Kateqoriya Arxivləri: Uncategorized

Millət vəkili Q.Paşayeva dünyanın nüfuzlu qadınlarını ölkəmizə dəvət edib

Millət vəkili Q.Paşayeva dünyanın nüfuzlu qadınlarını ölkəmizə dəvət edib.

Millət vəkili, Avrasiya Beynəlxalq Araşdırmalar İnstitutu İB-nin rəhbəri Q.Paşayeva dünyanın bir sıra nüfuzlu təşkilatlarının rəhbərləri – Polşanın “ABC Data” şirkətinin rəhbəri İlona Weiss, Hindistanın “CİCO Technoligies” şirkətinin rəhbəri Anasuya Gupta, Avstraliyanın “Flamingo AL” şirkətinin qurucusu və prezidenti Catriona Wallace,Avstraliyanın First “Australians Capital LTD” şirkətinin rəhbəri Jocelyn King, “Carnival Australia”-nın rəhbəri Ann Sherry, Yaponiyanın “Poppins,İnc” şirkətinin rəhbəri Noriko Nakamura ilə görüşüb. Görüş zamanı onlara Azərbaycan, onun tarixi, mədəniyyəti, bu günü, inkişafı, iqtisadi imkanları, qadınların cəmiyyətdə geniş rolu ilə bərabər Dağlıq Qarabağ problemi ilə də bağlı məlumatlar verib. Q.Paşayeva vurğulayıb ki, Ermənistan BMT Təhlükəsizlik Şurası da daxil olmaqla, Beynəlxalq Təşkilatların qətnamələrinə məhəl qoymur və 100 minlərlə azərbaycanlı qaçqın və məcburi köçkünün öz evinə dönməsinə imkan vermir. Müzakirələr zamanı millət vəkili Q.Paşayeva onlara ölkəmizin 1-ci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu ilə bağlı danışıb. İqtisadiyyatda, biznesdə qadınların rolunun getdikcə artdığını da deyən millət vəkili qadınların dövlətin və cəmiyyətin idarə olunmasında, iqtisadiyyatda və biznesdə rolunun artırılmasının Azərbaycan dövlətinin siyasətində önəmli yer tutduğunu vurğulayaraq, gələcəkdə bu istiqamətdə daha böyük nailiyyətlər gözlənildiyini deyib. Bütün müsəlman şərqində qurulan ilk demokratik, parlamentli cümhuriyyət olan ölkəmiz barədə, onun iqtisadi inkişafı, potensialı, mədəniyyəti barədə də geniş məlumatlar verən, Azərbaycanın böyük iqtisadi potensialı barədə də danışan millət vəkili Q. Paşayeva onları Azərbaycana dəvət edib.

Advertisements

Millət vəkili Q.Paşayeva Ramazan bayramında Tovuzda sakinlərlə görüşüb, qayğılarını dinləyib

Millət vəkili Q.Paşayeva Ramazan bayramında Tovuzda sakinlərlə görüşüb, qayğılarını dinləyib.

Millət vəkili Q. Paşayeva Tovuzda kəndləri ziyarət edib,  sakinlərlə görüşüb, Ramazan bayrmlarını təbrik edib,  qayğılarını dinləyib. Millət vəkili Qənirə Paşayeva sakinlərlə görüş zamanı Ramazan ayınının bir mənəvi təmizlənmə, yardımlaşma ayı olduğunu vurğulayaraq onlara bayramda Allahdan bütün dualarına çatmalarını diləyib.  Millət vəkili Qənirə Paşayeva Tovuzda sakinlərlə görüşdə onların müraciətlərini dinləyib və həlli istiqamətində müvafiq qurumlara müraciət edib, müzakirələr aparıb.    Bir çox xəstələri ziyarət edən millət vəkili onların müalicələri ilə maraqlanıb, bəzilərinin daha yüksək səviyyəli müalicə almaları və əməliyyat olunmaları üçün Səhiyyə Nazirliyi ilə əlaqə saxlayaraq  Bakıda və ya Rayon Mərkəzi Xəstəxanasında yerləşdirilməsini təşkil edib. Millət vəkili  Qənirə Paşayeva kəndlərdə fiziki imkanları məhdud insanlarla da görüşüb, qayğıları ilə maraqlanıb. Seçicilər millət vəkili ilə görüşdə ünvanlı sosial yardım, təhsil, səhiyyə, bəzi ailələrə verilən qaz, su və elektrik təchizatı ilə bağlı öz qayğılarını və problemərini bildiriblər, müzakirələr aparıblar. Millət vəkili tək-tək vətəndaşları dinləyərək, onları narahat edən problemlərlə bağlı qeydlər apararaq, həll edilməsi istiqamətində köməklik göstərilməsinə çalışacağını bildirib. Millət vəkili onların bəzi problemlərinin həlli istiqamətində müvafiq qurumlarla danışacağını və onların bəzi təkliflərini parlamentdə səsləndirəcəyini deyib. Qənirə Paşayeva seçiciləri narahat edən bir sıra digər məsələləri də dinləyib və onların bəzilərini rayonda həll edib, bəzi dövlət qurumları ilə bağlı məsələləri isə Bakıya qayıdan kimi həll etməyə çalışacağına söz verib. Seçiciləri ilə görüşdə millət vəkili Qənirə Paşayeva Milli Məclisdə qəbul olunan qərar və qanunlardan, qanunlara edilən əlavə və dəyişikliklərdən danışıb, seçicilərini maraqlandıran və narahat edən məsələlərin tərəfindən araşdırılacağını bildirib. Millət vəkili sakinləri uşaqların təhsilə daha da ciddi önəm verməyə də çağırıb. Millət vəkili kənddə sakinlərlə görüşdə uşaqlara da xüsusi diqqət ayırıb. Onlarla söhbət edən Qənirə Paşayeva analarla da geniş söhbət edib və balacaları zərərli təsirlərdən qorumağa, onların fiziki olduğu qədər mənəvi olaraq da sağlam böyüməsinə xüsusi diqqət etməyə çağırıb. Qənirə Paşayeva sakinlərə bayram hədiyyələrini və müəllifi olduğu kitabları imzalayaraq hədiyyə edib və onlara hər günlərinin bayram kimi keçməsini diləyib.

Millət vəkili Q.Paşayeva Tovuzda Milli Qurtuluş Günü və Ramazan bayramı tədbirində gənclərə çağırış edib

Millət vəkili Q.Paşayeva Tovuzda Milli Qurtuluş Günü və Ramazan bayramı tədbirində gənclərə çağırış edib.

Tovuzda Milli Qurtuluş Günü və Ramazan bayramı münasibəti ilə böyük tədbir və konsert proqramı keçirilib. Bayram tədbirində rayon icra hakimiyyətinin başçısı Məmməd Məmmədov,  Milli Məclisin deputatı Qənirə Paşayeva, çox sayda rayon ziyalıları, sakinləri iştirak etmişlər. Əvvəlcə tədbir iştirakçıları ulu öndər Heydər Əliyevin abidəsi önünə əklil və gül-çiçək dəstələri qoymuş, xatirəsini ehtiramla yad etmişlər. Tədbirdə çıxış edən rayon icra hakimiyyətinin başçısı Məmməd Məmmədov bildirib ki, 15 iyun xalqımızın tarixinə qızıl hərflərlə yazılmışdır. Taleyin hökmü ilə sınaqlara çəkilən, parçalanmaq həddinə çatan dünya azərbaycanlılarının ümid yeri – Vətənimiz Azərbaycan 1993-cü ilin əvvəllərində ağır vəziyyətlə  üzləşmişdir. Lakin bu çətin məqamda Heydər Əliyev xalqın səsinə səs verərək 1993-cü il iyunun 9-da xilaskarlıq missiyası ilə Bakıya qayıtmış və iyunun 15-də Azərbaycan Respublikası Milli Məclisinin sədri seçilərək bir daha öz xalqına ləyaqətlə xidmətə başlamışdır və ölkəmizi inkişaf etdirmişdir. Bu gün isə ümummilli lider Heydər Əliyevin siyasi kursunu ləyaqətlə davam etdirən Prezident İlham Əliyevin rəhbərliyi ilə cəmiyyətimiz böyük uğurlar qazanır. Millət vəkili Q.Paşayeva Milli Qurtuluş günü, onun tariximizdəki yeri, ümummilli lider Heydər Əliyevin Azərbaycan üçün böyük xidmətlərindən danışaraq gəncləri ondan örnək almağa, yaxşı oxumağa, hansı işdə çalışmalarından asılı olmayaraq öz işlərində peşəkar olmağa, Vətənin, Millətin maraqlarını öz şəxsi maraqlarından və hər şeydən üstün tutmağa, tariximizi, mədəniyyətimizi dərindən öyrənməyə çağırıb. Bizim hamımız üçün Azərbaycandan dəyərli heç nə ola bilməz, hamımız ölkəmizin daha da inkişafı üçün daha da çox çalışmalıyıq deyən millət vəkili Q.Paşayeva tovuzluları müqəddəs Ramazan bayramı münasibəti ilə də təbrik edib.   Ramazan ayı demək, paylaşmaq, bölüşmək, yaxşılıq etmək yaxşı əməllərə səslənmək deməkdir deyən millət vəkili Qənirə Paşayeva hər bir insana Ramazan ayının əxlaqı, hikməti ilə bütün il ərzində yaşamağı arzu edib. Q.Paşayeva deyib ki, hər bir azərbaycanlının ən böyük arzusu Ermənistanın işğalı altında olan torpaqlarımızın işğaldan azad olunması və bayrağımızın Dağlıq Qarabağımızda da dalğalanmasıdır: “Bunun üçün biz hər birimiz üzərimizə düşən vəzifələri layiqincə yerinə yetirməliyik. Mən inanıram ki, o gün uzaqda deyil və biz Ali Baş Komandanın rəhbərliyi altında torpaqlarımızı işğaldan azad edəcəyik və bu gözəl bayramlarımızı o gözəl torpaqlarımızda da keçirəcəyik”. Tədbir Bakıdan gəlmiş tanınmış sənətçilıərin, yerli musiqi quruplarının və istedadlı balacaların ifasında maraaqlı konsert proqramı ilə davam edib. Tədbirdən sonra rayon icra hakimiyyəti başçısı və millət vəkili Q.Paşayeva sakinlərlə geniş söhbətlər edib,qayğıları ilə maraqlanıblar.

Millət vəkili Q. Paşayeva “Milli muğam sənətimiz” adlı tədbirdə çıxış edib

Millət vəkili Q. Paşayeva “Milli muğam sənətimiz” adlı tədbirdə çıxış edib

Millət vəkili Qənirə Paşayeva XXI Əsr Beynəlxalq Təhsil və İnnovasiya Mərkəzində təşkil olunan “Milli muğam sənətimiz” adlı tədbirdə çıxış edib, müəllimləri və uşaqları bu cür tədbirin keçirilməsi münasibətilə təbrik edib və çıxışında bir sıra önəmli mövzulara diqqət yetirməyə çağırıb. Millət vəkili çıxışında uşaqları oxumağa, tariximizi, mədəniyyətimizi, ədəbiyyatımızı, zəngin irsimizi, milli-mənəvi dəyərlərimizi yaxşı öyrənməyə, sahiblənməyə, müdafiə etməyə çağırıb. Uşaqların hər birinə “Dədə Qorqud hekayələri” kitabını hədiyyə edən millət vəkili Q.Paşayeva qədim ədəbiyyatımızın, tariximizin yaxşı öyrənilməsinin vacibliyini bir daha vurğulayıb. Məktəblilərə və müəllimlərə hədiyyə təqdim edən millət vəkili məktəbə Azərbaycan mədəniyyəti ilə bağlı hədiyyələr təqdim edib. Bu tədbirin təşkilatçıları olan “Regional huquqi və iqtisadi maarifləndirmə”Ictimai Birliyinin rəhbəri Arzu Bağırovanın və məktəbin müəllimlərinin dəvəti ilə tədbirdə iştirak etmiş millət vəkili Q.Paşayeva onlara belə bir gözəl gün yaşatdıqları üçün təşəkkürünü bildirib.

Millət vəkili Q.Paşayeva bank sektorunda çalışan fəal qadınlarla görüşüb

Millət vəkili Q.Paşayeva bank sektorunda çalışan fəal qadınlarla görüşüb

Bankir Qadınlar Klubunda  (“Women Bankers Club”) Bankir qadınların növbəti görüşü keçirilib. Bu dəfəki görüşün qonağı olan millət vəkili Q.Paşayeva  vətənpərvərlikdən, fəal qadının vətəni üçün hansı xidmətləri edə biləcəyindən və ümumilikdə qadının dövlətçilikdəki rolundan danışdı. O, qadınların cəmiyyətdə toxunmalı olduğu aktual mövzulardan, dəstəyə ehtiyacı olan sahələrdən danışdı: “Bankir Qadınlar Klubu da öz növbəsində də anlamalıdır ki, dövlətlə yanaşı vətəndaş cəmiyyətində ayrı – ayrı aktiv, mütərəqqi qruplar bu sahələrin inkişafında öz töhvələrini verməli, vətənpərvərlik borclarını yerinə yetirməlidirlər”, – Q.Paşayeva dedi. Şəxsi inkşafdan da danışan millət vəkili insanın daima öz üzərində işləməsi, işlədiyi sahədən asılı olmayaraq oraya özünün bütün potensialını həsr etməsinin vacibliyindən danışdı. Millət vəkili bildirib ki, hansı ölkələrdə qadınların dövlətin və cəmiyyətin idarə olunmasından başlayaraq həyatın bütün sahələrində kişilərlə bərabərliyinin təmin olunması istiqamətində ciddi işlər görülürsə, orada daha çox uğurlar var. Qadınlara qarşı ayrı-seçkiliyin olduğu, qadınlara qarşı zorakılığın geniş yayıldığı, gender bərabərliyinin təmin olunması istiqamətində fəal iş aparılmayan ölkə və cəmiyyətlər uğursuzluğa düçardır. Qadın haqlarının müdafiəsi, gender bərabərliyi, qızların təhsili, qadına qarşı zorakılıqla mübarizə istiqamətində uğurların əldə edilməsində dövlət siyasətinin önəmli yer tutmasının vacibliyini vurğulayan millət vəkili Qənirə Paşayeva Azərbaycanda bu istiqamətdə həyata keçirilən dövlət siyasəti, əldə edilən uğurlar və həllini gözləyən problemlər barədə ətraflı məlumatlar verib. O deyib ki, gender bərabərliyi, qadınların dövlətin və cəmiyyətin idarə olunmasında rolunun artırılması, qadınların cəmiyyətin bütün sahələrində, o cümlədən biznesdə də rolunun genişləndirilməsinə dəstək, qadınlara qarşı bütün növ zorakılıq hallarına qarşı kəskin mübarizənin aparılması Azərbaycan dövlətinin prioritetləri sırasındadır.  Qadınlara qarşı zorakılığın ən böyük insan haqları pozuntularından olduğunu deyən millət vəkili Qənirə Paşayeva “biz qadınların məişət zorakılığı da daxil olmaqla məruz qaldığı bütün növ zorakılıqlara qarşı mübarizəmizi daha da artırmalıyıq, hər gün ailəmizdən, ətrafımızdan başlayaraq bu cür mənfi hallara qarşı hər birimiz mübarizə aparmalıyıq”-, dedi. “Gender bərabərliyi məsələsinə diqqətimizi daha da artırmalıyıq. Ailələrdən, məktəblərdən uşaqları bu istiqamətdə maarifləndirməyə, öyrətməyə, tərbiyə etməyə başlamalıyıq. Dövlət qurumları, qeyri-hökumət təşkilatları, mətbuat və media bu sahəyə daha çox həssaslıqla yanaşmalı, daha ciddi mövqe tutmalı və böyük maarifləndirmə işlərinin aparılmasına geniş dəstək verməlidir. Bir sözlə, biz hamımız, hər birimiz öz gündəlik həyatımızda bu məsələyə ciddi önəm verməliyik,” -millət vəkili Qənirə Paşayeva belə deyib.    Toplumun və dünyanın inkişafı qadınların təhsilindən və inkişafından keçdiyini vurğulayan millət vəkili bildirib ki, zorakılığa məruz qalan qadınların əksəriyyətini təhsilsiz qadınlar təşkil edir: “Unutmamalıyıq ki, zorakılığa məruz qalan qadınlar arasında savadsız, təhsilsiz, heç bir peşənin sahibi olmayan, iqtisadi baxımdan özünü idarə edə bilməyənlər, öz hüquqlarını bilməyən qadınlar əksəriyyət təşkil edir, Savadlı cəmiyyət savadlı anadan keçir. Çox ciddi narahatlıq doğuran və təəssüf yaradan fakt ondan ibarətdir ki, getdikcə zorakılığın müxtəlif növlərindən əziyyət çəkən qadınların sayı artır. İnsan alveri qurbanlarının əksəriyyətini qadınlar təşkil edir. Bundan başqa bu gün geniş yayılmış qadınlara qarşı məişət zorakılığı ilə mübarizə sahəsində də fəaliyyətimizi daha da gücləndirməyə ciddi ehtiyac var”.  Sonda klubun fəaliyyətinə uğurlar arzu edən millət vəkili Q.Paşayeva klubun gələcək sosial tədbirlərini dəstəklədiyini və qarşılıqlı dəstəyin çox vacib olduğunu vurğuladı.  Görüşdə “Regional huquqi və iqtisadi maarifləndirmə”Ictimai Birliyinin sədri Arzu Bağırova da iştirak edib. Maraqlı görüş üçün  Women Bankers Club millət vəkili Q.Paşayevaya dərin minnətdarlığını bildirdi. Millət vəkili bank sektorunda çalışan qadınları maraqlandıran sualları da cavablandırıb və onlara müəllifi olduğu kitabları imzalı hədiyyə edib.  Görüşdə ənənəvi olaraq, son görüşdən bugünə bank sahəsində baş vermiş yeniliklər və dəyişikliklər haqqında danışılıb, müxtəlif ideyalar da müzakirə olunub.

Millət vəkili Q.Paşayeva nüfuzlu xarici media qurumlarının rəsmilərinə Azərbaycandan danışıb

Millət vəkili Q.Paşayeva nüfuzlu xarici media qurumlarının rəsmilərinə Azərbaycandan danışıb

Millət vəkili, Avrasiya Beynəlxalq Araşdırmalar İnstitutu İB-nin rəhbəri Q.Paşayeva  bir sıra nüfuzlu xarici media qurumlarının rəsmiləri – Avstraliya yayım korporasiyasının aparıcısı Stan Qrant, “SBS World News” kanalının aparıcısı Janice Petersen, News Corporations şirkətinin rəqəmsal bölməsinin rəhbəri Nikol Şeffield, “Financial Times” qəzetinin Asiya-Sakit okean üzrə FT və baş direktoru Angela Makey ilə  görüşüb. Görüş zamanı onlara Azərbaycan, onun tarixi, mədəniyyəti, bu günü, inkişafı, iqtisadi imkanları, qadınların cəmiyyətdə geniş rolu ilə bərabər Dağlıq Qarabağ problemi ilə də bağlı məlumatlar verib. Q.Paşayeva vurğulayıb ki, Ermənistan BMT Təhlükəsizlik Şurası da daxil olmaqla, Beynəlxalq Təşkilatların qətnamələrinə məhəl qoymur və öz yurd-yuvalarına dönə bilməyən 1 milyondan artıq azərbaycanlı qaçqın və məcburi köçkün dünyanın nüfuzlu media qurumlarından bu məsələyə tez-tez geniş yer verilməsini, obyektiv işıqlandırılımasını və onların səsini dünyaya daha geniş duyurulmasını gözləyir. Millət vəkili Azərbaycanda qaçqın və məcburi köçkünlərin, qadınların və uşaqların problemlərinin həlli istiqamətində görülən işlər barədə də danışıb. Q.Paşayeva görüşlər zamanı Azərbaycanla bağlı geniş məlumat verib. Müzakirələr zamanı millət vəkili Q.Paşayeva onlara ölkəmizin 1-ci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu ilə bağlı danışıb. Millət vəkili, Avrasiya Beynəlxalq Araşdırmalar İnstitutu İB-nin rəhbəri Q.Paşayeva Azərbaycan qadınlarının cəmiyyətdə rolu ilə bağlı da danışıb və fikir mübadiləsi olub. İqtisadiyyatda, biznesdə qadınların rolunun getdikcə artdığını da deyən millət vəkili qadınların dövlətin və cəmiyyətin idarə olunmasında, iqtisadiyyatda və biznesdə rolunun artırılmasının Azərbaycan dövlətinin siyasətində önəmli yer tutduğunu vurğulayaraq, gələcəkdə bu istiqamətdə daha böyük nailiyyətlər gözlənildiyini deyib. Bütün müsəlman şərqində qurulan ilk demokratik, parlamentli cümhuriyyət olan ölkəmiz barədə,  onun iqtisadi inkişafı, potensialı, mədəniyyəti, turizm imkanları  barədə də geniş məlumatlar verən millət vəkili onları Azərbaycana dəvət edib.

Millət vəkili Q.Paşayeva MM-də “Uşaqların zərərli informasiyadan qorunması haqqında “qanun layihəsinə vacib təkliflərlə çıxış edib

Millət vəkili Q.Paşayeva MM-də “Uşaqların zərərli informasiyadan qorunması haqqında “qanun layihəsinə vacib təkliflərlə çıxış edib

Millət vəkili Q.Paşayeva “Uşaqların zərərli informasiyadan qorunması haqqında” qanun layihəsinin müzakirəsi zamanı bu qanunun həddindən artıq vacib olması və qısa zamanda qəbul olunaraq icrasına başlanılmasını xüsusi vurğulayaraq, qanunu dəstəkləyəcəyini deyib və qanun  layihəsinə təkliflərlə çıxış edib və sənədin 2-ci oxunuşda müzakirəyə çıxarılmasına qədər bu vacib təkliflərin nəzərə alınmasına çağırıb. Uşaqların zərərli informasiyalara əsasən internet resurslarında məruz qaldığını bildirən millət vəkili Qənirə Paşayeva  onların bu resurslarda zərərli informasiyadan qorunması üçün ciddi addımların atılmasının və bunun qanunda öz əksini tapmasının  vacibliyini xüsusi vurğulayıb. Bir çox valideynlərin və müəllimlərin çağırışlarını və təkliflərini səsləndirən millət vəkili Qənirə Paşayeva  bildirib ki, bu gün məktəblərimizin ətrafı demək olar ki internet-kafelərlə sarılıdır və həmin məkanlarda uşaqların zərərlin məlumatlardan qorunması üçün heç bir şərait yoxdur: ” Məktəblərin ətrafı internet -kafelərlə sarılıdır, valideyn uşağını məktəbə yola salır, amma onun dərs arası fasilədə nə ilə məşğul olduğuna təbii ki nəzarət edə bilmir və ya dərs bitən kimi bir neçə dəqiqə gec gəlməsinə ciddi nəzarət edə bilmir. Məktəbin düz yanında internet kafelər olduğu üçün uşaqlar bəzən bir dəqiqə ərzində ora gedə bilir və onun baxması üçün yasaq olan hər şeyə baxa bilir. İnternet-kafelərimizdə filtrasiya sistemi, kamera nəzarət sistemi demək olar ki pis vəziyyətdir. Ona görə də uşaqların bu cür yerlərdə onun üçün zərərli məlumatlardan , görüntülərdən, film və verilişlərdən qorunması üçün ciddi mexanizmlər də bu qanunun 2-ci oxunuşda müzakirəyə çıxarılan zaman nəzərə alınmalıdır. Millət vəkili Qənirə Paşayeva  qanunda televiziya, radio kanallarının üzərinə düşən məsuliyyətlə bağlı maddələri tam dəstəklədiyini deyərək bildirib ki, çox təəssüf ki, uşaqlar bəzi hallarda televiziyalardan da zərərli informasiyalara məruz qalırlar və onların qorunmasın üçün qanunda nəzərdə tutulan maddələrin həyata keçməsinə ciddi nəzarət mexanizmləri olmalıdır: “Çox təəssüf ki bəzi əyləncə verilişlərində uşaqlarımız söyüş, jarqonlar, onlar üçün zərərli olan bir sıra xoşagəlməz halları görür və eşidirlər. Bunlara da son qoyulmalıdır.” Millət vəkili Qənirə Paşayeva  uşaqlarla bağlı , onların dünyagörüşünün zənginləşməsinə, tərbiyəsinə, maariflənməsinə, səviyyəli şəkildə əylənməsinə xidmət edən verilişlərin artmasını xüsusi vurğulayaraq qanunda 2-ci oxunuşda maarifləndirmə məsələsinə geniş yer ayrılmasını təklif edib və buna çağırıb. O bildirib ki, uşaqları zərərli informasiyalardan qorunması yolları ilə bağlı  təhsil müəssilərimizdə uşaqların geniş maarifləndirməsinə böyük ehtiyac olduğu qədər, televiziyalarımızda, radio kanallarımızda, bir sözlə, mətbuat və media qurumlarında bununla bağlı, ailələrimizin, uşaqlarımızın, cəmiyyətimizin daha da geniş maariflənməsinə yer ayrılmalıdır və bu məsələnin qanunda öz əksini tapması vacibdir. Çünki bu məsələdə ailələrimizin və uşaqlarımızın, cəmiyyətimizin maariflənməsi çox vacib məsələdir və qanunda bunun da geniş yer tutması və bu istiqamətdə müvafiq qurumların üzərinə düşən məsuliyyətin öz əksini geniş tapması vacibdir.

 

 

 

 

Millət vəkili Q.Paşayeva MM-də ötən gün sosial mediada uşaq bağçasından yayılan dəhşətli görüntülərdən danışıb və “Təhsil haqqında”  qanuna bir sıra  vacib dəyişikliklərlə bağlı çıxış edib

Millət vəkili Q.Paşayeva MM-də ötən gün sosial mediada uşaq bağçasından yayılan dəhşətli görüntülərdən danışıb və “Təhsil haqqında” qanuna bir sıra  vacib dəyişikliklərlə bağlı çıxış edib

Millət vəkili Q.Paşayeva “Təhsil haqqında Azərbaycan Respublikası  Qanunu”nda dəyişikliklərin edilməsi barədə qanunun müzakirəsi zamanı ötən gün sosial mediada özəl uşaq bağçasında-mərkəzində baş verən dəhşətli görüntülərin yayılması və bütün cəmiyyətdə, özəlliklə uşaqlarını bağçalara göndərən ailələr arasında ciddi narahatçılıq olması barədə danışaraq, bu cür psixoloji vəziyyəti olan şəxslərin təhsil müəssisələrində çalışmalarına imkan verilməməlidir deyib və qanuna edilən yeni dəyişiklikdə təhsil müəssisələrində psixoloji  xidmətin təşkil olunması maddəsini dəstəkləyib. O bildirib ki, bu psixoloji xidmət tək uşaqlar üçün deyil, məktəb və məktəbəqədər təhsil müəssisələrində çalışanları da əhatə etməlidir: ” Məktəbəqədər və məktəbyaşlı uşaqlar arasında nevrozların, aqressiv halların, intihar meylliliyin artmasının qarşısını almaq və bu halların azalmasına nail olmaq üçün məktəbəqədər müəssisələrimizdə və məktəblərimizdə psixoloji xidmət ciddi şəkildə təmin olunmalıdır və bu qanuna edilən yeni dəyişikliyi dəstəkləyirik və bu işin həyata keçirilməsi üçün peşəkar kadrların hazırlanması prosesinə xüsusi diqqət yetirilməlidir”. Millət vəkili Q.Paşayeva valideynlərin müraciəti ilə hər təqvim ilinin sonunadək 6 yaşı tamam olan uşaqların məktəbə qəbul edilməsi və valideynlərin arzusu ilə təhsil müəssisəsinə xüsusi istedadlı uşaqların müvafiq icra hakimiyyəti orqanının müəyyən etdiyi qaydada daha erkən yaşda qəbul edə bilməsi əlavəsini dəstəklədiyini deyib və  bu dəyişiklikliyin  yüzlərlə ailənin narahatçılığına son qoymaqla yanaşı, bununla bağlı ortaya çıxan subyektiv halların, xoşagəlməz halların aradan qaldırılmasına da kömək edəcəyini deyib. “Olimpiada qaliblərinin və beynəlxalq səviyyədə akkreditə olunan təhsil proqramları üzrə təhsil almış abituriyentlər müvafiq icra hakimiyyəti orqanı tərəfindən müəyyən edilmiş şərtlər yerinə yetirilməklə təhsil aldıqları dildə tədris olunan ixtisaslar üzrə ali təhsil müəssisələrinə testdən kənar , müsabiqədən kənar qəbul olunurlar” maddəsinin qanuna edilən əlavə və dəyişikliklərdə öz əksini tapmasının cəmiyyətdə birmənalı qarşılanmayacağını, bu halların subyektiv məqamlara yol aça biləcəyinə dair narahatlığa səbəb ola biləcəyini nəzərə alaraq, bu istiqamətdə daha geniş müzakirələrə ehtiyac olduğunu deyib. Qanun layihəsində bir çox vacib məsələləri dəstəklədiyini deyən millət vəkili Q.Paşayeva narahatlıq doğura biləcək halların olmamasının çox vacibliyini xüsusi vurğulayıb.

Millət vəkili Q.Paşayeva Vyetnamın vitse-prezidenti ilə Azərbaycan həqiqətlərindən danışıb

Millət vəkili Q.Paşayeva Vyetnamın vitse-prezidenti ilə Azərbaycan həqiqətlərindən danışıb

Vyetnamın vitse-prezidenti xanım Dang Thi Ngoc Thinh və onun rəhbərlik etdiyi nümayəndə heyəti, Vyetnamın sabiq vitse-prezidenti xanım Truong My Hoa və İMEX şirkətinin  Sakit okean qrupunun baş direktoru Le Hong Thuy Tien  ilə görüşməkdən məmnunluğunu bildirən millət vəkili Qənirə Paşayeva Azərbaycan hökuməti və parlamentinin ölkələrimiz arasında münasibətlərin daha da genişlənməsinə böyük önəm verdiyini deyib. Vyetnamın vitse-prezidenti xanım Dang Thi Ngoc Thinh də Azərbaycanla əməkdaşlığın genişlənməsinə böyük önəm verdiklərini deyib. Millət vəkili Q.Paşayeva Azərbaycanın fəal qadınlarının Vyetnamla əməkdaşlığa verdiyi önəmdən və ölkəmizin Birinci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolundan danışıb və fikir mübadiləsi olub. Millət vəkili Q.Paşayeva Vyetnamın vitse-prezidenti Dang Thi Ngoc Thinh və onun rəhbərlik etdiyi nümayəndə heyətinə,  Vyetnamın sabiq vitse-prezidenti xanım Truong My Hoa və İMEX Sakit okean qrupunun baş direktoru Le Hong Thuy Tien  Azərbaycanla bağlı, xüsusilə Azərbaycan həqiqətləri ilə bağlı məlumatlar verib. Millət vəkili Qənirə Paşayeva görüş zamanı Vyetnam nümayəndə heyətinin üzvlərinə 1 milyon azərbaycanlının, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşməsi və onların fundamental insan haqlarının bu gün də Ermənistan tərəfindən pozulmaqda davam etməsi barədə məlumatlar verib. Millət vəkili Q.Paşayeva görüşün sonunda onlara Azərbaycan mədəniyyəti ilə bağlı hədiyyə və materialları təqdim edib.

Millət vəkili Q.Paşayeva ABŞ-ın nüfuzlu təşkilat rəhbərlərinə ölkəmizlə bağlı geniş məlumatlar verib

Millət vəkili Q.Paşayeva ABŞ-ın nüfuzlu təşkilat rəhbərlərinə ölkəmizlə bağlı geniş məlumatlar verib.

Millət vəkili, Avrasiya Beynəlxalq Araşdırmalar İnstitutu İB-nin rəhbəri Q.Paşayeva ABŞ-nın bir sıra nüfuzlu təşkilatlarının rəhbərləri – ABŞ-ın EALgreen şirkətinin baş direktoru Klaudia Freed, Jayco MMİ və STEM -İnstitute şirkətinin baş direktoru  Rao Mistry, IBM şirkətinin qadın və müxtəlif marketinq məsələləri ürzə vitse-prezidenti Denis Evans,  MetLife şirkətinin Qlobal müxtəliflik və daxil etmə  məsələləri üzrə rəsmi nümayəndəsi Elizabet Nieto, SAİC şirkətinin keçmiş icraçı vitse-prezindeti və İnsan resursları bölməsinin rəhbəri Kimberly Admire ilə  görüşüb. Görüş zamanı onlara Azərbaycan, onun tarixi, mədəniyyəti, bu günü, inkişafı, iqtisadi imkanları, qadınların cəmiyyətdə geniş rolu ilə bərabər Dağlıq Qarabağ problemi ilə də bağlı məlumatlar verib. Q.Paşayeva vurğulayıb ki, Ermənistan BMT Təhlükəsizlik Şurası da daxil olmaqla, Beynəlxalq Təşkilatların qətnamələrinə məhəl qoymur və 100 minlərlə azərbaycanlı qaçqın və məcburi köçkün qadın, dünyanın harasında yaşamasından asılı olmayaraq dünyanın nüfuzlu, aktiv qadınlarının bu ədalətsizliyə sərt etiraz etməsini, öz yurd-yuvalarına dönmələri üçün onların dəstəyini və bu istiqamətdə səylərini gücləndirmələrini gözləyirlər. Millət vəkili Azərbaycanda qaçqın və məcburi köçkünlərin, qadınların və uşaqların problemlərinin həlli istiqamətində görülən işlər barədə də danışıb. Q.Paşayeva görüşlər zamanı Azərbaycanda qadın məsələləri ilə bağlı vəziyyətlə də bağlı məlumat verib. Müzakirələr zamanı millət vəkili Q.Paşayeva onlara ölkəmizin 1-ci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu ilə bağlı danışıb. Millət vəkili, Avrasiya Beynəlxalq Araşdırmalar İnstitutu İB-nin rəhbəri Q.Paşayeva Azərbaycan qadınlarının cəmiyyətdə rolu ilə bağlı da danışıb və fikir mübadiləsi olub. İqtisadiyyatda, biznesdə qadınların rolunun getdikcə artdığını da deyən millət vəkili qadınların dövlətin və cəmiyyətin idarə olunmasında, iqtisadiyyatda və biznesdə rolunun artırılmasının Azərbaycan dövlətinin siyasətində önəmli yer tutduğunu vurğulayaraq, gələcəkdə bu istiqamətdə daha böyük nailiyyətlər gözlənildiyini deyib. Bütün müsəlman şərqində qurulan ilk demokratik, parlamentli cümhuriyyət olan ölkəmiz barədə,  onun iqtisadi inkişafı, potensialı, mədəniyyəti barədə də geniş məlumatlar verən, Azərbaycanın ABŞ-ı ilə əlaqələrin və dostluğun inkişafına verdiyi böyük önəmdən danışan millət vəkili Q. Paşayeva  onları Azərbaycana dəvət edib.