Kateqoriya Arxivləri: Uncategorized

Millət vəkili Q. Paşayeva 2-ci Sosial Elmlər üzrə Beynəlxalq Araşdırmalar Konqresində məruzə ilə çıxış edib və ziyalılara çağırış edib

Millət vəkili Q. Paşayeva 2-ci Sosial Elmlər üzrə Beynəlxalq Araşdırmalar Konqresində məruzə ilə çıxış edib və ziyalılara çağırış edib.

Millət vəkili Q. Paşayeva 2-ci Sosial Elmlər üzrə Beynəlxalq Araşdırmalar Konqresində çıxış edib və Azərbaycan və Türkiyədən olan elm adamlarına və aydınlara çağırış edib. Bakı Avrasiya Universiteti, Türkiyənin Pamukkale Universiteti və Anadolu Mədəni Araşdırmalar Dərgisi tərəfindən təşkil olunan konqresin açılışında millət vəkili Q.Paşayeva “Qarabağ problemi və Türk dünyası” mövzusunda geniş məruzə ilə çıxış edib və bu cür tədbirlərin vacibliyini xüsusi vurğulayıb. “Ortaq tariximizi, mədəniyyətimizi uşaqlarımıza çox kiçik yaşlardan öyrətməliyik”,- deyən millət vəkili bildirib ki, bütün Türk dövlət və toplumlarında orta məktəblərdən başlayaraq universitetlərdə ortaq Türk tarixinin oxudulmasına böyük ehtiyac var və Türk dövlət və toplumları, onların aydınlarını bu məsələyə daha böyük diqqət yetirməyə çağırıb.  “Bizim birliyimizə, onun güclənməsinə çox böyük ehtiyac var”,- deyən millət vəkili Q.Paşayeva bildirib ki, ortaq tariximizin, mədəniyyətimizin gənclərimizə daha geniş öyrədilməsi istiqamətində çalışmaları daha da artırmağa böyük ehtiyac var.”Qondarma erməni soyqırımı iddialarına qarşı mübarizə, Qarabağ həqiqətlərinin yayılması, Xocalı soyqırımının tanıdılması, Ermənistanın işğalçılıq siyasətinin ifşa olunması harada doğulub, harada yaşamasından asılı olmayaraq bütün Türklərin əsas məsələsi olmalıdır. Biz bu iddiaların qarşısını almaq üçün həqiqətləri, gerçəkləri bütün dünyaya daha geniş şəkildə çatdırmalıyıq”, – deyə millət vəkili bildirib. Bu məsələdə hər bir türk insanının üzərinə böyük vəzifə düşdüyünü qeyd edən millət vəkili Qənirə Paşayeva “harada doğulmasından və yaşamasından asılı olmayaraq böyüyən gəncliyimizə tariximizi, həqiqətlərimizi çox yaxşı öyrətməliyik ki, onlar tariximizə sahib çıxa bilsinlər”. Ortaq tariximizin yazılıb bütün Türk dövlət və toplumlarında gənclərə öyrədilməsinə, həqiqətlərimizin öz aramızda daha geniş yayılmasına böyük ehtiyac var deyən millət vəkili Qənirə Paşayeva ziyalılara müraciət edərək “sizin, bizim, buradakı və ölkələrimizdəki, toplumlarımızdaki aydınların üzərinə bu istiqamətdə böyük məsuliyyət düşür və biz hamımız bu istiqamətdə daha çox işləməliyik” deyib. Q.Paşayeva gəncləri həqiqətlərin dünyaya daha geniş yayılmasında sosial şəbəkələrin təqdim etdiyi imkanlardan geniş istifadə etməyə də çağırıb. Bu gün bəzi güclərin,onların KİV-lərinin,erməni diaspor, lobbisi və dəstəkçilərinin Azərbaycan və Türkiyə əleyhinə təbliğat apardığını deyən millət vəkili bütün gəncləri, diaspor təşkilatlarını, KİV-ləri həssas və duyarlı olmağa,  yalanlara qarşı mübarizəyə səsləyib. Millət vəkili Q.Paşayevaya 2-ci Sosial Elmlər üzrə Beynəlxalq Araşdırmalar Konqressinin təşkilatçıları olan Bakı Avrasiya Universiteti, Türkiyənin Pamukkale Universiteti və Anadolu Mədəni Araşdırmalar Dərgisi adından Konqressin işinə veridyi qatqısından dolayı təşəkkürnamə və mükafat təqdim edilmişdir.

 

Advertisements

Millət vəkili Qənirə Paşayeva MM-də Türkiyədə vəfat etmiş Cümhuriyyət qurucularımızın xatirəsinin əbədiləşdirilməsi üçün məsələ qaldırıb

Millət vəkili Qənirə Paşayeva MM-də Türkiyədə vəfat etmiş Cümhuriyyət qurucularımızın xatirəsinin əbədiləşdirilməsi üçün məsələ qaldırıb

Millət vəkili Qənirə Paşayeva  Milli Məclisin bügünki iclasında Sovet işğalı nəticəsində qardaş Türkiyəyə mühacirət etmək məcburiyyətində qalan Cümhuriyyət qurucularımızdan və fəallarından danışıb və onların qardaş Türkiyədə xatirəsinin əbədiləşdirilməsi üçün addımlar atmalıyıq deyib: “Hər zaman getdiyimiz hər yerdə fəxrlə deyirik ki, bütün müsəlman şərqində ilk parlamentli demokratik respublikanı – Azərbaycan Xalq Cümhuriyyətini Azərbaycan xalqı qurub. Xalq Cümhuriyyətinin qurucuları və bir sıra fəalları Sovet işğalı nəticəsində qardaş Türkiyəyə mühacirət edib, orada yaşayıb mübarizələrini davam etdiriblər. 3 gün əvvəl İstanbulda Feriköy məzarlığını ziyarət etdik. Orada cümhuriyyətiminzin qurulmasında böyük xidmətləri olmuş bir çox böyük şəxsiyyətlərimiz yatır. Orada Difai təşkilatını quraraq ermənilər tərəfindən xalqımıza qarşı həyata keçirilən amansız cinayətlərə qarşı mübarizə aparan böyük şəxsiyyət Əhməd Ağaoğlu və onun ailəsi yatır. Orada 20-ci əsrin əvvəllərində Qarabağda və  ətraf bölgələrdə ermənilərin xalqımıza qarşı törətdiyi dəhşətli cinayətləri durdurmaq, qarşısını almaq üçün Xosrov bəy Sultanov yatır. Orada ömrünü Azərbaycan mübarizəsinə həsr etmiş ilk milli təhlükəsizlik nazirimiz Nağı bəy Şeyxzamanlı və ailəsi yatır. Orada böyük işlər görmüş Xəlil bəy Xasməmmədov kimi cümhuriyyət nazirlərimiz, Hüseynqulu bəy Xoyski kimi böyük şəxsiyyətlərimiz yatır. Orada gələn il 100 illik yubileyini qeyd edəcəyimiz Azərbaycan parlamentinin o zamankı millət vəkillərindən biri, özünü Azərbaycan mübarizəsinə həsr edən Mehmet Sadıq Aran kimi millət vəkillərimiz və Mir Yaqub Mehdi  də daxil olmaqla bir sıra ziyalılarımız yatır. Amma bu tarixi qəbiristanlığın girişində belə orada Azərbaycan Xalq Cümhuriyyətinin bəzi qurucularının, fəallarının məzarlarının yerləşməsi barədə bir məlumat lövhəsi belə yoxdur. Gələn il – 2 ay sonra dövlət səviyyəsində Cümhuriyyətimizin 100-cü ildönümünü qeyd edəcəyik. Cümhuriyyətimizlə bağlı cənab Prezidentin imzaladığı sənədlər var və bunlar çox vacib və önəmlidir. Çox vacibdir ki, tarixi Feriköy məzarlığının girişində orada məzarı olan cümhuriyyət qurucuları və fəalları ilə bağlı bir abidə qurulsun və orada yatan bütün böyük şəxsiyyətlərimizlə bağlı məlumatlar verilsin. Eyni zamanda çox vacibdir ki, o böyük şəxsiyyətlərin məzarlarının üzəri yüksək səviyyədə düzəldilsin, xüsusi lövhələrdə hər bir şəxsiyyətimiz barəsində məlumatlar qeyd edilsin ki, ziyarət edənlər orada nə qədər böyük şəxsiyyətlərin məzarı olduğunu bilsinlər. Eyni zamanda bu böyük dövlət adamlarının məzarlarının üzərində  Azərbaycan və Türkiyə bayraqlarının bərabər əks olunması çox vacibdir. Türkiyədəki səfirliyimiz, İstanbuldakı baş konsulluğumuz və Mədəniyyət nazirliyimizin xətti ilə Feriköy məzarlığı ilə bərabər qardaş Türkiyənin digər məzarlıqlarında dəfn olunmuş bütün Cümhuriyyət qurucularımızın və fəallarının yatdığı məzarlıqlarda da bu işlərin görülməsinə, onların qəbirüstü abidələrinin yüksək səviyyədə düzəldilməsinə, məlumat lövhələrinin yerləşdirilməsinə və onların qəbirlərinin üzərində Azərbaycan və Türkiyə bayraqlarının bərabər əks olunmasına böyük ehtiyac var. Hər kəs bilməlidir ki, orada yatan çox böyük şəxsiyyətlərdir və onların qəbirlərinin üzərində Azərbaycanımızın bayrağının əks olunması çox vacib məsələdir. Nəzərə alsaq ki, Cümhuriyyətimizin 100-cü ildönümü ilə bağlı tədbirlər artıq başlayıb, çox vacib məsələdir ki, Cümhuriyyət qurucularımızın və fəallarının bir çoxunun məzarının qardaş  Türkiyədə yerləşdiyini nəzərə alaraq burada bu kimi vacib məsələlər qısa zamanda həyata keçsin və mən müvafiq qurumları bu istiqamətdə addımlar atmağa çağırıram.”

 

Millət vəkili Q.Paşayeva Türkiyədə  “Ailə, Toplum və Dövlət” simpoziumunda geniş  məruzə ilə çıxış edib  və Türk dövlətlərində məktəblərdən başlayaraq uşaqlara ortaq tariximizi öyrətməliyik deyib

Millət vəkili Q.Paşayeva Türkiyədə  “Ailə, Toplum və Dövlət” simpoziumunda geniş  məruzə ilə çıxış edib  və Türk dövlətlərində məktəblərdən başlayaraq uşaqlara ortaq tariximizi öyrətməliyik deyib.

Millət vəkili Q.Paşayeva Türkiyədə Vuslat Platformunun təşkilatçılığı, Üsküdar bələdiyyəsinin dəstəyi ilə keçirilən çox sayda tanınmış dövlət adamı, aydın və elm adamlarının qatıldığı və 3 gün davam edən simpoziumda geniş məruzə ilə çıxış edib. Ortaq tariximizi, mədəniyyətimizi uşaqlarımıza çox kiçik yaşlardan öyrətməliyik deyən millət vəkili bildirib ki, bütün Türk dövlət və toplumlarında orta məktəblərdən başlayaraq universitetlərdə ortaq Türk tarixinin oxudulmasına böyük ehtiyac var və Türk dövlət və toplumları, onların aydınlarını bu məsələyə daha böyük diqqət yetirməyə çağırıb.  Bizim birliyimizə, onun güclənməsinə çox böyük ehtiyac var deyən millət vəkili Q.Paşayeva bildirib ki, ortaq tariximizin, mədəniyyətimizin gənclərimizə daha geniş öyrədilməsi istiqamətində çalışmaları daha da artırmağa böyük ehtiyac var. Bu istiqamətdə uşaq ədəbiyyatının genişlənməsinə, lazımsız mövzular deyil, məhz bu mövzular ətrafında proqramların, filmlərin və teleserialların artmasına ehtiyac var deyən millət vəkili Q.Paşayeva gənclərin milli duyğu və düşüncə içində savadlı böyüməsində ailənin rolu ilə yanaşı cəmiyyətin üzərinə düşən öhdəliklərlə də bağlı geniş məruzə edib. Q.Paşayeva Türk  dünyası siyasətçilərinə, aydınlarına, alimlərinə,  QHT və KİV-lərinə səslənərək topluma örnək olaraq bugünki və gələcək nəsillərə birlik və bərabərliyimizin nə qədər vacib və önəmli olduğunu daha çox anlatmalıyıq deyib: “Bunun üçün isə ilk növbədə biz biri-birimizi daha yaxından tanımalıyıq, ortaq tariximizi, köklərimizi, mədəniyyətimizi, ədəbiyyatımızı, musiqimizi, keçmiş və bu günümüzü, problemlərimizi, gələcəyə baxışlarımızı gənclərimizin daha yaxşı bilməsinə çalışmalıyıq”. Bu gün Türk dünyasının müxtəlif bölgələrində türk kökənli insanların yaşadığı ağrılardan, əziyyət çəkdiyi problemlərdən danışan millət vəkili Qənirə Paşayeva güc birlikdədir və birlikdə bizə qarşı ədalətsizliklərə qarşı daha güclü mübarizə apara bilərik deyib: “Azərbaycan bizim olduğu qədər sizin, Türkiyə də buradakı insanımız qədər bizim, sizin yaşadığınız o gözəl yurdlarımız da sizin olduğu qədər də bizimdir, bizim də Vətənimizdir. Bu düşüncəyə və birliyə gəncliyimizin daha çox sahib olması gərəkir və inanıram ki, gənclərimizin əksəriyyəti məhz bu ruh və düşüncəyə sahib olacaqlar.” Q. Paşayev çıxışında Azərbaycanın və Türk dünyasının ən böyük problemlərindən olan Qarabağ problemindən də danışaraq bildirib ki, harada doğulmasından və harada yaşamasından asılı olmayaraq hər bir Türk insanı Qarabağ həqiqətlərinin dünyaya çatdırılması üçün çalışmalıdır. Bir türk xalqının, toplumunun problemi, bütün türk xalqlarının ortaq problemidir. Ona görə də Türk dünyasıyla bağlı məsələlərdə bir-birimizə hər zaman böyük dəstək olmalıyıq. Bu məsələdə ailələrimizin, müəllimlərimizin, aydınlar, şair, yazar, QHT-ı və jurnalistlərin üzərinə çox böyük missiya düşdüyünü xüsusi vurğulayan millət vəkili Qənirə Paşayeva onları daha fəal olmağa çağırıb. Tədbir çərçivəsində Q.Paşayeva bir sıra QHT və KİV rəhbərləri, aydınlarla da görüşüb, geniş fikir mübadiləsi aparılıb və jurnalistlərin suallarını cavablandırıb.

Millət vəkili Q.Paşayeva Türkiyədə “Ortadoğuda Türklüyün sıcak gündemi”adlı konfrans verib

Millət vəkili Q.Paşayeva Türkiyədə “Ortadoğuda Türklüyün sıcak gündemi”adlı konfrans verib.

Türk Dünyası Araşdırmalar Vəqfinin təşkilatçılığı ilə və qurumun Turan Kültür Merkezi Süleymaniye Kürsüsü 2017-2018 dönemi fəaliyyətləri çərçivəsində  millət vəkili, siyasi elmlər doktoru Q.Paşayevanın verdiyi “Ortadoğuda Türklüyün sıcak gündemi”adlı konfransda ziyalılar, KİV nümayəndələri, Türk və müsəlman dünyasının müxtəlif bölgələrindən gəlmiş aydınlar, ictimai fəallar iştirak edib. Millət vəkili Q.Paşayeva İraq və Suriya türklərinin  20-ci əsrdən başlayaraq yaşadığı zülmlər, onlara qarşı törədilmiş dəhşətli qətliamlar, bu insanların məhz türk olduğu üçün bu əziyyətləri yaşaması və onun səbəbləri, bugünkü ağır vəziyyətləri, bölgə üzərində oynanan böyük oyunların onlara vurduğu böyük zərərlərlə bağlı geniş çıxış edib. Dəfələrlə İraqda Türkmənlərin yaşadığı Kərkükdə, Təlafərdə, Mosulda, Duzxurmatıda, Suriyada Türkmənlərin  yaşadığı Bayırbucaq, Türkməndağında olduğunu və hər şeyi gözləri ilə gördüyünü, sıx-sıx İraq və Suriyadan zorla köçmən salınmış vəköçkün kimi  Türkiyədə yaşayan türkmənlərlə görüşdüyünü deyən millət vəkili Q.Paşayeva bütün türk dövlətləri, toplumları və diaspor təşkilatları birlikdə onların yanında daha çox olmalıyıq deyib. Beynəlxalq təşkilatların onlara qarşı münasibətdə ikili standartlardan yanaşdığını deyən millət vəkili Q.Paşayeva bir neçə gün əvvəl bu məsələni AŞPA-da da ciddi qaldırdıq amma təəssüf ki dəstək göstərməkdə maraqlı deyillər deyib və əlavə edib ki, bunları görərək İraq və Suriyada yaşayan qardaş-bacılarımızın haqlarının müdafiəsi, onlara dəstək göstərilməsində bütün Türk dövlət və toplumları fəal olmalıdır. Q.Paşayeva Türk dünyası aydınlarına səslənərək topluma örnək olaraq bugünki və gələcək nəsillərə birlik və bərabərliyimizin nə qədər vacib və önəmli olduğunu daha çox anlatmalıyıq deyib. Q. Paşayeva güc birlikdədir və birlikdə bizə qarşı ədalətsizliklərə qarşı daha güclü mübarizə apara bilərik deyib. Bölgədə son aylar daha da gərginləşən vəziyyət barədə geniş çıxış edən millət vəkili Q.Paşayeva qardaşlıq yaxşı gündə də, çətin gündə də birlikdə olmaqdır deyib və Azərbaycan xalqının hər zaman digər Türk dövlət və toplumlarının yanında olduğunu xüsusi vurğulayıb. Q. Paşayeva çıxışında Azərbaycanın və Türk dünyasının ən böyük problemlərindən olan Qarabağ problemindən də danışaraq bildirib ki, harada doğulmasından və harada yaşamasından asılı olmayaraq hər bir Türk insanı Qarabağ həqiqətlərinin də dünyaya çatdırılması üçün çalışmalıdır: “Bir türk xalqının, toplumunun problemi, bütün türk xalqlarının ortaq problemidir. Ona görə də Türk dünyasıyla bağlı məsələlərdə bir-birimizə hər zaman böyük dəstək olmalıyıq”. Bu məsələdə ailələrimizin, aydınlar, jurnalistlərin, siyasətçilərin  üzərinə çox böyük missiya düşdüyünü xüsusi vurğulayan millət vəkili Qənirə Paşayeva onları daha fəal olmağa çağırıb. Millət vəkili Qənirə Paşayeva çıxışını “bütün Türk, müsəlman çoğrafiyasında yaşayan, bu gün acı və kədər içində olan qardaş-bacılarımıza dəstək olmalıyıq və mən sizi bu gün Suriyada Bayırbucakda, İraqda Təlafər, Kərkükdə, Krımda, Axısxada, Qarabağda, harada əziyyət çəkən insanımız varsa onlara hər zaman əlinizdən gələn köməyi əsirgəməməyə çağırıram. Allah insanımıza hər zaman hər yerdə yardımçı olsun”- deyərək bitirib. Tədbir çərçivəsində millət vəkili Q. Paşayeva Türk Dünyasının müxtəlif bölgələrindən gəlmiş QHT, KİV rəhbərləri, aydınlar, ictimai fəallar, gənclər və araşdırmaçıların suallarını da cavablandırıb, müzakirələr aparılıb, KİV-lərə geniş müsahibələr verib. 

 

Millət vəkili Q.Paşayeva AŞPA-da təşkilatı ittiham edib və terrorçunu qəhrəman elan edən, Xocalı soyqırımını törədən işğalçı bir ölkə heyətinin burada ədalətdən danışmaq haqqı yoxdur deyib

Q.Paşayeva AŞPA-da erməni kökənli beynəlxalq terrorçi V.Garabedianın Ermənistanın müraciəti ilə Fransada müəmmalı şəkildə azadlığa buraxılmasından danışıb və araşdırılma tələb edib.

22449894_1297568230355213_9001757209132921176_nQ.Paşayeva AŞPA-da:”Xocalı soyqırımını törədənlər Ermənistanda yüksək vəzifələrdədirlər nə üçün onların ədalət qarşısında cavab verməsi üçün bu ölkəyə təzyiq  göstərmirsiniz”

Bu gün AŞPA-da “Azad müzakirələr” zamanı çıxış edən millət vəkili, Azərbaycanın AŞPA-dakı nümayəndə heyətinin üzvü Q..Paşayeva AŞPA-da təşkilatı ikili standartlarda ittiham edib və bəzi milləət vəkillərinin Azərbaycan əlehinə apardığı kompaniyaya sərt cavab verib:”Dəyərli məsləkdaşlarım, Mən bu gün başqa bir çıxış edəcəkdim, amma təəssüflər olsun ki bəzi millət vəkillərinin özəlliklə Ermənistan heyətinin ölkəm əleyhinə bir neçə gündür burda dilə gətirdikləri saxta ittihamlara, yalanlara cavab vermək məcburiyyətindəyəm. Mən 12 ildir burda ölkəmin təmsilçisiyəm. Amma bu gün yalan-yanlış bilgilərlə “insan haqları” adı altında Azərbaycanı ittiham edən bəzi millət vəkillərinin Avropa Şurasının üzvü olan Ermənistanın Azərbaycan torpaqlarının 20%-ni işğal etməsi nəticəsində öz evlərindən sürgün edilmiş 1 milyon azərbaycanlı qaçqının, məcburi köçkünün Ermənistan tərəfindən pozulmuş “insan haqlarını” müdafiə etmələrini heç bir zaman görmədim.Nə üçün yüz minlərlə azərbaycanlı qaçqının haqlarını pozan Ermənistana qarşı təzyiq tətbiq etmək üçün Assambleyamız heç bir addım atmır? Evlərinə dönə bilməyən 1 milyon azərbaycanlı məcburi köçkün Assambleyamızdan bu suallarına cavab gözləyirlər. Ermənistan bütün dünyanın gözləri önündə Azərbaycanın Xocalı şəhərində bir gecədə 613 insanı qətlə yetirdi, yüzlərlə insan o soyuq qış günlərində ağır yaralı olaraq canlarını zorla qurtardı. Ermənistan Xocalıda bir soyqırım həyata keçirdi və oradan sağ canlarını qurtara bilmiş çox az sayda məcburi köçkünlər də bu gün də öz evlərinə dönə bilmirlər. Nə üçün bu insanların pozulmuş “insan haqları”nın müdafiəsi üçün Assambleyamız heç bir addım atmır?Nə üçün ikili standartlar davam edir?Xocalılar Assambleyamızdan bu suallarına cavab gözləyirlər. Xocalı soyqırımı kimi insanlıq əleyhinə cinayət törədənlər bu gün Ermənistanda yüksək vəzifə tuturlar və bu günə qədər ədalət qarşısında cavab verməyiblər. Baş katib Yagland Azərbaycan əleyhinə çıxışlar edir. Amma onun doğrudan Ermənistan prezidentinin özzünə birbaşa deməsinə baxmayaraq Ermənistan dövləti onun və AŞPA-nın çağırışlarına məhəl qoymur, bu gün də qanunsuz olaraq girov saxladığı azərbaycanlı Dilqəm Əsgərov və Şahbaz Quliyevi azadlığa buraxmır.  Nə üçün cənab Yagland və Assambleyamız bu insanların pozulmuş insan haqlarının müdafiəsi, onların azadlığa buraxılması üçün  Ermənistana qarşı təzyiq göstərilməsi istiqamətində ciddi addımlar atmırlar?Dilqəm Əsgrov və Şahbaz Quliyevin ailəsi sizdən bu suallarına cavab gözləyirlər.
Ermənistan heyətinin neçə gündür Azərbaycan əleyhinə yalanlarla dolu açıqlamalarına gəlincə. Buradan onlara demək istəyirəm ki, siz ASALA terror təşkilatının liderlərindən olan Varaujan Garabediandan bəhs edin. Fransanın Orli hava limanında Türk Hava Yollarının bürosuna bombalı hücum edərək 8 məsum insanın ölməsinə, 55 nəfərin yaralanmasına səbəb olan terrorçunun Ermənistan dövlətinin və siyasətçilərinin müraciətlərinə əsasən Fransada necə əfv edilməsindən və sizin onu Ermənistanda qəhrəman elan etməyinizdən bəhs edin. Terrorçunu qəhrəmana çevirən bir dövlətin millət vəkillərinin burda bizə insan haqlarından bəhs etmə haqları yoxdur. Biz burdan bu terrorçu və onunla birlikdə terorlarda iştirak edən ermənilərlə bağlı araşdırmalar, istintaqın aparılmasını tələb edirik.

Ve sonda Myanmarda, Arakanda müsəlmanlar əlehinə törədilən soyqırımın Assambleyada müzakirə edilməməsini və etiraz qərarı, bəyanatı qəbul edilməməsini  qınayırıq. Avropa Şurası sərhədlərindən uzaqda olsa da Assambleyamızı orada insanlıq əlehinə törədilən cinayətlərə səssiz qalmamağa çağırırıq”.

 

Millət vəkili Q.Paşayeva AŞPA-da səsləndi: Ermənistan heyətinin Kataloniyada baş verənlərdən sui-istifadə edərək burada işğalçı dövlətlərinin Azərbaycan torpaqlarını işğal etməsinə bəraət qazandırmasına imkan verilməməlidir” 

Millət vəkili Q.Paşayeva AŞPA-da səsləndi: Ermənistan heyətinin Kataloniyada baş verənlərdən sui-istifadə edərək burada işğalçı dövlətlərinin Azərbaycan torpaqlarını işğal etməsinə bəraət qazandırmasına imkan verilməməlidir” 

Bu gün AŞPA-da İspaniyanın Kataloniya bölgəsində keçirilən müstəqillik referendumu ilə bağlı müzakirələrdə çıxış edən millət vəkili Q.Paşayeva Avropa ölkələrinə çağırış edib və ölkələrin ərazi bütovlüyünün müdafiə edilməsi ən vacib məsələdir deyib:” Kataloniyada keçirilən müstəqillik referendumunun nəticəsində ortaya çıxan gərginliyin İspaniyanın ərazi bütövlüyü, konstutsiyası, beynəlxalq hüquq çərçivəsində həll edilməsini dəstəkləyirik. AŞPA-ya üzv dövlətlərin ərazi bütövlüyünün prinsipial və qeyd-şərtsiz dəstəklədiyimizi və ortaya çıxan bu cür məsələlərin də ancaq ölkələrin ərazi bütövlüyü qorunaraq həll edilə biləcəyini buradan açıq şəkildə ifadə etməyimiz lazımdır. Çünki “Bölücü hərəkətlərin” güc qazanması Avropanın və dünyanın gələcəyi üçün çox ciddi bir təhdid ola bilər. Təəssüflər olsun ki, Assambleyanın ilk günü Ermənistan heyətinin bəzi üzvləri çıxışlarında Kataloniyada meydana gələn olayları öz məqsədləri üçün istifadə etməyə, bu hadisələri örnək göstərərək də Ermənistanın Qarabağdakı işğalçılıq siyasətini haqlı göstərməyə çalışdılar. Bu, çox üzücü və narahatverici bir durumdur. Biz burada bu cür cəhdlərə, bu təhlükəli addımlara izn verməməliyik. Çünki Qarabağ probleminin Kataloniyada yaşananlarla heç bir bənzərliyi yoxdur. Qarabağ məsələsi Erməsnitanın Azərbaycan torpaqlarını işğal etməsi və bu işğalı davam etdirməsindən qaynaqlanan bir məsələdir. AŞPA-nın qəbul etdiyi 1416 saylı qərarda da Azərbaycan torpaqlarının Ermənistan tərəfindən işğal edildiyi xüsusi və açıq şəkildə vurğulanmaqdadır. Ermənistan ilk öncə Azərbaycanın Dağlıq Qarabağ bölgəsindəki erməni separatçılarını qızışdırdı, sonra onları silahlandırdı, sonra da Ermənistan silahlı qüvvələri Azərbaycan ərazisinin 20%-ni işğal etdi. Ölkələrin ərazi bütövlüyü məsələsində ikili standartlara izn verməməliyik və separatçı fəaliyyətlərin çox ağır nəticələrə gətirib çıxaracağını ununmamalıyıq. O üzdən İspaniyaya bu məsələdə açıq dəstək verməliyik. Kataloniyada keçirilən referenduma gəlincə bu referendumu dəstəkləməyən insanların sayı da az deyildir. Biz onların yürüşünü də mediadan izlədik. Biz burada onların da səslərini dinləməliyik. Bu məsələnin ədalətli şəkildə həlli üçün məsələnin İspaniyanın ərazi bütövlüyü çərçivəsində həll olunmasına ehtiyac var. Bu məsələdə də AŞPA-nın daha fəal rol oynaması məsələnin ədalətli şəkildə həllinə öz töhfəsini verə bilər. Kataloniyada referendum səbəbindən İspaniyadakı gərginliyin və toqquşmalar risqinin artması böyük bir faciəyə səbəb ola bilər. Bu gərginliyi azaltmaq və ola biləcək faciələrin qarşını almaq üçün buradan ciddi mesajların verilməsi və məsələnin həlli istiqamətində addımların atılmasına ehtiyac var. Bizim bu müzakirələri AŞPA ölkələrində və ondan kənarda bir çox bölüçü hərəkatlar da izləyir. Buradan onlara doğru mesaj verilməlidir. Bütün məsələlər dövlətlərin ərazi bütövlüyü çərçivəsində həll olunmalıdır və biz ancaq bunu dəstəkləyəcəyik məsajı. Əks halda Avropa və dünya üçün çox ciddi problemlərin yaxın gələcəkdə şahidi olacağıq”.

Millət vəkili Q.Paşayeva Strasburqda AŞPA-da İraq Türkmənlərinin,Suriya Türkmənlərinin ağlr vəziyyətindən danışıb və onlara dəstək çağrısı edib

Millət vəkili Q.Paşayeva Strasburqda AŞPA-da İraq Türkmənlərinin,Suriya Türkmənlərinin ağlr vəziyyətindən danışıb və onlara dəstək çağrısı edib:

“Mən bir müddət öncə Türkiyənin İraq və Suriya sərhədində İŞID zülmündən qaçaraq canını zorla qurtarmış qaçqınlarla görüşdüm. İraq türkmənlərinin təmsilçiləri, İraq Türkman Cəbhəsi rəsmiləri İŞID-ın İraqda türkmənlərinin yaşadığı bölgələrdə etdikləri dəhşətverici cinayətlərdən bəhs etdilər və AŞPA da daxil olmaqla, beynəlxalq təşkilatlar və Avropa dövlətləri tərəfindən İŞID ilə mübarizə məsələsində onlara dəstək verilmədiyini söylədilər və sizə çağırış etdilər. Təqribən 20 gün öncə isə Türkiyənin Suriya ilə sərhədindəki vilayəti – Hataydakı qaçqın düşərgəsində Suriyadan qaçaraq Türkiyənin sərhəd bölgələrinə sığınan qaçqınlarla görüşdük. Suriyanın Türkməndağı və Bayırbucak bölgələrindən bura sığınan qaçqınlar da eyni şeyləri söyləyərək, İŞID ilə mübarizədə beynəlxalq təşkilatların, Avropa ölkələrinin fəal rol oynamamasından şikayət etdilər və sizdən daha çox dəstək gözlədikləri çağırışını burda onların adından səsləndirməyi xahiş etdilər. İŞID zülmündən əziyyət çəkən bütün bölgə xalqları və dövlətləri sizdən dəstək gözləyirlər. Həm İraq, həm də Suriyadan olan qaçqınlar həm İŞID -la mübarizədə, həm də qaçqınlara sahib çıxma məsələsində ən çox qonşu Türkiyənin dəstəyini hiss etdiklərini söylədilər və burdan Türkiyə dövlətinə və xalqına təşəkkür edirik”.

 

Millət vəkili Q.Paşayeva AŞPA-da:Ermənistan tərəfindən dəstəklənən terror təşkilatlarından böyük əziyyət çəkmiş bir ölkə olaraq Azərbaycan bütün terror təşkilatları ilə aktiv mübarizə aparır

Millət vəkili Q.Paşayeva AŞPA-da:Ermənistan tərəfindən dəstəklənən terror təşkilatlarından böyük əziyyət çəkmiş bir ölkə olaraq Azərbaycan bütün terror təşkilatları ilə aktiv mübarizə aparır.

Bu gün AŞPA-da “Bəşəriyyətə qarşı cinayətləri təqib etmək və cəzalandırmaq, İŞİD tərəfindən həyata keçirilən mümkün soyqırım aktları” adlı qətnamə layihəsinin müzakirəsi zamanı millət  vəkili, Azərbaycanın AŞPA-dakı nümayəndə heyətinin üzvü Qənirə Paşayeva Azad Demokratlar Qrupu adından çıxış edib və terrorla mübarizədə ikili standartlara yol verilməməlidir deyib:” Dəyərli Dostlar, İŞID terror təşkilatı ən çox Yaxın Şərq bölgəsi və ona yaxın ərazilərdə yaşayan xalqlara və bölgə ölkələrinə zərər verir. Bu terror təşkilatının kimlərin, hansı güclərin maraqlarına xidmət etməsini geniş şəkildə müzakirə edə bilərik. Amma bölgə xalqı və dövlətlərinə, özəlliklə də müsəlmanlara ciddi şəkildə zərər verirlər. Məsələn, İŞID-ın Türkiyədə həyata keçirdiyi 14 terror aktında 304 məsum insan həyatını itirmişdi. O üzdən Suriya və İraq sərhədində İŞID ilə mübarizə aparan ölkələrə, özəlliklə Türkiyəyə Avropa ölkələri və təşkilatları daha çox dəstək verməlidir və buna çağırırıq.  Mən Qrupumuz adına çıxış edirəm, amma qısa da olsa bunu bildirmək istəyirəm ki, əhalisinin böyük hissəsi müsəlman olan ölkəm Azərbaycan da İŞID-la mübarizədə ciddi addımlar atmaqdadır. Çünki biz terror təşkilatlarına qarşıyıq və Ermənistan tərəfindən dəstəklənın terror təşkilatlarından böyük zərərlər görmüş bir ölkə olaraq Azərbaycan bütün terror təşkilatları ilə sərt mübarizə aparır. Dəyərli Dostlar, İŞID beynəlxalq bir terror təşkilatıdır. Bu təşkilatın sıralarında müxtəlif millətlərdən və fərqli dinlərdən insanlar var. Bu səbəbdən İŞID-ı müsəlmanlardan ibarət bir terror təşkilatı olaraq görmək və müsəlmanlara qarşı mənfi fikir yaratmaq istəyənlərə də fürsət verməməliyik. İŞID-ın etdiklərinin İslam dini ilə heç bir əlaqəsi yoxdur. Avropada bəzi siyasətçilərin İŞID-ın etdiklərini bəhanə edərək İslam dini və müsəlmanlar əleyhinə etdiklərə çağırışlara da burdan etirazımızı bildirməliyik. Bu cür addımların Avropada İslamofobiyanın artmasına yönəlik hərəkətlərin hansı pis nəticələrə səbəb olacağını, hansı faciələrə gətirib çıxaracağını nəzərə almalıyıq. Bu cür məsuliyyətsiz açıqlamalar sadəcə İŞID-ın işinə yarayar. Avropada İslam əleyhinə fikirlərin olması hamımızı ciddi şəkildə narahat etməlidir və İslam əleyhdarlarının artmaması üçün də hamımız birlikdə ciddi çalışmalıyıq. Bu gün dünyadakı münaqişələrin azalması üçün mədəniyyətlər və dinlərarası dialoqun artmasına ehtiyacımız var. Terrorla təsirli şəkildə mübarizə aparmaq üçün bütün Avropa ölkələri bu sahədə İslam ölkələri ilə əməkdaşlığını artırmalıdır. Bu gün ehtiyac duyduğumuz tək şey dialoq və əməkdaşlıqdır”.

Millət vəkili Q.Paşayeva AŞPA-da İordaniya ilə bağlı müzakirələrdə azərbaycanlı köçkünlərdən də danışıb və çoxlu sayda köçkünü olan ölkələrə dəstəyi artırmağa çağırıb.

Millət vəkili Q.Paşayeva AŞPA-da İordaniya ilə bağlı müzakirələrdə azərbaycanlı köçkünlərdən də danışıb və çoxlu sayda köçkünü olan ölkələrə dəstəyi artırmağa çağırıb.

Millət vəkili Q.Paşayeva bu gün AŞPA-da “İordaniya Parlamenti ilə münasibətdə demokratiya naminə tərəfdaşlığın dəyərləndirilməsi”adlı qətnamə layihəsinin müzakirəsi zamanı “Azad Demokratlar Qrupu” adında çıxış edib və Assambleyanı dəstəyə çağırıb:”Mən bir müddət əvvəl İordaniyadaydım. İordaniyalı rəsmilər, qeyri-hökumət təşkilatları və KİV-i ilə görüşmək və söhbət etmək imkanım oldu. Bu müddətdə həm İordaniyanın demokratiya və inkişaf yolunda qət etdiyi yolu, həm də bu yolda qarşılaşdığı məsələləri yaxından gördüm. Mən İordaniyalı dostlarımızı demokratiya və inkişaf yolunda əldə etdikləri uğurlardan dolayı təbrik edir, bu yolda daha çox uğurlar əldə etmələrini arzulayıram. İordaniyanın həm AŞPA ilə yaxın əməkdaşlığı çərçivəsində, həm də qısa zamanda demokratiya və insan haqları məsələsində qət etdiyi yol hər cür dəstəyə layiqdir. İordaniyadakı bu müddətlər çox önəmlidir və bütün bölgəyə müsbət şəkildə təsir göstərə biləcək hadisələrdir. Bu səbəbdən burdan İordaniyaya dəstəyimizin qərarlı şəkildə davamlı mesajının verilməsi son dərəcə önəmlidir. Son illərdə İordaniyanın da daxil olduğu Orta Şərq coğrafiyasında II Dünya Müharibəsindən bu yana insanlıq tarixinin ən böyük dramı yaşanmaqdadır. Suriyada davam edən daxili müharibə, bölgə insanlarının yaşadığı faciə və müharibə ilə birlikdə meydana gələn “köç dalğası” təbii ki müharibənin yaşandığı bölgəyə ən yaxın ölkə olan İordaniyaya da öz dərin təsirini göstərmişdi. Bu gün sayı on minlərlə olan “Suriyalı qaçqın” İordaniyada yaşayır. Türkiyədən sonra ən çox suriyalı qaçqını qəbul etmiş ölkə İordaniyadır. Bu səbəbdən həm Türkiyə, həm də İordaniya hökumətlərinə və iki ölkənın xalqlarına qaçqınlara göstərdikləri yardımdan dolayı təşəkkür etməliyik. Mən burdan bu iki ölkənin bütün rəsmilərinə və hər iki ölkənin xalqlarına təşəkkür edirəm. Torpaqlarının 20 fazinin işğal olunması səbəbindən 1 milyon insanı qaçqın və məcburi köçkün düşmüş bir ölkənin təmsilçisi olaraq qaçqın axınınına məruz qalan ölkələrin yaşadığı problemləri də çox yaxşı bilirəm. Sayı yüz minlərlə, milyonlarla olan qaçqınların həyatı əsas məsələ olduqda, qaçqın axınına məruz qalan dövlətin və hökumətin bütün proqramlarının həyata keçirilməsinə öz təsirini göstərir, prioritetləri dəyişir, qaçqınlar və onların problemləri gündəmdəki ilk sıranı tutur. İordaniyada olduğum müddət ərzində Suriyadan gələn qaçqınlarla da görüşdüm. Vətənini, evini, yurdunu tərk etmək bir insan üçün dözülməz bir acıdır. Bu insanların dərdlərinə çarə, acılarına əlac olmaq isə böyük fədakarlıqlar tələb edir. Bu səbəbdən Avropa ölkələri və qeyri-hökumət təşkilatlarının İordaniyaya dəstəklərini artırmaları lazımdır. İordaniya dini və etnik tərkibi etibarilə bu gün Avropa, dünya və insanlıq üçün çox önəmli olan “mədəniyyətlərarası dialoqda” fəal rol oynayan ölkələrdən biridir. Bu üzdən İordaniya Məclisinin üzvlərinin indi bizimlə birlikdə olmaları həm Avropa, həm də AŞPA üçün son dərəcə önəmlidir. Müstəqil Demokratlar Qrupu olaraq biz AŞPA ilə İordaniya arasında əməkdaşlığın qurulması və inkişafı üçün hər cür dəstəyi verəcəyimizi, İordaniyalı məsləkdaşlarımız və bütün İordaniya xalqı ilə əməkdaşlıq etdiyimizi bəyan edir, İordaniya hakimiyyətinin AŞPA ilə əməkdaşlığı çərçivəsində həyata keçirəcəyi layihələrin, islahatların uğurlu olmasını diləyirik”

AŞPA Nazirlər Komitəsi Sədri millət vəkili Q.Paşayevanın AŞPA-da qaldırdığı məsələni dəstəkləyib və çağırış edib

AŞPA Nazirlər Komitəsi Sədri millət vəkili Q.Paşayevanın AŞPA-da qaldırdığı məsələni dəstəkləyib və çağırış edib.

Bu gün AŞPA-da Nazirlər Komitəsinin sədri, Çexiyanın Xarici İşlər Naziri Lubomir Zaoraleke millət vəkilləri qarşısında çıxış edib və onların suallarını cavablandırıb. AŞPA-nın Azad Demokratlar Qrupu adından Nazirlər Komitəsinin sədrinə sualı Azərbaycanın AŞPA-dakı nümayəndə heyətinin üzvü Q.Paşayeva verib. O, Avropa Şurası Parlament Assambleyasında (AŞPA) mədəni irsin məhv edilməsi və qanunsuz ticarətinə qarşı mübarizəyə dair bu ilin may ayından etibarən ratifikasiyasına star verilmiş “Qeyri-maddi mədəni irsin qorunması haqqında” Konvensiyasının əhəmiyyətinə toxunub, bu haqda danışıb və üzv ölkələrdə bu sənədin imzalanması və ratifikasiyası istiqamətində sizin Nazirlər Komitəsinə sədrliyiniz dövründə konkret hansı işlər görülüb deyə sual edib. Cex Respublikasının xarici işlər naziri, Avropa Şurası Nazirlər komitəsinin sədri Lubomir Zoaralek deputatımızin tamamilə haqlı olduğunu, bu konvensiyanın münaqişələrin, terror aktlarının durmadan baş verməsi səbəbindən böyük əhəmiyyət kəsb etdiyini bildirib. Nazir qeyd edib ki, artıq 8 ölkə bu konvensiyanı ratifikasiya edib və digər dövlətlərin ratifikasiya etmələri üçün deputatları dövlət səviyyəsində müvafiq tedbirlər görməyə dəvət edib.