəl qoymayanların insan haqları üzrə təmsilçilərin çağırışlarına əməl edəcəyini düşünmək sadəlövlük olardı. Ona görə də işğalçılara qarşı mübarizəmizi sərtləşdirməliyik. Ermənistan baş naziri Paşinyan öz oğlunu hərbi xidmətə Ermənistana deyil, işğal etdikləri Azərbaycan bölgələrinə göndərirsə, buna qarşı ciddi addımlar atmaq lazımdır. Daha sərt mövqeyi olmalıdır AŞPA-nın. Ona görə mən hər kəsi bu məsələyə daha geniş baxmağa və işğalçılara qarşı sərt addımlar atmağa çağırıram. Çünki problemlərin əsas çıxış yolu məhz budur”.

Millət vəkili Q.Paşayeva AŞ-nı azərbaycanlı girovların azadlığa buraxılması üçün Ermənistan rəhbərliyinə təzyiq göstərməyə çağırıb

Millət vəkili Q.Paşayeva AŞPA-da çıxış edərək işğalçı Ermənistanın uzun müddətdir ki qeyri-qanuni girov saxladığı azərbaycanlı Dilqəm Əsgərov və Şahbaz Quliyevin məsələsini qaldırıb və Avropa Şurasını onların azadlığa buraxılması üçün daha sərt addımlar atmağa, Ermənistan rəhbərliyinə təzyiq göstərməyə çağırıb.

Ermənistan işğal etdiyi Azərbaycan torpaqlarında öz ata-baba yurdunu ziyarət üçün getmiş 2 azərbaycanlı Dilqəm Əsgərov və Şahbaz Quliyevi girov saxlamaqda davam edir və AŞ Baş Katibinin belə çağırışlarına məhəl qoymayaraq bu günə qədər onları azad etməkdən imtina edir deyən millət vəkili Q.Paşayeva Dilqəm Əsgərov və Şahbaz Quliyevin azad edilməsi üçün təşkilatı Ermənistan rəhbərliyinə təzyiq göstərməyə çağırıb. İşğalçılara qarşı AŞPA olaraq mübarizəmizi daha da sərtləşdirməliyik deyən millət vəkili Q.Paşayeva uzun müddətdir işgəncə verilən Dilqəm Əsgərov və Şahbaz Quliyevin pozulmuş insan haqlarının müdafiəsi və onların azad buraxılması üçün Avropa Şurasını səylərini daha da gücləndirməyə çağrıb.

Millət vəkili Q.Paşayeva AŞPA-nı Ermənistana təzyiq göstərməyə çağırıb

Millət vəkili Q.Paşayeva bu gün AŞPA-da çıxış edərək Ermənistan baş naziri Paşinyanın öz oğlunu hərbi xidmət üçün Ermənistanın işğal etdiyi Azərbaycan torpaqlarına göndərməsi məsələsini qaldırıb,bu qanunsuzluğa, təxribata sərt etirazını bildirərək Assambleyanı bu cür beynəlxalq hüquq normalarına, AŞPA sənədlərinə zidd addımları durdurmaq üçün Ermənistana təzyiq göstərməyə çağırıb.

Ermənistan baş naziri Paşinyan öz oğlunu hərbi xidmət üçün Ermənistana deyil işğal etdikləri Azərbaycan bölgələrinə göndərirsə buna qarşı ciddi addımlar atmaq lazımdır,daha sərt mövqeyi olmalıdır AŞPA-nın deyən millət vəkili Q.Paşayeva təşkilatı işğalçı Ermənistan rəhbərliyinin bu cür təxribati addımlarına laqeyid qalmamağa çağırıb. .

Millət vəkili Q.Paşayeva AŞPA-da Nazirlər Komitəsi sədrinə ADQ(FDG)adından mədəniyyətlərarası dialoqla bağlı suallar ünvanlayıb

Millət vəkili Q.Paşayeva AŞPA-da Nazirlər Komitəsi sədrinə ADQ(FDG)adından mədəniyyətlərarası dialoqla bağlı suallar ünvanlayıb.

Bu gün AŞPA Nazirlər Komitəsinin sədri, Xorvatiyanın baş nazir müavini, Xarici və Avropa İşləri Naziri Marija Prjcinovic Buric AŞPA-da geniş çıxış edib və millət vəkillərinin suallarını cavablandırıb. AŞPA-nın 6 siyasi qrupundan biri olan Azad Demokratlar Qrupu adına sualı millət vəkili, Azad Demokratlar Qrupunun vitse-prezidenti, Azərbaycanın AŞPA-dakı nnümayəndə heyətinin üzvü Qənirə Paşayeva verib. O bu gün Avropada artan İslaamafobiya, ksenofobiya fonunda vacib məsələ olan mədəniyyətlərarası, dinlərarası diqloqla bağlı sualını ünvanlayıb və Nazirlər Komitəsinin bu məsələlərlə bağlı gördüyü və atacağı addımlarla bağlı fikirlər bilrdirməsini istəyib:” Suallarım çox mühüm məsələlərdən biri olan mədəniyyətlərarası dialoqla bağlıdır. Avropa Şurası ərazisində mədəniyyətlərarası dialoqun aparılması üçün siyasətin əsasını hansı dəyərlərin təşkil etməsi vacibdir? “Yeni dəyərlər”ə ehtiyac varmı? Mədəniyyətlərarası dialoqu təşviq edən fəaliyyətlərə maksimum təsiri əldə etmək məqsədilə Avropa Şurası başqa beynəlxalq təşkilatlar ilə necə əməkdaşlıq etməlidir?”
Sualın cavabında Xorvatiyanın baş nazir müavini, Xarici və Avropa İşləri Naziri Marija Prjcinovic Buric bildirib ki o çıxışında da bu məsələyə geniş yer ayırdı çünki bu bütün Avropa üçün çox önəmli bir mövzudur.”Ona görə bir daha vurğulamaq istəyirəm ki, özəlliklə üzv ölkələrdə bu mövzuya geniş yer verilməlidir. Təhsil vasitəsi ilə, gənclərlə bu mövzuda daha geniş iş aparmaqla, mədəniyyət vasitəsi ilə”-deyən Nazirlər Komitəsi sədri bildirib ki mədəniyyətlərarası dialoq ən vacib məsələlərdən biridir və həm Avropa Şurası təşkilatları, həm də üzv ölkələrdə bu mövzu daim diqqətdə olmalıdır. Çıxışdan sonra millət vəkili Q.Paşayevanın Xorvatiyanın baş nazir müavini, Xarici və Avropa İşləri Naziri Marija Prjcinovic Buriclə qısa görüşü də olub. Xanım Buriç ölkəsi ilə Azərbaycan arasında əməkdaşlığın genişlənməsinin məminiyyətverici olduğunu və buna önəm verdiklərini deyib. Millət vəkili Q.Paşayeva da bildirib ki Azərbaycan bütün istiqamətlərdə Xorvatiya ilə əməkdaşlığın inkişafında maraqlıdır və Azərbaycan prezidentinin rəhbərliyi ilə bu istiqamətdə bir çox addımlar atılır. Parlamentləarası Əməkdaşlığın da genişləndiyini vurğulayan millət vəkili Q.Paşayeva Azərbaycanın mədəniyyətlərarası dialoqa verdiyi böyük önəmi də xüsusi vurğulayıb.