Yeddi oğul istərəm deyirdi unudulmaz filmdə …

Yeddi oğul istərəm deyirdi unudulmaz filmdə …

Mən isə bu gün onlar kimi 7 qız 7 oğuldan da dəyərlidir dedim…
Bu gün həyatımın ən gözəl günlərindən birini yaşadım…
Bu 7 qız sanki öz qızlarımdı.O qədər sevindim onların uğurlarına,heyran qaldım ağıllarına, istedadlarına, sadəliklərinə. Çünki bu qızlar millətin gələcəyidir, minlərlə gənc qızlarımıza ən gözəl örnəklərdəndirlər. Bu qızlar 700 bal toplayaraq ən yüksək nəticələrlə ali məktəblərə qəbul olublar. Bu gün onları evimdə qonaq etdim. Onların uğurlarına hamının sevindiyini söylədim.Təşəkkür etdim. “Xeyli söhbətləşdik. Siz arzularınızın, xəyallarınızın arxasınca gedə biləcək ağıla,istedada sahibsiniz və hər zaman mütləq bacaracam deyib daha da çox çalışmalısınız. Çünki siz artıq Millətimizin gənc qadın aydınlarısınız və bir millətin inkişafı onun qadınlarının savadından, inkişafından çox asılıdır və siz artıq gözəl örnəklər kimi fəal olmalısınız” dedim. Hamısı həyat dolu, böyük xəyalları var və ən əsası hamısı da yaxşı peşəkar olmaqla bərabər gözəl aydın olmaq istəyindədirlər. Qızlarımızın ata-anaları ilə də söhbət etdik, onları təbrik etdim və belə övladlar böyütdükləri üçün təşəkkür etdim. Hamısı sadə ailələrin övladlarıdır və onlarla qürur duydum. Müəllimlərini də təbrik edirəm əziz qızlarımızın. Amma iki şeyi unutmadım. Qızlarımızdan biri “biz böyük ailəyiik, bir otaqlı evdə yaşayırdık və mən dərslərimə də orada çalışırdım.Amma hər zaman mən bacaracam deyirdim” dedi. Bir qızımız da “məni məktəblərdən birinə qəbul etməmişdilər amma 700 bal topladım və məni o məktəbdə rəsmi tədbirə dəvət etdilər. Oraya daxil olanda ey məktəb mən o qızam indi buraya gəlməm üçün məni dəvət edirlər” dedim. Hərəsinin örnək bir həyat hekayəsi var. Hamısını ayrı-ayrı yazacam. Minlərlə gənc qızlarımız qədər minlərlə ailələr üçün örnək olsun deyə. Qızlarınızın arxasında durarsınızsa,arzularına əngəl deyil dəstək olarsınızsa onlar çox böyük uğurlara imza ata bilər bu qızlar kimi demək üçün…

Millət vəkili Q.Paşayeva Nevşəhər valisi İ.Aktaşla Qarabağ həqiqətlərinin bu vilayətdə geniş yayılması ilə bağlı müzakirələr aparıb

Millət vəkili Q.Paşayeva Nevşəhər valisi İ.Aktaşla Qarabağ həqiqətlərinin bu vilayətdə geniş yayılması ilə bağlı müzakirələr aparıb.

Millət vəkili Q.Paşayeva Nevşəhər valisi İlhami Aktaş ilə görüşdə qardaş Türkiyədə terrorla mübarizədə şəhid olmuş insanlara Allahdan rəhmət, yaxınlarına səbr diləyir, terroru və arxasında duranları lənətləyirik deyiblər. Azərbaycanın erməni terrorundan çox əziyyət çəkdiyini xüsusi vurğulayan millət vəkili Qənirə Paşayeva terrorla mübarizədə Azərbaycanın hər zaman qardaş Türkiyənin yanında olduğunu deyib. Azərbaycanın sevinci sevincimiz, üzüntünüz üzüntümüzdür deyən vali İlhami Aktaş azərbaycanlı şəhidlərimizə Allahdan rəhmət diləyirik və Azərbaycan torpaqlarının işğaldan azad edilməsində hər zaman qardaş Azərbaycanın yanındayıq deyib. Millət vəkili Qənirə Paşayeva vali ilə söhbət zamanı Ermənistanın işğalçılıq siyasəti barədə geniş məlumatlar verib. “Ancaq mən inanıram ki, biz Azərbaycan və Türkiyəolaraq əl-ələ verib torpaqlarımızı Ermənistanın işğalından azad edəcək və bu cür görüşləri o gözəl torpaqımızda da keçirəcəyik”, – deyə o bildirib. İki qardaş ölkə Azərbaycan ilə Türkiyə arasında əlaqələrin daha da inkişaf etməsindən məmnunluğunu ifadə edən millət vəkili Qənirə Paşayeva Azərbaycan ilə Nevşəhər arasında da bu əlaqələrin getdikcə daha genişlənməsinin vacibliyini qeyd edib. Millət vəkili valiyə “Qənirə Paşayeva ilə addım-addım Türk dünyası” kitabının da müəllifi olduğunu və kitabında qədim Nevşəhərin də yer aldığını bildirib. “Qənirə Paşayeva ilə addım-addım Türk dünyası” kitabının gənclərdə sahib çıxmaq duyğusunu formalaşdırmaq niyyəti daşıdığını söyləyən millət vəkili “Gənclər bizim olanı tanımalı, ona sahiblənməyi bacarmalıdırlar. Bu sahiblənmə “mənim”, “sənin” yox, “bizim” şəklində olmalıdır”. Millət vəkili Qənirə Paşayeva görüş zamanı Nevşəhərdə təhsil alan azərbaycanlı tələbələr barədə də valiyə məlumat verərək onların ortaya çıxan qayğı və problemlərinin həlli istiqamətində dəstək göstərilməsini xahiş edib.

Millət vəkili Q.Paşayeva Uçhisar bələdiyyə başqanı ilə Qarabağ həqiqətlərinin qədim Kapadokyada daha geniş təbliğindən danışıb

Millət vəkili Q.Paşayeva Uçhisar bələdiyyə başqanı ilə Qarabağ həqiqətlərinin qədim Kapadokyada daha geniş təbliğindən danışıb.

Qarabağ küçəsi açılışı və “Qarabağdan Uçhisara könül körpüsü: Azərbaycan-Türkiyə Qardaşlıq Gecəsi”ndə iştirak etmək üçün Kapadokyada olan millət vəkili, Avrasiya Beynəlxalq Araşdırmalar İnstitutu İB-nin sədri Qənirə Paşayeva Uçhisar bələdiyyə başqanı Ali Karaarslan ilə görüşüb. Azərbaycanın bir sıra sənətçiləri, media qurumları təmşilçiləri,ziyalılarının da iştirak etdiyi görüşdə millət vəkili Q.Paşayeva qədim Kapadokyanın mərkəzi küçələrindən birinə Qarabağ adının verilməsi ilə bağlı təklifinə böyük həssaslıqla yanaşan bələdiyyə başqanına təşəkkürünü bildirib və bu addımın bütün Türk dünyası bölgələri üçün gözəl bir örnək olduğunu deyib. Millət vəkili Q.Paşayeva işğalçı Ermənistanın bir neçə gün əvvəl öncəbhədə törətdiyi vəhşiliklər, qətlə yetirdikləri balaca Zəhra ilə bağlı da geniş məlumatlar verib, müzakirələr olub. Azərbaycanı çox sevdiyini deyən Uçhisar bələdiyyə başqanı Ali Karaarslan ilə Azərbaycan-Türkiyə münasibətlərinin daha da inkişafı istiqamətində, özəlliklə gənc nəsillərimizə ortaq tarix, mədəniyyətimizin öyrədilməsinin vacibliyi ilə bağlı da geniş müzakirələr olub. Azərbaycanın şəhidi bizim də şəhidimizdir deyən bələdiyyə başqanı Türkiyənin hər zaman qardaş Azərbaycanın yanında olduğunu deyərək bildirib ki, Azərbaycanın öz torpaqlarını işğaldan azad etmək haqlı davasında hər zaman yanında olacağıq. Q.Paşayeva görüş zamanı Azərbaycanla Türkiyənin bəzi şəhərlərinin və bələdiyyələrinin qardaş şəhərlər və bələdiyyələr olduğunu bildirərək, qədim Kapadokya, Uçhisarın da Azərbaycan bölgələrindən biri ilə qardaş olaraq görmək istəyirik deyib. Uçhisar bələdiyyə başqanı Ali Karaarslan Türkiyənin və Azərbaycanın bir millət iki dövlət olduğunu vurğulayaraq bələdiyyəyə rəhbərliyi dövründə Azərbaycanla bütün istiqamətlərdə əməkdaşlığın inkişafına xüsusi önəm və diqqət edəcəyini deyib. O, həmçinin qardaş bələdiyyələr məsələsi ilə də bağlı addımlar atılacağını bildirib. Uçhisar bələdiyyə başçısına müəllifi olduğu “Qənirə Paşayeva ilə addım-addım Türk dünyası” kitabı barədə danışan Qənirə Paşayeva Nevşəhər, qədim Kapadokya, Uçhisarla bağlı kitabının böyük maraqla qarşılandığını bildirib. Uçhisar bələdiyyə başçısına Azərbaycan tarixi, mədəniyyəti və Qarabağ həqiqətləri ilə bağlı materiallar təqdim edən millət vəkili Q.Paşayeva bələdiyyə başqanını Azərbaycana dəvət edib. Azərbaycanı çox sevdiyini deyən Uçhisar bələdiyyə başqanı Ali Karaarslan Azərbaycana mütləq səfər edəcəyini bildirib.

“Qarabağdan Uçhisara könül körpüsü: Azərbaycan-Türkiyə Qardaşlıq Gecəsi” keçirilib

“Qarabağdan Uçhisara könül körpüsü: Azərbaycan-Türkiyə Qardaşlıq Gecəsi” keçirilib

Milllət vəkili Qənirə Paşayevanın rəhbərlik etdiyi Avrasiya Beynəlxalq Araşdırmalar İnstitutu İB, Uçhisar Bələdiyyəsinin təşkilatçılığı ilə baş tutan gecədə Uçhisar bələdiyyə başqanı Aki Karaarslan, millət vəkili Q.Paşayeva, bölgənin millət vəkilləri, partiyaların rəsmiləri, QHT və KİV rəhbərləri və çoxlu sayda yerli sakin iştirak edib. Gecədə çıxış edən Uçhisar bələdiyyə başqanı Aki Karaarslan millət vəkili Q.Paşayevanın təşəbbüsü və onun rəhbərlik etdiyi Avarsiya Beynəlxalq Araşdırmalar İnstitutu İB-nin dəstəyi ilə tarixi Kapadokyada Qarabağ küçəsi açılışı və “Qarabağdan Uçhisara könül körpüsü: Azərbaycan-Türkiyə Qardaşlıq Gecəsi”nin keçirilməsindən və bu işə dəstək verməkdən böyük məmunluq duyduqlarını deyib. Bələdiyyə başqanı Azərbaycan və Türkiyə əlaqələrinin möhkəm bağlarla bağlandığını dilə gətirib. Onun sözlərinə görə bu cür gecələrin təşkili dostluq və qardaşlığımızın göstəricisidir. Daha sonra söz millət vəkili Qənirə Paşayevaya verilib. O, hər iki ölkənin birliyinin göstəricisi olan gecədə birlik və qardaşlıq münasibətilə hər kəsi təbrik edib. “Türkiyənin uğuru bizim və bütün türk dünyasının uğuru, bizim uğurumuz Türkiyənin və bütün türk dünyasının uğurudur”. Türkiyənin hər bir uğuruna Azərbaycanın uğuru kimi sevindiyimizi deyən millət vəkili Q.Paşayeva Türk dünyasının ağırı açılarından da danışıb:” Azərbaycan torpaqlarının 20%- i Ermənistan tərəfindən işğal edilib və bu işğal bu gün də davam edir. İşğal nəticəsində 1 milyondan çox soydaşımız yurd-yuvasından didərgin düşüb. Onlar hələ də evlərinə dönə bilmədikləri üçün vətən həsrəti çəkir. Azərbaycan torpaqlarının Ermənistanın işğalından azad etmək və o insanların öz doğma torpaqlarına qayıtmağı üçün Azərbaycan və Türkiyənin güclərini daha da birləşdirəcəyinə inanıram. İnşaallah bu cür tədbirləri gələcəkdə Dağlıq Qarabağda, Xankəndidə, Şuşada, Kəlbəcərədə və digər o gözəl torpaqlarda qeyd edək”. Azərbaycan və Türkiyənin birliyindən bəhs edən gecədə millət vəkili Qənirə Paşayevanın rəhbərliyi ilə qardaş ölkəyə səfər edən Azərbaycanın Əməkdar Artisti Aybəniz Haşımova, sənətçi İlham Əsgəroğlu, istedadlı gənc sənətçi Aynişan Quliyeva, gənc muğam ifaçısı Nicat Kapadokya, Uçhisarlıları Azərbaycan musiqisi ilə heyran ediblər. Gecə alqışlara qarşılanıb. Gecənin sonunda sənətçilərlə birlikdə hər kəs “Çırpınırdı Qara dəniz baxıb Türkü bayrağına” əsəri və “Qarabağ şikəstəsi”ni oxuyublar. Uçhisar bələdiyyə başqanı deyib ki bundan sonra hər il belə bir gecənin keçirilməsinə çalışacaqlar. Millət vəkili Q.Paşayeva isə deyib ki hər il qədim Kapadokyada belə bir gecənin baş tutması üçün dəstək göstərməyə hazırıq və inanırıq ki Uçhisarlılar bu gün olduğu kimi hər zaman Azərbaycan mədəniyyətini alqışlarla qarşılayacaqlar. Millət vəkili Q.Paşayeva da Uçhisar bələdiyyə başqanı Aki Karaarslana Azərbaycan mədəniyyəti ilə bağlı hədiyyələr təqdim edib. Tədbirlər Prezident Yanında QHT-lərə Dəstək Şurasının dəstəyi ilə keçirilib.

 

 

 

 

Millət vəkili Qənirə Paşayeva Aksarayda bölgənin fəal gənclər, qadın təşkilatları, QHT və KİV rəhbərləri ilə görüşdə Qarabağ həqiqətlərinin yayılmasında fəal olmağa çağırıb

Millət vəkili Qənirə Paşayeva Aksarayda bölgənin fəal gənclər, qadın təşkilatları, QHT və KİV rəhbərləri ilə görüşdə Qarabağ həqiqətlərinin yayılmasında fəal olmağa çağırıb.

Aksarayda “Qarabağ hekayələrinin” imza mərasimi keçirilib.
Millət vəkili, Avrasiya beynəlxalq Araşdırmalar İnstitutu İB-nin sədri Q. Paşayeva Aksarayda bölgənin fəal gənclər, qadın təşkilatları, QHT və KİV rəhbərləri ilə görüşüb. Görüşdə Azərbaycana geniş diqqət ayırmağa çağıran millət vəkli, siyasi elmlər doktoru Q. Paşayeva Azərbaycan ilə Türkiyənin müxtəlif bölgələri, gənclər və qadın təşkilatları, QHT-ləri. KİV-ləri arasında da əlaqələrin getdikcə daha da genişlənməsinin vacibliyindən söz açıb. Azərbaycanın tarixi, mədəniyyəti, Azərbaycan həqiqətləri ilə bağlı, Ermənistanın torpaqlarımızın 20%-ni işğal altında saxlaması, qaçqın və məcburi köçkünlərin taleyi, Dağlıq Qarabağ və işğal edilmiş digər Azərbaycan ərazilərində dinc azərbaycanlılara qarşı ermənilər tərəfindən törədilən soyqırımlar, qətliamlar, Xocalı soyqırımı, erməni vandalizmi barədə söz açan Q. Paşayeva onları Qarabağ həqiqətlərinin yayılmasında daha fəal olmağa çağırıb. İki qardaş ölkənin fəal gənclər, qadın təşkilatları, QHT-ləri, KİV-ləri arasında əməkdaşlığın artmasının vacibliyi ilə də bağlı fikirlərini bildirən millət vəkili “Qənirə Paşayeva ilə addım-addım Türk dünyası” seriyasından yaxın günlərdə çıxacaq yeni kitabında Aksaray ilə də bağlı geniş yazının öz əksini tapacağını deyib. Görüşün sonunda millət vəkili görüş iştirakçılarına həmmüəllifi olduğu və Türkiyə türkcəsində çapdan çıxmış “Karabağ hikayeleri”nı imzalı hədiyyə edib. Avrasiya Beynəlxalq Araşdırmalar İnstitutu İB-nin, Prezident yanında QHT-lərə Dəstək Şurasının dəstəyi ilə çap olunmuş kitab yüzlərlə gəncə hədiyyə edilib. Aksarayda Anadolu məktəbində də millət vəkili Q.Paşayeva ilə geniş görüş keçirilib. Millət vəkili Q. Paşayeva gənclərin suallarını geniş cavablandırıb və onlara Azərbaycanla bağlı, Qarabağ həqiqətləri ilə bağlı kitablar, həmmüəllifi olduğu ra“Karabağ hikayeleri” kitabını hədiyyə edib. Aksarayda millət vəkili Q. Paşayevanın həmmüəllifi olduğu və Türkiyə türkcəsində çapdan çıxmış “Karabağ hikayeleri” kitabının təqdimatı və imzalanması da olub. Millət vəkili Q.Paşayeva kitabları gənclərə imzalı hədiyyə edərək onları Qarabağ həqiqətlərini dərindən öyrənməyə çağırıb. Millət vəkili Q.Paşayeva həmçinin Aksaraydakı Qadın Mərkəzini də ziyarət edib və qadınlara Azərbaycandan danışıb və onların suallarını cavablandırıb. Millət vəkili Q. Paşayeva həmçinin jurnalistlərlə görüşüb, onlara Azərbaycan, Qarabağ həqiqətləri ilə bağlı geniş məlumatlar verib, suallarını cavablandırıb və ayrı-ayrı media qurumlarına geniş müsahibələr verib.

Hər il onminlərlə turistin ziyarət etdiyi qədim Kapadokyada Qarabağ küçəsinin açılışı olub

Hər il onminlərlə turistin ziyarət etdiyi qədim Kapadokyada Qarabağ küçəsinin açılışı olub.

Türkiyənin qədim Nevşəhər vilayətində, qədim Kapadokyada Qarabağ küçəsinin açılışı olub. Bölgə bələdiyyə başqanlarının, millət vəkillərinin, QHT və KİV təmsilçilərinin iştirakı ilə həyata keçirilən tədbir millət vəkili Qənirə Paşayevanın təşəbbüsü və Uçhisar bələdiyyəsinin qərarı ilə hazırlanıb. Qədim Kapadokyanın mərkəzi küçələrindən birinə, hər il yüzminlərlə turistn keçdiyi küçəyə qədim Qarabağın adını verməkdən çox məmunuq deyən Uçhisar bələdiyyə başqanı Ali Karaarslan millət vəkili Q.Paşayevanın bir müddət öncə Qarabağ həqiqətləri ilə bağlı bölgəyə konfrans verməyə gəldiyi zaman hər il yüzminlərlə turistin ziyarət etdiyi qədim Kapadokyanın mərkəzi küçələrindən birinə Qarabağ adının verilməsi təklifi ilə çıxış etdiyini deyib və bu təklifi reallaşdırmaqdan çox məmunuq deyib. Qarabağ Azərbaycan qədər bizim də problemimiz və acımızdır deyən bələdiyyə başqanı bundan sonra da hər zaman Azərbaycanın yanındayıq deyib. Nevşəhər millət vəkili Mustafa Açıkgöz Qarabağ probleminin həllində ikili sstandartlardan çıxış edən və Azərbaycana lazımi dəstək verməyən beynəlxalq təşkilatları qınayaraq Azərbaycan torpaqlarının işğaldan azad edilməsində hər zaman Azərbaycanın yanındayıq deyib. Millət vəkili Q. Paşayeva bildirib ki Azərbaycan həqiqətlərini dünyaya çatdırmaq üçün Türkiyənin bir çox şəhərlərində “Xocalı”, “Qarabağ” adı ilə abidələr, parkların, küçələrin açılması ənənəsi davam edir. Sadəcə Türkiyədə deyil bütün dünyada turistlərin ən çox ziyarət etdiyi yerlərdən biri olaraq qəbul edilən qədim Kapadokyada belə bir küçənin açılması gənc nəsillərimiz üçün önəmli olmaqla bərabər dosta da düşmana da önəmli bir məsajdir deyən millıət vəkili Q.Paşayeva çıxışında tədbir iştirakçılarına Qarabağ həqiqətləri ilə bağlı geniş məlumatlar verib, jurnalistlərin suallarını cavablandırıb, bu işdə əməyi olan hər kəsə təşəkkürünü bildirib. Millət vəkili Qənirə Paşayeva ümumilli lider Heydər Əliyevin ifadə etidiyi kimi “Bir millət, iki dövlət” olan Azərbaycan və Türkiyənin birlik və bərabərliyinin daha da gücləndiyini deyib:“Hər bir türk övladı həm də Qarabağlıdır. Siz nə qədər Qarabağlı olursanız səsimizi dünyaya o qədər çox çatdıra bilərik. Axı o torpaqlarda günahsızca qətl edilən insanlar bizim qardaş, bacılarımızdı. İşğalçı Ermənistanın işğalı altında olan torpaqlarımızı azad etmək üçün birlikdə daha da çox çalışmalıyıq. Birliyimizi daha da gücləndirməliyik”. Millət vəkili Q.Paşayeva 2 yaşlı Zəhranın şəklini göstərərək onun erməni faşistləri tərəfindən vəhşiçə öldürülməsindən də danışıb. Bu zülmə dünya birliyinin səssiz qaldığını deyib və həqiqətlərin dünyaya daha geniş yayılması üçün birlikdə daha da çox çalışmalıyıq deyib. Millət vəkili biz birlikdə Azərbaycan və Türkiyəyə qarşı terror hadisələri, cinayətlər, işğallar həyata keçirənlərə qarşı mübarizəmizi daha da gücləndirməliyik, gücləndiririk və inşallah onların ədalət qarşısında cavab vermələrinə də nail olacağıq deyib. Azərbaycan Prezidenti İlham Əliyevin Türkiyədə baş verən hadisələrlə bağlı verdiyi məsajlara xüsusi toxunan millət vəkili Q.Paşayeva cənab Prezident əsl qardaşlığın necə olduğunu hər kəsə göstərdi və dosta da düşmana da çox önəmli məsaj oldu deyib. Q.Paşayeva dədələrimiz birlik və bərabərlik içində bizə zəfərin yolunu göstərdi və yenə də birlik, bərabərliyimizi daha da gücləndirib zəfər qazanacağıq deyib. O bildirib ki bu gün Türkiyədə bu cür tədbirlərimizin keçirilməsi çox önəmlidir, eyni zamanda dosta da düşmana da bir məsajdır deyərək torpaqlarımızın işğaldan azad olunacağı günün də uzaq olmadığını vurğulayıb. Bu gün Türk dünyasının mütəlif bölgələrində türk kökənli insanların yaşadığı ağrılardan, əziyyət çəkdiyi problemlərdən danışan millət vəkili Qənirə Paşayeva güc birlikdədir və birlikdə bizə qarşı ədalətsizliklərə qarşı daha güclü mübarizə apara bilərik deyib:” İnşallah yaxın zamanlarda belə tədbirləri birlik və bərabərlik içində Ermənistanın işğalından azad edəcəyimiz Dağlıq Qarabağımızda və digər o gözəl bölgələrimizdə də birlik və bərabərlik içində qeyd edək. İnanırıq ki, o gün uzaqda deyil. Allah insanımıza hər zaman hər yerdə yardımçı olsun”- deyərək bitirib. Açılış lentlərinin kəsilməsi, müğənni İlham Əskəroğlu və istedadlı gənclərimizdən Nicat Canıyevin ifasında “Qarabağ Şikəstəsi” və “Çırpınırdı Qara dəniz” əsərlərinin səslənməsi ilə başa çatıb. Millət vəkili Q.Paşayeva tədbirin sonunda Uçhisar bələdiyyə başqanı Ali Karaarslana və Nevşəhər millət vəkili Mustafa Açıkgözə Qarabağ həqiqətləri, Azərbaycan mədəniyyəti ilə bağlı əsərlər, hədiyyələr, kitablar təqdim edib.

Millət vəkili Q.Paşayeva Aksaray bələdiyyə başqanı ilə Qarabağ həqiqətlərinin bu vilayətdə daha geniş təbliğindən danışıb

Millət vəkili Q.Paşayeva Aksaray bələdiyyə başqanı ilə Qarabağ həqiqətlərinin bu vilayətdə daha geniş təbliğindən danışıb.

Qarabağ parkı, Xarıbülbül abidəsinin açılışı və “Qarabağdan Anadoluya könül körpüsü: Azərbaycan-Türkiyə Qardaşlıq Gecəsi”ndə iştirak etmək üçün Aksarayda olan millət vəkili, Avrasiya Beynəlxalq Araşdırmalar İnstitutu İB-nin sədri Qənirə Paşayeva Aksaray bələdiyyə başqanı Haluk Şahin Yazgı ilə görüşüb. Millət vəkili Q.Paşayevanın Aksarayın mərkəzində Qarabağ Parkının açılması, Xarıbülbül abidəsinin qoyulması ilə bağlı təklifinə böyük həssaslıqla yanaşan bələdiyyə başqanına təşəkkürünü bildirib və bu addımın bütün Türk dünyası bölgələri üçün gözəl bir örnək olduğunu deyib. Millət vəkili Q.Paşayeva işğalçı Ermənistanın bir neçə gün əvvəl öncəbhədə törətdiyi vəhşiliklər, qətlə yetirdikləri balaca Zəhra ilə bağlı da geniş məlumatlar verib, müzakirələr olub. Azərbaycanı çox sevdiyini deyən Aksaray bələdiyyə başqanı Haluk Şahin Yazgı ilə Azərbaycan-Türkiyə münasibətlərinin daha da inkişafı istiqamətində, özəlliklə gənc nəsillərimizə ortaq tarix, mədəniyyətimizin öyrədilməsinin vacibliyi ilə bağlı da geniş müzakirələr olub. Azərbaycanın şəhidi bizim də şəhidimizdir deyən bələdiyyə başqanı Türkiyənin hər zaman qardaş Azərbaycanın yanında olduğunu deyərək bildirib ki, Azərbaycanın öz torpaqlarını işğaldan azad etmək haqlı davasında hər zaman yanında olacağıq. Q.Paşayeva görüş zamanı Azərbaycanla Türkiyənin bəzi şəhərlərinin və bələdiyyələrinin qardaş şəhərlər və bələdiyyələr olduğunu bildirərək, qədim Aksarayın da Azərbaycan bölgələrindən biri ilə qardaş olaraq görmək istəyirik deyib. Aksray bələdiyyə başqanı Haluk ŞahinYazgı Türkiyənin və Azərbaycanın bir millət iki dövlət olduğunu vurğulayaraq bələdiyyəyə rəhbərliyi dövründə Azərbaycanla bütün istiqamətlərdə əməkdaşlığın inkişafına xüsusi önəm və diqqət edəcəyini deyib. O, həmçinin qardaş bələdiyyələr məsələsi ilə də bağlı addımlar atılacağını bildirib. Aksaray bələdiyyə başçısına müəllifi olduğu “Qənirə Paşayeva ilə addım-addım Türk dünyası” kitabı barədə danışan Qənirə Paşayeva kitabın yaxın günlərdə oxuculara təqdim olunacaq 2-ci hissəsində qədim Aksarayın da yer alacağını bildirib. Aksaray bələdiyyə başçısına Azərbaycan tarixi, mədəniyyəti və Qarabağ həqiqətləri ilə bağlı materiallar təqdim edən millət vəkili Q.Paşayeva bələdiyyə başqanını Azərbaycana dəvət edib. Azərbaycanı çox sevdiyini deyən Aksaray bələdiyyə başqanı Haluk ŞahinYazgı Azərbaycana mütləq səfər edəcəyini bildirib.

“Qarabağdan Aksaraya könül körpüsü: Azərbaycan-Türkiyə Qardaşlıq Gecəsi” keçirilib

“Qarabağdan Aksaraya könül körpüsü: Azərbaycan-Türkiyə Qardaşlıq Gecəsi” keçirilib

Milllət vəkili Qənirə Paşayevanın rəhbərlik etdiyi Avrasiya Beynəlxalq Araşdırmalar İnstitutu İB, Aksaray Bələdiyyəsinin təşkilatçılığı ilə baş tutan gecədə Aksaray bələdiyyə başqanı Haluk Şahin Yazqı, millət vəkilləri, partiyaların rəsmiləri, QHT və KİV rəhbərləri və çoxlu sayda yerli sakin iştirak edib. Gecədə çıxış edən Aksaray bələdiyyə başqanı Haluk Şahin Yazqı millət vəkili Q.Paşayevanın təşəbbüsü və onun rəhbərlik etdiyi Avarsiya Beynəlxalq Araşdırmalar İnstitutu İB-nin dəsətəyi ilə tarixi Aksarayda Qarabağ parkı və abidəsinin açılışı və “Qarabağdan Aksaraya könül körpüsü: Azərbaycan-Türkiyə Qardaşlıq Gecəsi”nin keçirilməsindən və bu işə dəstək verməkdən böyük məmunluq duyduqlarını deyib. Bələdiyyə başqanı Azərbaycan və Türkiyə əlaqələrinin möhkəm bağlarla bağlandığını dilə gətirib. Onun sözlərinə görə bu cür gecələrin təşkili dostluq və qardaşlığımızın göstəricisidir. Daha sonra söz millət vəkili Qənirə Paşayevaya verilib. O, hər iki ölkənin birliyinin göstəricisi olan gecədə birlik və qardaşlıq münasibətilə hər kəsi təbrik edib. “Türkiyənin uğuru bizim və bütün türk dünyasının uğuru, bizim uğurumuz Türkiyənin və bütün türk dünyasının uğurudur”. Türkiyənin hər bir uğuruna Azərbaycanın uğuru kimi sevindiyimizi deyən millət vəkili Q.Paşayeva Türk dünyasının ağırı açılarından da danışıb:” Azərbaycan torpaqlarının 20%- i Ermənistan tərəfindən işğal edilib və bu işğal bu gün də davam edir. İşğal nəticəsində 1 milyondan çox soydaşımız yurd-yuvasından didərgin düşüb. Onlar hələ də evlərinə dönə bilmədikləri üçün vətən həsrəti çəkir. Azərbaycan torpaqlarının Ermənistanın işğalından azad etmək və o insanların öz doğma torpaqlarına qayıtmağı üçün Azərbaycan və Türkiyənin güclərini daha da birləşdirəcəyinə inanıram. İnşaallah bu cür tədbirləri gələcəkdə Dağlıq Qarabağda, Xankəndidə, Şuşada, Kəlbəcərədə və digər o gözəl torpaqlarda qeyd edək”. Azərbaycan və Türkiyənin birliyindən bəhs edən gecədə millət vəkili Qənirə Paşayevanın rəhbərliyi ilə qardaş ölkəyə səfər edən Azərbaycanın Əməkdar Artisti Aybəniz Haşımova, sənətçi İlham Əsgəroğlu, istedadlı gənc sənətçi Aynişan Quliyeva, gənc muğam ifaçısı Nicat Aksaraylıları Azərbaycan musiqisi ilə heyran ediblər. Gece alqışlara qarşılanıb. Gecənin sonunda sənətçilərlə birlikdə hər kəs “Çırpınırdı Qara dəniz baxıb Türkü bayrağına” əsəri və “Qarabağ şikəstəsi”ni oxuyublar. Aksaray bələdiyyə başqanı deyib ki bundan sonra hər il Qarabağ parkında belə bir gecənin keçirilməsinə çalışacaqlar. Millət vəkili Q.Paşayeva isə deyib ki hər il Aksarayda belə bir gecənin baş titması üçün dəstək göstərməyə hazırıq və inanırıq ki Aksaraylılar bu gün olduğu kimi hər zaman Azərbaycan mədəniyyətini alqışlarla qarşılayacaqlar. Millət vəkili Q.Paşayeva Aksaraydan Qarabağa Könül Köprüsü adlı növbəti gecənin Aksaray bələdiyyə başqanı, üzvləri və Aksaraydan sənətçilərin iştirakı ilə Azərbaycanda keçiriləcəyini bildirib və hər kəsi dəvət edib. Tədbirin sonunda millət vəkili Q.Paşayeva Aksaray bələdiyyə başqanı Haluh Şahin Yazqıya Avrasiya Beynəlxalq Araaşdırmalar İnstitutu adından mükafat və Azərbaycan mədəniyyəti ilə bağlı hədiyyələr təqdim edib. Tədbirin keçirilməsinə dəstək olan Okuklu İnşaata təşəkkürlər.

Millət vəkili Q. Paşayevaya Aksaray və Kapadokyanın(Uçhisar) Fəxri Vətəndaşlığı verilib

Millət vəkili Q. Paşayevaya Aksaray və Kapadokyanın(Uçhisar) Fəxri Vətəndaşlığı verilib.

Millət vəkili, Azərbaycan-Türkiyə Parlamentlərarası Dostluq qrupunun üzvü Qənirə Paşayevaya Aksaray vilayətinin fəxri vətəndaşı statusu verilib. Millət vəkilinə Fəxri Vətəndaşlıq Aksaray bələdiyyə məclisində bələdiyyə üzvləri tərəfindən qəbul edilən ortaq qərara əsasən verilib. Aksaray bələdiyyə başqanı Haluk Şahin Yazqı bildirib ki, millət vəkili Q.Paşayeva Türk dünyası üçün göstərdiyi xidmətləri, beynəlxalq arenada çıxışlarında hər zaman Türkiyəyə dəstəyi, Aksarayın tanıdılmasındakı xidmətlərinə, Azərbaycanla Türkiyə arasında, Azərbaycanla Türkiyənin Aksaray vilayəti arasındakı əməkdaşlığın inkişafı istiqamətindəki səylərinə görə Aksarayın Fəxri Vətəndaşlığına layiq görülüb. Millət vəkiili Q.Paşayevaya həmçinin qədim Kapadokyanın(Uçhisar) Fəxri Vətəndaşlığı da verilib. Uçisar bələdiyyə məclisinin qərarı ilə verilən Fəxri Vətəndaşlığın millət vəkili Q.Paşayevaya təqdim edilməsi zamanı bələdiyyə başkanı Aki Karaarslan bildirib ki Q.Paşayeva fəaliyyətində hər zaman Azərbaycan-Türkiyə qardaşlığının güclənməsinə, Türk dövlət və toplumlarının haklarının dünyanın hər yerində müdafiəsinə, Kapadikya ilə Azərbaycan arasında əməkdaşlığın genişlənməsinə böyük önə verir və onun bu fəaliyyəti gənc nəsillər üçün gözəl örnəklərdən bidiridr və Uçhisar ona Fəxri Vətəndaşlıq verməkdən çox məmundur. Aksarayda və Kapadokyada Fəxri Vətəndaşlığın təqdim edilməsində iştirak edən millət vəkili Q. Paşayeva ona göstərilən bu etimadı yüksək qiymətləndirərək onu bu şərəfli ada layiq görən Aksaray və Kapadokyaya, bələdiyyə məclis sədrlərinə və üzvlərinə təşəkkürünü bildirib. Belə bir statusun onun üçün xüsusi onur olduğunu dilə gətirib: ” Aksarayın və Kapadokyanın fəxri vətəndaşı olmaq mənim üçün şərəfdir. Türkiyədə, özəlliklə Aksaray və Kapadokyada olmaq başqa duyğudur. Belə bir adın verilməsini mənə göstərdiyiniz etimad kimi qiymətləndirirəm və hər zaman onu doğrultmağa çalışacam”. Aksaray və Kapadokyada Fəxri Vətəndaşlığın verilməsi mərasimindəki çıxışları zamanı fəxri vətəndaşlığın verilməsini həyatının ən gözəl anlarından biri adlandıran millət vəkili bundan sonra da bu etimadı doğrultmağa çalışacağını, bundan sonra da Azərbaycan-Türkiyə birliyi, Türk dünyasının birliyi, bərabərliyi uğrunda əlindən gələni əsirgəməyəcəyini dilə gətirib: “Mənə verdiyiniz bu şərəfli statusa layiq olacağıma söz verirəm. Bunu öz adıma deyil, Azərbaycanın müstəqilliyi, ərazi bütövlüyü uğrunda canından keçən şəhidlərimizin və Türk dünyasının birliyinə, bərabərliyinə çalışan dəyərli böyüklərimizin, aydınlarımızın adına qəbul edirəm. Bizim hamımızın məqsədimiz türk millətinin birlik və bərabərliyini gücləndirmək, bu uğurda əlimizdən gələni əsirgəməmək olmalıdır”. Qənirə Paşayeva hazırda türk dövlətləri arasında mövcud olan qırılmaz əlaqələrdən də danışıb:“Hazırda Azərbaycan və Türkiyə arasında dünyada analoqu olmayan əlaqələr mövcuddur. Gənclərimiz bu əlaqələrin daha da genişlənməsi üçün əllərindən gələni etməlidirlər. Çünki böyük şəxsiyyət İsmayıl Qaspiralı deyir ki, dildə, fikirdə və işdə birlik. Əgər dildə və fikirdə birlik olmazsa, işdə də birlik olmaz. Dil və fikirdə bir olduğumuz türk dünyası ilə olan əlaqələri inanıram ki, gənclərimiz daha da genişləndirəcək”. Qənirə Paşayeva fəxri vətəndaşlıq statusu aldığı bu günlərdə düz 24 il əvvəl Azərbaycanda yaşanan faciələrin il dönümü olduğunu diqqətə çatdırıb. “24 il bundan əvvəl bu günlərdə Azərbaycanın Ağdam şəhəri işğal olunub. Mən bütün şəhidlərimizin ruhu qarşısında baş əyərək arzu edirəm ki, bir gün bu cür törənləri birlik və bərabərlik içərisində işğaldan azad edəcəyimiz Dağlıq Qarabağda, Xankəndidə, Şuşada, Xocalıda, Qaradağlıda, o gözəl torpaqlarımızda da qeyd edək”. Sonda ona bu adı layiq görən hər kəsə təşəkkürünü bildirən millət vəkili Qənirə Paşayeva, “Bundan sonra da nəfəsim yetdikcə Azərbaycan, fəxri vətəndaşlığını aldığım Aksaray, Kapadokya, Türkiyənin digər vilayətləri və eləcə də Türk dünyası üçün əlimdən gələni əsirgəməyəcəyəm”-, deyərək fikirlərini yekunlaşdırıb. Çıxışlardan sonra millət vəkili Qənirə Paşayevaya Aksaray və Kapadokyanın Fəxri Vətəndaşlığı statusunun rəsmi sənədləri təqdim olunub. O da öz növbəsində Aksaray bələdiyyə sədri Haluk Şahin Yazqı və Uçhisar bələdiyyə başkanı Ali Karaarslana Azərbaycan incəsənətinə və tarixi həqiqətlərinə aid hədiyyələr təqdim edib.

Türkiyənin qədim Aksaray vilayətində Qarabağ parkı və Xarıbülbül abidəsinin açılışı olub

Türkiyənin qədim Aksaray vilayətində Qarabağ parkı və Xarıbülbül abidəsinin açılışı olub.

Türkiyənin qədim bölgələrindən biri olan Aksarayda Qarabağ parkı və Xarıbülbül abiddəsinin açılışında minlərlə insan iştirak edib. Şəhərin mərkəzində yerləşən və Aksarayın ən böyük parkı olan Qarabağ parkı millət vəkili Qənirə Paşayevanın təşəbbüsü və Aksaray bələdiyyə məclisinin qərarı ilə hazırlanıb. Avrasiya Beynəlxalq Araşdırmalar İnstitutu İB-nin Prezident yanında QHT-na Dəstək Şurasının dəstəyi ilə hazırlatdığı Xarıbülbül abidəsinin də açılışı olub. Heykəltaraş Akif Əsgərov tərəfindən hazırlanan, Qarabağda bitən və bülbülə oxşayan Xarıbülbül çiçəyi abidəsinin üzərində Xocalı soyqırımı qurbanlarını əks etdirən fəryad edən ana təsviri, Xan qızı Xurşudbanu Natavanın, böyük şair Vaqifin rəsmləri, muğam üçlüyü, Qarabağın və Şuşanın tarixi yerləri öz əksini tapıb. “Qarabağ parkı” və “Xaribülbül” abidəsinin açılışında Azərbaycan və Türkiyə millət vəkilləri, Aksaray bələdiyyəsinin rəhbəri, QHT, mediya nümayəndələri və minlərlə yerli sakinlər iştirak edib. Millət vəkili Q. Paşayeva bildirib ki Azərbaycan həqiqətlərini dünyaya çatdırmaq üçün Türkiyənin bir çox şəhərlərində “Xocalı”, “Qarabağ” və s. adı ilə abidələr və parkların açılması ənənəsi davam edir. 30 000 kvm ərazini əhatə edən “Qarabağ parkı”nı gəzən bələdiyyə rəhbəri və qonaqlar zəngin, maraqlı güşələri olan tematik parkla yaxından tanış olub, “Xaribülbül abidə”sini ziyarət ediblər. Möhtəşəm hazırlanmış abidənin önündə toplaşan qonaqlar Aksaray vilayətinin ən gözəl güşəsində təxminən bir ilə ərsəyə gələn “Qarabağın parkı”nın bundan sonra Aksarylıların ən çox ziyarət yerinə çevriləcəyi deyilib. Qarabağda günahsız insanlara edilən erməni zülmünün hər türkün yaddaşlarına həkk etməsi üçün, elə bu abidənin önündə yazılan məlumatları oxuması kifayet edəcəyi bildirilib.
Millət vəkili, Avrasiya Beynəlxalq Araşdırmalar İnstitutu İB-nin sədri Qənirə Paşayeva çıxışında tədbir iştirakçılarına Qarabağ həqiqətləri və abidə ilə bağlı geniş məlumatlar verib, jurnalistlərin suallarını cavablandırıb. Abidənin hazırlanmasında dəstək göstərən və əməyi olan hər kəsə təşəkkürünü bildirib. Abidənin açılışından sonra Qarabağ parkının açılışı ilə bağlı “Qarabağdan Aksaraya könül körpüsü: Azərbaycan-Türkiyə Qardaşlıq Gecəsi” keçirilib. Azərbaycan və Türkiyənin dövlət himinin səslənməsiylə başlayan açılış mərasimində şəhidlərin ruhu bir dəqiqəlik sükutla yad edilib. Çıxışında biz Azərbaycanın səsi olmağa hər zaman hazır olduq və bu sözdə qalmadı deyən Aksaray bələdiyyəsinin rəhbəri Haluk Şahin Yazqı Qarabağın adını Aksaray vilayətində yaşatmağın qürurunu yaşadırıq deyib.Parkın açılışından çıxış edən millət vəkili Qənirə Paşayeva ümumilli lider Heydər Əliyevin ifadə etidiyi kimi “Bir millət, iki dövlət” olan Azərbaycan və Türkiyə qardaşlığı atılan hər addımda, ərsəyə gələn bütün işlərdə özünü ortaya qoymaqdadır deyib: “Hər bir türk övladı həm də Qarabağlıdır. Siz nə qədər Qarabağlı olursanız səsimizi dünyaya o qədər çox çatdıra bilərik. Axı o torpaqlarda günahsızca qətl edilən insanlar bizim qardaş, bacılarımızdı. Sabah qədim Ağdamımızın işğal olunduğu bir gündür və bizim hamımız üçün çox ağır bir gündür və birlikdə bu işğalların bitməsi üçün daha da çox çalışmalıyıq. Birliyimizi daha da gecləndirməliyik”. Millət vəkili səhnədə 2 yaşlı Zəhranın şəklini göstərərək onun erməni faşistləri tərəfindən vəhşiçə öldürülməsindən də danışıb. Bu zülmə dünya birliyinin səssiz qaldığını deyib.
Çıxışlarda bir daha bu zülümlərin yaşanmaması üçün gəncliyin Qarabağda baş verənləri yaddaşlarına yazmağın zəruriliyi dilə gətirilib, belə abidələr və parkalar Türkiyənin dörd bir yanında açılmalıdır deyilib. Millət vəkili biz birlikdə Azərbaycan və Türkiyəyə qarşı terror hadisələri, cinayətlər, işğallar həyata keçirənlərə qarşı mübarizəmizi daha da gücləndirməliyik, gücləndiririk və inşallah onların ədalət qarşısında cavab vermələrinə də nail olacağıq deyib. Azərbaycan Prezidenti İlham Əliyevin Türkiyədə baş verən hadisələrlə bağlı verdiyi məsajlara xüsusi toxunan millət vəkili Q.Paşayeva cənab Prezident əsl qardaşlığın necə olduğunu hər kəsə göstərdi və dosta da düşmana da çox önəmli məsaj oldu deyib. Q.Paşayeva dədələrimiz birlik və bərabərlik içində bizə zəfərin yolunu göstərdi və yenə də birlik, bərabərliyimizi daha da gücləndirib zəfər qazanacağıq deyib. O bildirib ki bu gün Türkiyədə bu cür tədbirlərimizin keçirilməsi çox önəmlidir, eyni zamanda dosta da düşmana da bir məsajdır deyərək torpaqlarımızın işğaldan azad olunacağı günün də uzaq olmadığını vurğulayıb. Bu gün Türk dünyasının mütəlif bölgələrində türk kökənli insanların yaşadığı ağrılardan, əziyyət çəkdiyi problemlərdən danışan millət vəkili Qənirə Paşayeva güc birlikdədir və birlikdə bizə qarşı ədalətsizliklərə qarşı daha güclü mübarizə apara bilərik deyib:”Bir türk xalqının, toplumunun problemi, bütün türk xalqlarının ortaq problemidir. Ona görə də Türk dünyasıyla bağlı məsələlərdə bir-birimizə hər zaman böyük dəstək olmalıyıq. İnşallah yaxın zamanlarda belə tədbirləri birlik və bərabərlik içində Ermənistanın işğalından azad edəcəyimiz Dağlıq Qarabağımızda və digər o gözəl bölgələrimizdə də birlik və bərabərlik içində qeyd edək. İnanırıq ki, o gün uzaqda deyil. Bütün Türk, Müsəlman çoğrafiyasında yaşayan, bu gün acı və kədər içində olan qardaş-bacılarımıza dəstək olmalıyıq və mən sizi bu gün Qarabağda, Suriyada Bayırbucakda, İraqda Təlafər, Kərkükdə, Krımda, Axısxada harada əziyyət çəkən insanımız varsa onlara hər zaman əlinizdən gələn köməyi əsirgəməməyə çağırıram. Allah insanımıza hər zaman hər yerdə yardımçı olsun”- deyərək bitirib. Millət vəkilinin Aksaraylılara səslənərək biz bilirik ki siz Aksaraylı olduğunuz qədər də Qarabağlısınız çağırışına yüzlərlə insan bir ağızdan biz də Qarabağlıyıq deyə cavab verib. Tədbirdə iş adamı Yılmaz Okukla da çıxış edərək bu cür tədbirlərin önəmindən danışıb. Rəsmi hissədən sonra “Qarabağdan Aksaraya könül körpüsü, Azərbaycan Türkiyə qardaşlıq gecəsi” keçirilib. Azərbaycan xalq musiqilərinin ifa olunduğu gecədə ölkəmizdən dəvət olunmuş sənətçilər Əməkdar artist Aybəniz Həşimova, gənc sənətçi Aynişan Quliyeva, musiqiçi İlham Əskəroğlu və xanəndə Nicat Canıyev çıxış edib, “Qarabağ Şikəstəsi”, “Çırpınırdı Qara dəniz” və s. çox sevilən musiqilər tamaşaçılarla birlikdə ifa olunub. Azərbaycan musiqiləri alqışlarla qarşılanıb. Gecənin sonunda millət vəkili Qənirə Paşayevaya Aksarayın Fəxri Vətəndaşı adı və bununla bağlı bələdiyyə məclisinin qərarı təqdim olunub.