Ganira Pashayeva

Millət vəkili Q.Paşayeva güclü dolunun böyük zərər vurduğu Əlimərdanlı kəndini ziyarət edib və dəstək üçün hökumətə müraciət edildiyini deyib.

Millət vəkili Q.Paşayeva güclü dolu yağması nəticəsində böyük zərər dəymiş Tovuzun Əlimərdanlı kəndini ziyarət edib, evlərə baş çəkib, sakinlərlə söhbət edib. Millət vəkili Q. Paşayevaya və Tovuz rayon icra hakimiyyəti rəsmilərinə yumurta böyüklüyündə güclü dolu nəticəsində evlərinin dam örtüyünün tamamilə dağılması, yararsız vəziyyətə düşməsini göstərən sakinlər bildiriblər ki, dam örtükləri elə dağılıb ki,  yağacaq adi bir yağış evlərin içərisini də ağır vəziyyətdə qoya bilər. Kənd təsərrüfatı məhsulları əkib-becərməklə dolandıqlarını deyən kənd sakinləri güclü dolunun əkinlərini də pis vəziyyətə qoyduğunu deyərək ən azı evlərinin dam örtüyünün düzəlməsi istiqamətində dövlət qurumlarından dam örtüyü üçün şifer materiallarla dəstək göstərilməsini xahiş ediblər. Özəlliklə yağan dolunun evinin damını tamamilə yararsız vəziyyətə saldığı bir sıra maddi imkanları ağır ailələrə baş çəkən millət vəkili Q.Paşayeva bildirib ki, məsələ ilə bağlı Tovuz rayon icra hakimiyyəti başçısı və millət vəkili olaraq o, Fövqəladə Hallar Nazirliyinə və Nazirlər Kabinetinə vəziyyətlə bağlı məlumat veriblər və kömək göstərilməsini xahiş ediblər. Artıq dəyən zərərlə bağlı rayonda komissiyanın araşdırma apardığını deyən millət vəkili Q. Paşayeva  Baş Nazirin müavini Abid Şərifova  Cəlilli, Mülkülü, Əlimərdanlı, Xatınlı, Qaraxanlı, Qədirli və Cilovdarlı kəndlərinə yağan dəhşətli dolu səbəbindən sakinlərlə dəyən zərərlə bağlı məlumat verdiyini, vəziyyəti çatdırdığını, sakinlərin özəlliklə tamamilə sıradan çıxan dam örtüyü üçün şifer yardımı edilməsi istiqamətində hökumətimizdən dəstək gözlədiyini çatdırdığını deyib və kənd sakinlərini təmsil edən millət vəkili kimi bu məsələ ilə bağlı müvafiq qurumlara xahişlər etdiyini deyib. “Ziyanın aradan qaldırılması istiqamətində yardım göstərilməsi xahişinizi Abid müəllimin diqqətinə çatdırdım”,- deyən Q. Paşayeva özəlliklə maddi imkanları aşağı ailələrə dəyən zərərin aradan qaldırılması istiqamətində ilk növbədə dəstək göstərilməsini millət vəkili olaraq xahiş etdiyini  deyib. Baş nazirin müavini  Abid Şərifovun vəziyyəti dəyərləndiriləcəyini və insanlara dəstək göstərilməsi istiqamətində imkanların nəzərdən keçiriləcəyini dediyini söyləyən millət vəkili Q. Paşayeva dövlətimizin hər zaman olduğu kimi sakinlərə dəstək göstərəcəyinə ümidvar olduğunu deyib və hökumət rəsmilərinə vəziyyətlə bağlı təkrar müraciətlər edəcəyinə söz verib. Kənd sakinləri yaranmış ağır vəziyyəti nəzərə alaraq Kənd Təsərrüfatı nazirliyi tərəfindən onlara imkanlara uyğun olaraq bəzi kənd təsərrüfatı texnikası ilə dəstək göstərilməsini xahişini millət vəkili Q. Paşayeva nazir Heydər Əsədovla qısa zamanda müzakirə və xahiş edəcəyinə söz verib. Millət vəkili Q. Paşayeva kəndin elektrik verilməsi ilə bağlı problem yaranmış küçələrini də ziyarət edib, yaranmış problemlərinin həlli istiqamətindəki məsələlər yerindəcə həllini tapıb. “Azərişıq” ASC-nin sədri Balababa Rzayevə kənd sakinlərinin və onlar adından millət vəkili kimi vəziyyəti nəzərə alaraq problemin qısa zamanda həllinə dəstək göstərilməsi xahişinə “Azərişıq” ASC-nin rəhbəri müsbət reaksiya verib və bir neçə saat içərisində lazım olan materiallar kəndə göndərilib və işlərə başlanılıb.

Millət vəkili Qənirə Paşayeva Tovuz məktəblərində “Son Zəng”lərində iştirak edib və gənclərimizə əsl vətəndaş olmağı və uğurlar diləyib

Millət vəkili Qənirə Paşayeva  Sovet Kazımov adına Qovlar şəhər tam orta məktəbdə, Məharət Məmmədov adına Qovlar şəhər tam orta məktəbdə, Eyvaz Bayramov adına Əyyublu kənd orta məktəbində, Dilman Süleymanov adına Dönük Qırıqlı kənd tam orta məktəbində və Düz Qırıqlı kənd 1№-li tam orta   məktəbində “Son Zəng”də iştirak edib, məzunları təbrik edib və onlara uğurlar diləyib. Millət vəkili eyni zamanda gənclərimizin təhsil almasında əziyyət çəkən müəllimləri və əziz valideynlərini də təbrik edib. “Bu, sizin həyatınızda çox önəmli bir mərhələnin başlanğıcıdır və bunu yüksək dəyərləndirməlisiniz” deyən millət  vəkili Qənirə Paşayeva çıxışında bildirib ki,  hansı peşənin sahibi olmaq istəyindən asılı olmayaraq gənclər üçün  daha böyük vəzifələrin bundan sonra başlayır: “Siz özünüzü ölkəmizin, xalqımızın qarşısında duran problemlərin həllində iştiraka hazırlamalı, bunun üçün ilk növbədə biliklərə yiyələnməli, yaxşı mütəxəssis kimi yetişməli və öz vətənpərvərliyinizlə seçilməlisiniz.   Bunu hər bir şagirdimiz etməlidir, lakin sizlərin ikiqat məsuliyyəti var – çünki mövcud uğurlarınız bizə bunu deməyə əsas verir, – yəni siz daha böyük vəzifələrə hazırlanmağı bacararsınız, buna sizin potensialınız var” – deyə öz fikirlərini bildirdi. Hər il Tovuz rayonundan ali məktəblərə daxil olan gənclərin sayında artımın olması bizi sevindirir deyən  millət vəkili Qənirə Paşayeva Tovuz  gəncləri daha böyük potensiala malikdir və onların daha da çox təhsilə  yönləndirilməsi istiqamətində hamımız müəllimlərimiz, millət vəkili olaraq bizlər səylərimizi daha da artırmalıyıq deyib. Hərbi məktəblərə daxil olan gənclərin də hər il artması və Tovuzun bu nəticələrə görə ön sıralarda olmasını  müsbət hadisə kimi qiymətləndirərək bu il bu göstəricilərin daha da artacağına inandığını deyib. Hər bir gəncimiz eyni zamanda öz ana dilini, ədəbiyyatını  və tarixini də dərindən öyrənməlidir deyən millət vəkili Qənirə Paşayeva dərslərlə bərabər xarici dillərin yüksək səviyyədə öyrənilməsinin vacibliyini də vurğulayıb. Millət vəkili respublikamızın Ermənistan tərəfindən haqsız və elan olunmamış müharibəyə cəlb olunduğunu, 1 milyona yaxın insanımızın qaçqın və məcburi köçkün həyatı yaşadığını qeyd edərək, hər bir vətəndaşımızın, özəlliklə, gələcəyin mütəxəssislərinin, ziyalıların daha məsuliyyətli, daha hazırlıqlı olmasının vacibliyinə diqqət çəkdi. Çıxışının sonunda millət vəkili Qənirə Paşayeva gənclərə uğurlar arzulamaqla bərabər bütün gənclərə özlərinə inanmağı, daha çox çalışmağı və uğurlar diləyib.

Millət vəkili Qənirə Paşayeva Milli Məclisdə çıxış edərək ƏƏSMN işçilərin hüquqlarını pozanlara qarşı fəal mübarizəyə çağırıb.

Bu gün Milli Məclisdə İşsizlikdən sığorta haqqında qanun layihəsinin müzakirəsi zamanı çıxış edən millət vəkili Qənirə Paşayeva qanun layihəsində işsiz qalan insanlara dəstək istiqamətində vacib məsələlərin öz əksini tapdığını amma bu məsələ ilə bərabər əmək müqavilələri ilə bağlı problemlərin öz həllini tapmasının vacibliyini bildirib. Əmək müqavilələri ilə bağlı problemlərin bu qanun layihəsi qəbul olunduqda onun da yüksək səviyyədə icrasına mənfi təsir göstərəcəyini deyən millət vəkili Q.Paşayeva isçilıərin hüquqlarının müdafiəsi istiqamətində işlər daha da surətlənməlidir deyib: “Bu gün də bir sıra şirkətlər və qurumlar əmək müqaviləsi bağlamadan insanları işə cəlb edirlər və əmək haqlarını əmək müqavilələrində az göstərirlər. Buna qarşı Əmək və Əhalinin Sosial Müdafiəsi Nazirliyinin mübarizəsi sərtləşməlidir. Unutmamalıyıq ki, biz pensiya təminatı ilə bağlı fərdi uçot sisteminə keçmişik. Əmək müqaviləsi olmadan çalışan insanların əmək müqavilələri və buna müvafiq olaraq DSMF-na ödəmələri olmadığı üçün gələcəkdə onların pensiyaları sual altında qalacaq və minlərlə insanın gələcəyi böyük təhlükə qarşısında qala bilər. Ona görə də əmək müqaviləsi olmadan işçi çalışdıran şirkət və qurumlara qarşı mübarizə aparılmalı və ciddi tədbirlər görülməlidir. Eyni zamanda bir sıra hallarda əmək müqavilələrində əmək haqqı işçinin aldığı real əmək haqqından az göstərilir ki bu da gələcəkdə həmin şəxsin pensiyası ilə bağlı ciddi problemlərin əsasını qoyur. Bu istiqamətdə ciddi addımlar atılmazsa, gələcəkdə yüzlərlə vətəndaşımızın ciddi narazılığı ortaya çıxacaq. Çünki əmək müqaviləsi olmadan çalışan faktiki olaraq işləyir, amma əmək müqaviləsi olmadığı üçün onun gələcəkdə pensiya alması üçün hesabına heç bir vəsait yığılmır. Bu halların qarşının alınması istiqamətində ƏƏSMN işləri daha sürətlənməlidir, vətəndaşın hüquqlarını daha yaxşı qorumalıdır, əmək müqaviləsi olmadan, işçi çalışdıran və əmək haqlarını əmək müqaviləsində real əmək haqqından az göstərən qurumlara, şirkətlərə qarşı sərt tədbirlər görülməlidir və eyni zamanda əhalinin bu istiqamətdə maarifləndirilmə məsələsini də daha da genişləndirməliyik. Təbii hamımız istəyirik ki sahibkarlıq daha da inkişaf etsin. Çünki iqtisadiyyatın inkişafı, iş yerlərinin açılması üçün bu çox vacibdir. Hamımız sahibkarla qarşı süni maneler, qanunsuz yoxlamaların əlehinəyik amma sahibkarlar tərəfindən işçilərin hüquqlarının pozulmasının da əlehinəyik. Bu gün özəl sektorda əmək müqaviləsi olmadan çalışan və ya əmək haqları əmək müqaviləsində az göstərilən insanların sayı az deyil. Sabah bu insanlar pensiyaya çıxanda necə olacaq? Necə pensiya alacaqlar? Yaşlananda heç olmasa özlərinə yetə biləcək pensiya ala bilməkdən məhrum olacaqlar və bu dövlət üçün ciddi bir problem olacaq. Unutmamalıyıq ki, biz pensiya təminatı ilə bağlı fərdi uçot sisteminə keçmişik, yəni hər bir insan öz əmək haqqında DSMF-na nə qədər vəsait ödəyibsə, ona müvafiq də pensiya alacaq. Əmək müqaviləsi olmadan çalışan insanların əmək müqavilələri və buna müvafiq olaraq DSMF-na ödəmələri olmadığı üçün gələcəkdə onların pensiyaları sual altında qalacaq və yüzlərlə insanın gələcəyi böyük təhlükə qarşısında qala bilər. Ona görə də əmək müqaviləsi olmadan işçi çalışdıran şirkət və qurumlara qarşı mübarizə aparılmalıdır. İnsanlar iş tapmaq asan olmadığından və işlərini itirməmələri üçün bəzən əmək müqaviləsi olmadan işləməyə məcbur olurlar. Amma müvafiq dövlət qurumu bu cür şirkət, qurumlara qarşı bu kimi hallara son qoyulması istiqamətində mübarizə tədbirlərini sərtləşdirməlidir, çünki bu şərtlərlə işləyəməyə məcbur olan insanlar bu gün müəyyən problemlərlə üzləşməklə bərabər, onların gələcək pensiya təminatında da çox ciddi problemlər yaranacaq”.

Millət vəkili Qənirə Paşayeva Almaniyanın, Fransanın və İspaniyanın tanınmış təşkilat rəhbərləri ilə köçkün qadınlardan danışıb.

Milli Məclis deputatı Qənirə Paşayeva Almaniyanın Ailə İşləri, Vətəndaşlar, Qadın və Gənclər üzrə Dövlət Katibi Elke Ferner, İspaniyanın Dünya Vəhşi Təbiət Fondunun Donor əlaqələr üzrə rəsmisi Marqarita de Cos Head, Fransanın Etika və İdarəetmə onlayn idarəetmə analitik şirkətinin rəhbəri Floren de Syent-Pyerr  ilə görüşdə Azərbaycanda qadınların cəmiyyətdə rolunun artırılması istiqamətində görülən işlər və xüsusilə Azərbaycan həqiqətləri ilə bağlı məlumatlar verib. Q.Paşayeva onlara Ermənistanın işğal etdiyi Azərbaycan torpaqlarında törətdiyi vandalizm aktları ilə bağlı məlumatlar verib. Deputat Almaniyanın Ailə İşləri, Vətəndaşlar, Qadın və Gənclər üzrə Dövlət Katibi Elke Fernerə, İspaniyanın Dünya Vəhşi Təbiət Fondunun Donor əlaqələr üzrə rəsmisi Marqarita de Cos Head, Fransanın Etika və İdarəetmə onlayn idarəetmə analitik şirkətinin rəhbəri Floren de Syent-Pyerr  1 milyon azərbaycanlının, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşməsi və onların fundamental insan haqlarının bu gün də Ermənistan tərəfindən pozulmaqda davam etməsi barədə də məlumatlar verib. Azərbaycanın Almaniya, Fransa və İspaniya ilə əməkdaşlığın, dostluğun inkişafına önəm verdiyini deyən millət vəkili Q.Paşayeva ona ölkəmizin Birinci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu ilə bağlı danışıb və fikir mübadiləsi olub. Ölkələrimizin qadın fəalları arasında münasibətlərin və qarşılıqlı səfərlərin vacibliyi, münasibətlərin, əməkdaşlığın inkişafı üçün böyük prespektivlər olduğunun vurğulandığı görüşlərin sonunda millət vəkili Q.Paşayeva Almaniyanın Ailə İşləri, Vətəndaşlar, Qadın və Gənclər üzrə Dövlət Katibi Elke Fernerə, İspaniyanın Dünya Vəhşi Təbiət Fondunun Donor əlaqələr üzrə rəsmisi Marqarita de Cos Head, Fransanın Etika və İdarəetmə onlayn idarəetmə analitik şirkətinin rəhbəri Floren de Syent-Pyerrə  Azərbaycan mədəniyyəti ilə bağlı hədiyyə və materialları təqdim edib.  #Azerbaijan #Germany #Spain #France

Müəllim və şagirdlər Özünə Yolçuluğa çağrıldı…

Binəqədi rayonunda yerləşən 283 saylı tam orta məktəbdə millət vəkili Qənirə Paşayeva ilə görüş və onun yaradıcılığına həsr olunmuş “Özümə yolçuluq” adlı ədəbi-bədii tədbir keçirilib. Tədbirdə millət vəkili Qənirə Paşayeva ilə yanaşı, Təhsil Nazirliyinin, Binəqədi Rayon İcra Hakimiyyətinin məsul əməkdaşlarıda iştirak edib.Tədbiri giriş sözü ilə açan məktəbin direktoru Tünzalə Zeynalova Qənirə Paşayevanın yaradıcılığı ilə bağlı danışıb və bu cür tədbirlərin məktəblilər üçün önəmini vurğulayıb. Daha sonra məktəblilərxanım millət vəkilinin yaradıcılığı ilə bağlı hazırladıqları bədii hissəni təqdim edib. Xanım Paşayeva tədbirdə geniş çıxış edərək şagirdlərin maraqlı proqram əsasında tərtib olunmuş çıxışlarına, səhnəciklərə görə uşaqlara və bu işdə onlara dəstək olan müəllimlərə  təşəkkür edib. Millət vəkili orta məktəbdə belə bir maraqlı proqramın gerçəkləşdirilməsindən məmnunluğunu ifadə edərək, bu məmnunluğu yalnız onun yaradıcılığına müraciət edilməsi ilədeyil, ümumən şagirdlərin öz istedad və bacarıqlarını bütün parlaqlığı ilə üzə çıxara bilmələri, yeni kitablarla tanış olmaları, oxuduqlarına isə səhnə təcəssümü verə bilmələri ilə əlaqələndirib. Bütün tərəqqipərvər ziyalılar, yazarlar kimi, özünün də  bir qələm adamı, bir millət vəkili olaraq, həmişə gəncləri oxumağa, öyrənməyə, savadlı olmağa, tariximizi, ədəbiyyatımızı dərindən bilməyə, vətənpərvərliyə, habelə zərərli vərdişlərdən uzaq olmağa çağırdığını xatırladan xanım millət vəkili, orta məktəbin ən əsas vəzifəsinin şüurlu, peşəkar vətəndaş yetişdirmək olduğunu deyib.Qeyd edib ki, həm bu ilki, həm də ötən tədris illərində özünəməxsus nəticələri ilə seçilən 283 saylı məktəbin gələcəkdə daha böyük uğurlara imza atacağına inam yüksəkdir. Bu inamı öz işini sevən, dərsləri şagirdlərə yalnız savadla deyil, yanar ürəklə çatdıran müəllimlərin varlığından, şagirdlərin öyrənmək əzmindən aldığını bildirib. Gecədə fərqlənən hər bir şagirdlə söhbət edən və məktəbdə milli tariximizin, ümumən humanitar elmlərin də dərindən öyrənilməsi istiqamətində həyata keçirilən uğurlu işlərin önəmini vurğulayan Q.Paşayeva, onlara öz kitablarını hədiyyə edib, xatirə şəkilləri çəkdirib. Tədbirin sonunda millət vəkili Q.Paşayeva müəllimlərlə fikir mübadiləsi aparıb, məktəb rəhbərliyi və pedaqoji kollektivin, müəllifi olduğu kitablarla bağlı yaddaqalan görüş təşkil etdikləri üçün bir daha təşəkkürünü bildirib.

Millət vəkili Q.Paşayeva ABŞ və Meksikanın fəal xanımları ilə qadınlarımız arasında əməkdaşlığın genişləndirilməsini müzakirə edib

ABŞ-ın ” My Med Choices” şirkətinin təsisçisi və baş direktoru Mary Schreiber, “İntel” şirkətinin vitse-prezidenti Rosalind Hudnell və Meksikanın Peşəkar İşgüzar Qadınları Beynəlxalq Federasiyasının prezidenti Yasmin Darviç   ilə görüşməkdən məmnunluğunu bildirən millət vəkili Qənirə Paşayeva Azərbaycanın  ABŞ və Meksika  ilə münasibətlərin daha da genişlənməsinə böyük önəm verdiyini deyib. Millət vəkili Q.Paşayeva ABŞ-ın ” My Med Choices” şirkətinin təsisçisi və baş direktoru Mary Schreiber, “İntel” şirkətinin vitse-prezidenti Rosalind Hudnell və Meksikanın Peşəkar İşgüzar Qadınları Beynəlxalq Federasiyasının prezidenti Yasmin Darviçə   Azərbaycanla bağlı, ölkəmizin 1-ci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolundan danışıb, Azərbaycan həqiqətləri ilə bağlı məlumatlar verib. Millət vəkili Qənirə Paşayeva görüş zamanı onlara 1 milyon azərbaycanlının, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşməsi və onların fundamental insan haqlarının bu gün də Ermənistan tərəfindən pozulmaqda davam etməsi barədə məlumatlar verib və fikir mübadiləsi aparılıb. Millət vəkili Q.Paşayeva görüşün sonunda ABŞ-ın ” My Med Choices” şirkətinin təsisçisi və baş direktoru Mary Schreiber, “İntel” şirkətinin vitse-prezidenti Rosalind Hudnell və Meksikanın Peşəkar İşgüzar qadınların Beynəlxalq Federasiyasının prezidenti Yasmin Darviçə   Azərbaycan mədəniyyəti ilə bağlı hədiyyə və materialları təqdim edib və onları ölkəmizə dəvət edib.

Millət vəkili Q.Paşayeva Böyük Britaniya və Avstraliyanın fəal qadınları ilə köçkün qadınlardan danışıb.

Böyük Britaniyanın Cranfield Beynəlxalq Qadın Liderləri Mərkəzinin icraçı direktoru Susan Vinnicombe, Avstraliyanın Pttinger şirkətinin təsisçisi Kassandra Kelli, “Financial Times” qəzetinin Asiya-Sakit okean bürosunun (Avstraliya) baş direktoru Angela Mackay və “Financial Times”qəzetinin (Böyük Britaniya) biznez redaktoru Sarah Qordon  ilə görüşməkdən məmnunluğunu bildirən millət vəkili Qənirə Paşayeva Azərbaycanın  Böyük Britaniya və Avstraliya dövlətləri  ilə münasibətlərin daha da genişlənməsinə böyük önəm verdiyini deyib. Millət vəkili Q.Paşayeva Böyük Britaniyanın Cranfield Beynəlxalq Qadın Liderləri Mərkəzinin icraçı direktoru Susan Vinnicombe, Avstraliyanın Pttinger şirkətinin təsisçisi Kassandra Kelli, “Financial Times” qəzetinin Asiya-Sakit okean bürosunun (Avstraliya) baş direktoru Angela Mackay və “Financial Times”qəzetinin (Böyük Britaniya) biznez redaktoru Sarah Qordona  Azərbaycanla bağlı, ölkəmizin 1-ci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu ilə bağlı danışıb, Azərbaycan həqiqətləri ilə bağlı məlumatlar verib. Millət vəkili Qənirə Paşayeva görüş zamanı onlara 1 milyon azərbaycanlının, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşməsi və onların fundamental insan haqlarının bu gün də Ermənistan tərəfindən pozulmaqda davam etməsi barədə məlumatlar verib və fikir mübadiləsi aparılıb. Millət vəkili Q.Paşayeva görüşün sonunda Böyük Britaniyanın Cranfield Beynəlxalq Qadın Liderləri Mərkəzinin icraçı direktoru Susan Vinnicombe, Avstraliyanın Pttinger şirkətinin təsisçisi Kassandra Kelli, “Financial Times” qəzetinin Asiya-Sakit okean bürosunun (Avstraliya) baş direktoru Angela Mackay və “Financial Times”qəzetinin (Böyük Britaniya) biznez redaktoru Sarah Qordona  Azərbaycan mədəniyyəti ilə bağlı hədiyyə və materialları təqdim edib və onları ölkəmizə dəvət edib.

 BAKIDA İLESAM BAŞQANININ YARADICILIQ GECƏSİ KEÇİRİLİB

Bakıdakı R.Behbudov adına Dövlət Mahnı Teatrında, qardaş Türkiyənin tanınmış ədibi, İLESAM başqanı Mehmet Nuri Parmaksızın yaradıcılıq gecəsi keçirilib. “Avrasiya Beynəlxalq Araşdırmalar İnstitutu” İB-nin (ABAİB) dəstəyilə keçirilən gecədə çıxış edən, Birlik rəhbəri, millət vəkili dos.dr. Qənirə Paşayeva, qardaş ölkə yazarının həyat və yaradıcılığı barədə geniş bilgi verib. Türkiyə Elm və Ədəbiyyat əsəri Sahibləri Məslək Birliyi İLESAM-a başçılıq etdiyi dövrdə, İLESAMla Azərbaycan ədəbi qurumları arasında sıx əlaqələr qurulduğunu, bu əlaqələrin son illər artıq öz məhsullarını verən ciddi əməkdaşlığa çevrildiyini qeyd etdi.

“Mehmet Nuri Parmaksız kimdir?” deyə sual edən Qənirə Paşayeva, qoyduğu suala özü cavab verib:

-İstanbulda doğulmuş, orta təhsilini İstanbulda tamamladıqdan sonra, Ankaradakı Qazi Universitetinin Fən-Ədəbiyyat fakultəsi Türk Dili və Ədəbiyyatı bölümündən məzun olan Mehmet Nuri, qardaş Türkiyənin çeşidli məktəblərində ədəbiyyat müəllimliyi etmiş, türk uşaq və gənclərinin nəynən nəfəs aldığı, hansı ruha yiyələndiyi barədə biləvasitə bilgi əldə etmiş, özü də, necə deyərlər, bu nəfəsalma, ruhlanma işində şəxsən ikştirakçı olmuş, vətəndaş, müəllim, aydın, şair kimliyi ilə gənc nəslin yetişməsinə öz töhfələrini vermişdir.

Şeir üzərinə yazdığı məqalələri və şeirlərini yayınladıqca türk oxucusu onu bir başqa tanımağa başlayıb: məlum olub ki, Parmaksız yalnız yazılanları öyrətmir, eyni güclə, bəlkə daha artıq dərəcədə öyrədiləsi əsərlər yazır… Və yanır yazır, yazır yanır..! – Çünki o Eşqi anladırdı! Mehmet Nuri Partmaksızın anlatımındakı Eşq, hər nə qədər özündən öncəki söz, fikir ustadlarının eşq bulağından su içsə də, özünəməxsusdu, oxunaqlıydı, sevilirdi… Əlbəttə, keçmiş zamanda deyil, qəhrəmanımız haqqında danışarkən, onun həm bugünündən danışırıq, həm də sabahına olan inamımızı ifadə edirik.

Ədəbiyyatçı kimi bir çox ödüllərə layiq görülən qardaşımızın ən böyük ödülü olaraq, oxucu sevgisini qeyd edərdim. Siz dəyərli yazar qardaşımızın yaradıcılığı ilə tanış olduqca, sanki “bir Mehmet var, Mehmetdən içəri” deyəcəksiz; deyəcəksiz, bu gördüyümüz Mehmet Nuri Parmaksızdan başqa, buz dağının arxasında bir Mehmet Nuri Parmaksız daha var. Bax, məhz o buz dağının arxasındakı Mehmet Nuri Parmaksız, dünyada, qürbətdə, sonsuz eşq üçün növbədə duran qərib bir yolçudur.

Hər insanın bəlli adından başqa bir gizli bir adı da var, deyərlər, Parmaksızı bir sözlə ifadə edəsi olsaydıq, məncə, o söz EŞQ olardı. EŞQ onun həyata, dünyaya baxışında mərkəzi mövqedə durur.

Mehmet Nuri Parmaksız təvəkkül və şükür adlı qoruyucu bir divara sahib dərvişdir.

Dəli bir aşiqdir Parmaksız. – Məni eşq ayaqda tutacaq deyən çılğın aşiq… Ruhun səninlə dünyaya deyil, məhşərə baxar deyən bir eşq ustasıdır o… O içindəki xoşbəxtlik duyğusnun yaradandan gəldiyini idrak etmiş bir usta qələmdir.”

Sözünə davam edən xanım millət vəkili, qardaş ölkə yazarının kitabları, kitablaşan əsərlərinin məziyyəti barədə də fikirlərini bölüşüb, ona yeni yaradıcılıq uğurları diləyib. Çıxışının sonunda millət vəkili Qənirə Paşayeva ünlü rəssam – dünyada neftlə rəsm əsərləri yaradan yeganə ustad sənətçi olan Sabir Çopuroğlunu səhnəyə dəvət edib və onun “Şahə qalxmış atlar” əsərini birlikdə Mehmet Nuri Parmaksıza hədiyyə ediblər.

Azərbaycan Yazıçılar Birliyinin sədri, Xalq yazıçısı ANAR, Azərbaycan-Türkiyə ədəbi əlaqələrinin dünəni, bugünü və sabahı barədə düşüncə və fikirlərini bölüşdükdən sonra, Mehmet Nuri Parmaksızın bu əlaqələrin günümüzdə daha da inkişaf etməsi baxımından rolundan söz açıb.

M.N.Parmaksızın ədəbi uğurları və ədəbi əlaqələrin qurulması sahəsində çalışmaları nəzərə alınaraq AYB üzvlüyünə qəbul edildiyini bildirən Xalq yazıçısı, Birliyin üzvlük vəsiqəsini ona təqdim edib.

Azərbaycanda Atatürk Mərkəzinin şöbə müdiri Əkbər Qoşalı, Gənc Şairlər Birliyinin başçısı, AYB Mətbuat Xidmətinin rəhbəri Xəyal Rza, filologiya elmləri doktoru, professor Əlizadə Əsgərli, İLESAM Yönətim Kurulu üzvü Durak Turan DÜZ və başqalarının çıxış etdiyi gecədə, əməkdar artistlər Nuriyyə  Hüseynova, Azad Şükürov, Elza Seyidcahan, Məleykə Aloğlu, xanəndə Mütəllim Dəmirov, gənc aşıqlar Elməddin Məmmədli, Şəhriyar Qaraxanlı və başqaları öz yaddaqalan ifaları ilə gecəyə rəng qatmış, tamaşaçılara yaddaqalan anlar yaşadıblar.

Sonda, tədbirin təşkilində əməyi keçən hər kəsə təşəkkür edən Mehmet Nuri Parmaksız, gecədən məmnun qaldığını, bu tədbirin yalnız şəxsinə deyil, İLESAM ailəsinə, bütün türkiyəli yazarlara sayğının örnəyi kimi dəyərləndirmişdir.

Qardaş ölkə yazarı tədbirin sonunda özünün bir neçə şeirini oxuduqdan sonra, Türkiyə və Azərbaycanda çıxan kitablarını oxucular üçün imzalayıb.

Millət vəkili Q.Paşayevaya İLESAM tərəfindən Türk Dünyası Onur Ödülü təqdim edilib.

Mükafat millət vəkili, Avrasiya Beynəlxalq Araşdırmalar İnstitutu İB-nin rəhbəri  Q.Paşayevaya Azərbaycanda keçirilən və böyük şairimiz Məmməd Araza həsr olunan  VII Şairlər Günü çərçivəsində təqdim olunub. Mükafatı təqdim edən İLESAM başqanı Mehmet Nuri Parmaksız millət vəkili, siyasi elmlər doktoru Q.Paşayevanın Türk dünyasının bütün istiqamətlərdə o cümlədən ədəbi-mədəni əlaqələrinin gücləndirilməsindəki fəaliyyətindən danışıb və Türkiyənin şairlərini, yazarlarını və sənət adamlarını birləşdirən İLESAM-ın millət vəkili Q.Paşayevanı belə bir önəmli mükafata layiq gördüyünü deyib. Millət vəkili, Avrasiya Beynəlxalq Araşdırmalar İnstitutu İB-nin rəhbəri Q.Paşayevanın eyni zamanda İLESAM üzvü olduğunu vurğulayan Mehmet Nuri Parmaksız Q.Paşayevanın Türk dünyası həqiqətlərini həm də ədəbiyyatın dili ilə yaydığını xüsusi vurğulayıb. Qardaş Türkiyədən və müxtəlif qardaş ölkə və toplumlardan gəlmiş şair və yazarları salamlayan millət vəkili Q.Paşayeva Vətəninizə xoş gəlmisiniz deyib.  Bu cür tədbirlərin böyük önəmi və tədbirin İstiqlal şairlərimizdən olan Məmməd Araza həsr olunmasının vacibliyi barədə danışan millət vəkili Q.Paşayeva şairlərin, yazarların qurduğu ədəbiyyat, mədəniyyət körpüləri ən güclü körpülərdir deyib,onlara uğurlar diləyib, İLESAM Azərbaycan başda olmaqla tədbirin təşkilatçılarına təşəkkürünü bildirib.    Q. Paşayeva çıxışında Azərbaycanın və Türk dünyasının ən böyük problemlərindən olan Qarabağ probleminə toxunaraq “inşallah VIII Şairlər Gününü işğaldan azad edəcəyimiz gözəl Qarabağımızda, Şuşada, Cıdır düzündə qeyd edək”, – deyə bitirib. Millət vəkili, Avrasiya Beynəlxalq Araşdırmalar İnstitutu İB-nin rəhbəri Qənirə Paşayevanın İLESAM başqanı Mehmet Nuri Parmaksızla görüşündə iki qardaş dövlətimizin ədəbi-mədəni əlaqələrinin, əməkdaşlığın daha da genişləndirilməsi istiqamətində layihələr ətrafında geniş fikir mübadiləsi aparılıb. Millət vəkili Q.Paşayeva həmçinin qardaş Türkiyədən gəlmiş şair və yazarlarla da görüşüb və fikir mübadiləsi aparılıb. Millət vəkili Q.Paşayeva bir millət iki dövlət  olaraq gənc nəsillərimizi birlik, bərabərlik ruhunda yetişdirmədə şair, yazar, aydınlarımızın üzərinə böyük vəzifələr düşdüyünü söyləyib və onlara bu istiqamətdə uğurlar diləyib.

Görkəmli professor Qəzənfər Paşayevin 80 illik yubileyi ilə əlaqədar Tovuzda tədbir keçriilib.

Tovuzun Düz Qırıxlı kəndindəki 1 saylı tam orta məktəbdə, bu kənddə doğulmuş ünlü alim – filologiya elmləri doktoru, professor Qəzənfər Paşayevin qarşıdan gələn 80 illik yubileyi münasibəti ilə təntənəli tədbir keçirilib. Tədbirdə millət vəkili, “Avrasiya Beynəlxalq Araşdırmalar İnstitutu” İctimai Birliyinin (ABAİB) sədri Qənirə Paşayeva, Tovuz rayon İH başçısı Tofiq Zeynalov, professor Şirindil Alışanov və başqa rəsmi şəxslər iştirak və çıxış edib. Məktəbin direktoru Xatirə Xasıyeva,millət vəkili Qənirə Paşayeva professorun həyat və yaradıcılığının ən ümdə məqamlarına diqqət çəkərək, onu Türk Dünyasının, özəlliklə, İraq-Türkman elmi-ədəbi ictimaiyyətinin yaxından tanıdığını bildirdi. Kərkükü, başqa İraq-Türkman ellərini, ümumən Türk Dünyasını, öncə, Qəzənfər müəllimin söhbətləri, yazıları, kitabları ilə tanıdığını, sevdiyini vurğulayan xanım Paşayeva, getdikcə böyüyən bu sevdanın ölümsüzlüyünə inandığını deyərək, Qəzənfər müəllimin kitabları ilə tanışdığımız bir Kərkük hoyratını xatırladıb:

“Bağdad yolu Gəncədir,

Gülü pəncə-pəncədir,                                                             

Demə sizdən irağam,

Bu sevda ölüncədir.”

Sözünə davam edən Q.Paşayeva deyib:

-Yaxşı xatırlayıram, uşaq vaxtlarımdı. Qəzənfər müəllim tərcüməçi olaraq çalışdığı İraqdan məzuniyyətə gəldiyi zamanlarda, onun sirli-sehirli söhbətlərinin əsas dinləyicilərindən biri olardım. – Kərkükdən, Tuzhurmatudan, Telafərdən, Ərbildən danışırdı əmim, ordakı insanların bizimlə eyni cür danışdığını, mətbəxlərinin, gələnəklərinin, bir sözlə, hər şeylərinin bizimlə eyni olmasından danışırdı… Bir xeyli sonra əmimin bu sirli ölkə haqqında ard-arda çıxan kitablarını oxumağa başladım: “Altı il Dəclə-Fərat sahillərində”, “Kərkük bayatıları”, “Kərkük atalar sözləri” və s… Deyə bilərəm ki, o kitablardakı sətirlər sanki dirilərək canımıza, ruhumuza hopur, bizi də sevdalandırırdı.Təsadüfi deyil ki,mən məktəb tədbirlərində məhz İraq-Türkman bayatıları söyləyirdim. –O bayatılar bir çox incə mətləbləri düşüncələrə hopduran bayatılar idi… Məsələn,

Dilim dilim,

Kəs qovun dilim-dilim,

Mən dilimdə vaz keçməm,

Olursam dilim-dilim…

İlahi, bu nə yanğı, bu nə ağrı idi.?! Bax, biz bu sevdayla böyüdük və sovetlerin dağılması, müstəqilliyimizin bərpası illərində o sirli-soraqlı yerdən – Kərkükdən qonaqlar daha çox gəlməyə başladı… Və Qəzənfər əmim vasitəsilə onları yaxından tanımağa başladıq…Bugün də, Azərbaycanın diqqətini, sevgisini yüksək qiymətlədirən İraqlı soydaşlarımızla hər görüş, hər söhbət bir ziyarətə çevrilir… Soydaşlarımız Ümummilli Liderimiz Heydər Əliyevin “…tarixi araşdıranda gördüm ki, İraq türkmanları ilə bir bütövün parçalarıyıq…” fikirlərinin arxasında dayanan düşüncəni yüksək qiymətləndirlər və bu bugün də belədir, gələcək də belə olacağına inanıram!Fürsətdən istifadə edib, Qəzənfər müəllimə əlamətdar yubileyi ərəfəsində möhkəm can sağlığı, yeni əsərlər arzulayıram!

Tovuz rayon İH başçısı Tofiq Zeynalov, Tovuzda böyüyüb, boya-başa çatmış ziyalılarımızdan, onları ölkə mədəniyyətinə, elminə yaddaqalan töhfələrindən söz açarq, professor Qəzənfər Paşayevin həm bu mənada, həm də el-obasının problemləri, uğurları ilə iç-içə yaşayan bir şəxsiyyət kimi səciyyələndirdi. Ölkədə həyata keçirilən hərtərəfli quruculuq işlərindən, dövlət başçımızın elmə, təhsilə, mədəniyyətə və yaradıcı insanlara qayğısından danışan T.Zeynalov, bu diqqət və qayğının gələcəkdə yeni elmi, ədəbi uğurlara çevriləcəyinə inandığını qeyd etdi. Yubilyarı təbrik edən İH başçısı, ona yeni yaradıcılıq uğurları arzuladı.

Professor Şirindil Alışanov Qəzənfər Paşayevin yaradıcılığından geniş söhbət açaraq onun Azərbaycan ədəbiyyatı qarşısında böyük xidmətlərini xüsusi vurğulayıb. Professor Qəzənfər Paşayeva bütün Türk dünyasında böyük sayğı olduğunu xüsusi böyük vurğulayan Şirindil Alışanov onun ziyalı, dost, vətəndaş kimi də yüksək keufiyyətləri barədə ətraflı məlumat verib. Gecə məktəblilərin hazırladığı ədəbi-bədii kompozisiya ilə davam etdi. Professor Q.Paşayevin əsərlərindən, o cümlədən İraq-Türkman hoyratlarından bəhrələnərək hazırlanan bədii hissə iştirakçılar tərəfəindən alqışlarla qarşılandıb. Professor Qəzənfər Paşayev məktəblilərlə geniş söhbət edib, onların suallarını cavablandırıb və məktəbə özünün kitablarını hədiyyə edib.

***

Qeyd edək ki, prof.dr.Q.Paşayev 1937-ci ildə Tovuzun Düzqırıxlı kəndində doğulub.

1962-ci ildəAzərbaycan Dövlət Pedoqoji Xarici Dillər İnstitutunun (indiki ADDU) İngilis dili fakültəsini bitirib.Üç ay kənd məktəbində müəllim işlədikdən sonra İraq Respublikasında tərcüməçi işləməyə göndərilib. Müxtəlif fasilələrlə üç dəfə İraqda tərcüməçi olduqdan sonra, doğma vətənə qayıtdıb, ali təhsil müəssisələrində müəllim, dekan müavini, kafedra müdiri işləyib.

Doktorluq mövzusu İraq-Türkman folkloru olan Q.Paşayevin “Kərkük bayatıları” (1968), “Arzu-Qənbər dastanı” (1972), “İraq Kərkük atalar sözləri” (1978), “İraq Kərkük bayatıları” (1984), “Kərkük tapmacaları” (1984), “Kərkük folklor antologiyası” (1987), “Nəsiminin İraq divanı” (1987) və b. kitabları, o cümlədən 7 cildlik “Seçilmiş əsərləri” (2012, “Təhsil”) nəşr edilib.

Prof. Paşayevin elmi fəaliyyətinin zirvəsi sayılan “İraq-türkman folkloru” adlı monumental əsəri isə şair Əbdüllətif Bəndəroğlu tərəfindən “Şah əsər”, prof. Mahir Naqib tərəfindən “Abidə əsər” adlandırılıb; müəllifin 20 illik axtarışlarının məhsulu olan bu monoqrafiya Bakıda, Bağdadda və İstanbulda nəşr edilib.

A.Dümanın “Qafqaz səfəri”, “Necə yaşayasan yüzü haqlayasan?” və b. kitabları Azərbaycan türkcəsinə çevirən Q.Paşayevə böyük uğur qazandıran “Altı il Dəclə-Fərat sahillərində” kitabı oxucular arasında əl-əl gəzən, dəfələrlə kütləvi tirajlarla nəşr edilən nadir kitablardan olub. Bu kitab Qəzənfər müəllimin bacarıqlı pedaqoq, zəhmətkeş alim olmaqla yanaşı şirin dilli bir publisist olduğunu da ortaya qoyub.

AMEA Nizami ad. Azərbaycan Ədəbiyyatı Muzeyində şöbə müdiri (2001-2005),eyni zamanda 2003-ci ildən Nizami ad. Ədəbiyyat İnstitutunda baş elmi işçidir.

Q.Paşayev “Ədəbiyyat” qəzetinin (1995-ci ildən), “Folklor və etnoqrafiya” (2004-cü ildən), jurnallarının, Nizami ad. Ədəbiyyat İnstitutunun “Ədəbi-nəzəri məcmuə”sinin redaksiya heyətinin, habeləNizami ad. Ədəbiyyat İnstitutu nəzdindəMüdafiə Şurasının üzvüdür (1994-cü ildən;1997-2005-ci illər arasında həmin şuranın həmsədri olub).

Qafqaz Müsəlmanları İdarəsinin nəzdində fəaliyyət göstərən Elmi-Dini Şuranın yarandığı 1997-ci ildən üzvüdür. 2004-cü ildən Yazıçılar Birliyinin Təftiş Komissiyasının sədridir.

İraq Respublikasının “Əməkdə şücaətə görə” medalı ilə təltif edilmiş (1976), Kərkük Vəqfinin (1999) vəİraq-Türkman Cəbhəsinin (2003) diplom və yüksək ödüllərinə layiq görülüb. Q.Paşayevin həyat və fəaliyyətindən bəhs edən “Bu sevda ölüncədi” (2001), “İraq bizə iraq deyil” (2002) və b. kitablar nəşr edilib.