Müəllifin arxivləri: ganirapashayeva

Millət vəkili Q.Paşayeva Qərb Universitetində tələbələr ilə görüşdə “dövlətimizin maraqları hamımız üçün hər şeydən üstün olmalıdır” deyib

Millət vəkili Q.Paşayeva Qərb Universitetində tələbələr ilə görüşdə onları Qarabağ həqiqətlərinin yayılmasında fəal olmağa və sosial medianın imkanlarından bu istiqamətdə daha fəal istifadə etməyə çağırıb.

Millət vəkili Q.Paşayeva Qərb Universitetində tələbələr ilə görüşdə ərazi bütövlüyümüz uğrunda də şəhid olmuş bütün insanlarımızın qarşısında baş əyir, onları sevgi və rəhmətlə anırıq deyib: “Aprel döyüşlərində Ordumuz düşmənə layiq olduğu cavabı verib və verir. Harada doğulmasından və harada yaşamasından asılı olmayaraq hər bir azərbaycanlı Azərbaycanın yanında olmalı, həqiqətlərin dünyaya daha geniş çatdırılması üçün çalışmalıdır”.
Millət vəkili Q.Paşayeva gəncləri həqiqətlərin dünyaya daha geniş yayılmasında sosial şəbəkələrin təqdim etdiyi imkanlardan geniş istifadə etməyə də çağırıb. Ogənclərimizi sosial şəbəkələrdə keçirdikləri zamanı  əylənməyə deyil, oxumağa, öyrənməyə, Qarabağ həqiqətlərinin daha çox yayılmasında iştirak etməyə və ölkəmizə qarşı yalan, böhtan kompaniyalarına qarşı mübarizəyə sərf etməyə çağırıb. Millət vəkili gəncləri Azərbaycan tarixi, ədəbiyyatı və çoğrafiyasını yaxşı öyrənməyə çağırıb. “Ölkəmizin daha da inkişafı üçün gənclərin savadlı, təhsilli, elmə və kitab oxumağa meyilli olması əsas şərtdir”- deyən millət vəkili Qənirə Paşayeva bildirib ki, bir insanın inkişafı və gələcəyində onun təhsili, bir peşə sahibi olması çox böyük önəm daşıyır və uşaqlarımız oxumağa, öyrənməyə, bir peşə sahibi olmağa daha çox meyilli olmalıdırlar.  Millət vəkili bildirib ki, hansı peşənin sahibi olmasından asılı olmayaraq hər bir insan öz ölkəsinin və millətinin tarixini də dərindən bilməlidir. Gəncləri tariximizi dərindən öyrənməyə çağıran millət vəkili Qənirə Paşayeva onlara Dağlıq Qarabağ münaqişəsi, Ermənistanın işğal etdiyi torpaqlarımızda törətdiyi soyqırımlar, vandalizm aktları, beynəlxalq təşkilatların ikili standartları ilə bağlı geniş məlumatlar verib və bildirib ki, hər bir Azərbaycan gənci bunları əzbər bilməlidir.  Gəncləri xarici dillərlə də xüsusi maraqlanmağa zaman ayırmağa çağıran millət vəkili Qənirə Paşayeva gəncləri maraqlandıran sualları da cavablandırıb .Qərb universitetinin rəhbərliyinə və kollektivinə belə bir görüşün təşkili üçün təşəkkürünü bildirən millət vəkili Qənirə Paşayeva gəncləri onlar üçün yaradılmış geniş imkanlardan yararlanmağa və yaxşı peşəkar kimi yetişməyə çağırıb. Tədbirdə çıxış edən bəzi müəllimlər bu cür görüşlərin gənclər üçün önəmli olduğunu vurğulayıb.

Millət vəkili Qənirə Paşayeva MM-də ürək və qan-damar əməliyyatları üçün vacib olan toxumaların ölkəyə gətirilməsinə icazə verilməsi təklifi ilə çıxış edib

Millət vəkili Qənirə Paşayeva MM-də ürək və qan-damar əməliyyatları üçün vacib olan toxumaların ölkəyə gətirilməsinə icazə verilməsi təklifi ilə çıxış edib və “vətəndaşlarımızın orqan və toxuma transplantasiyası əməliyyatlarını ölkəmizdə aparılması üçün imkanları daha da genişləndirməlyik” deyib.

Bu gün Milli Məclisdə “Mülki dövriyyədə olmasına yol verilməyən əşyaların siyahısı haqqında” və “Mülki dövriyyənin müəyyən iştirakçılarına mənsub olan və dövriyyədə olmasına xüsusi icazə əsasında yol verilən əşyaların siyahısı” haqqında qanunlarda dəyişikliklər edilməsi barədə qanun layihəsinin müzakirəsi zamanı gözün buynuz qişası toxumalarının ölkəyə gətirilməsinə icazə verilməsinin önəmli bir hadisə olduğunu vurğulayan millət vəkili Qənirə Paşayeva bildirib ki, bununla gözün buynuz qişası köçürülməsini gözləyən yüzlərlə insanımızın problemi öz həllini tapacaq. Eyni zamanda bu əməliyyat üçün vətəndaşlarımız artıq xarici ölkələrə üz tutmaycaq, öz ölkəmizdə bu əməliyyatlar həyata keçiriləcək.Millət vəkili Qənirə Paşayeva bildirib ki,  bundan sonra çox vacibdir ki, ürək və qan-damar əməliyyatlarında istifadə olunan toxumaların, homoqreftlərin, qapaqlar və damarların, yəni toxumaların ölkəyə gətirilməsinə də icazə verilsin: “Ölkəmizdə cənab Prezidentin də açılışında iştirak etdiyi Bakıda “Ürək Mərkəzi”nin açılışı oldu. Bu gün ölkəmizdə yüksək səviyyədə ən mürəkkəb ürək əməliyyatları həyata keçirilə bilər. Ürək qapağının infeksiyalaşması, endokardit, uşaqlarda bir sıra mürəkkəb ürək əməliyyatlarında və s. bu kimi əməliyyatlarda istifadə olunan toxumaların, homoqreftlərin ölkəyə gətirilməsinə icazə verilməsi çox vacib məsələdir və bu, ən mürəkkəb ürək əməliyyatlarının həyata keçirilməsinə öz müsbət təsirini göstərə bilər. Eyni məsələ oynaq toxumaları ilə də bağlıdır.” Millət vəkili Qənirə Paşayeva bildirib ki, bir sıra ölkələrdə homoqreftlərin və bir sıra toxumaların satışı rəsmi şəkildə həyata keçirilir və onların rəsmi qaydada ölkəyə gətirilməsi bu istiqamətdə vacib əməliyyatların həyata keçirilməsi üçün həyati vacibdir və bu məsələlərə də parlament səviyyəsində baxılıb qanunvericilikdə bu istiqamətdə də əlavə və dəyişikliklərin olması vacibdir:”Biz çalışmalıyıq ki, vətəndaşlarımız orqan və toxuma köçürülməsi əməliyyatları üçün xarici ölkəyə üz tutmasın və öz ölkəmizdə bu əməliyyatları həyata keçirə bilsinlər. Bunun üçün də qanunvericilikdə bu istiqamətdə əlavə və dəyişiklərin edilməsinə ehtiyac var.”

 

Millət vəkili Q.Paşayeva Ailə Akademiyası tədbirində boşanmaların sürətlə artması cəmiyyəti ciddi narahat etməlidir deyib və çağırış səsləndirib

Millət vəkili Q.Paşayeva Ailə Akademiyası tədbirində boşanmaların sürətlə artması cəmiyyəti ciddi narahat etməlidir deyib və çağırış səsləndirib.

Aydınlığa Doğru İB-nin ailə ənənələrinin gücləndirilməsi və bununla bağlı hazırlanmış klipin təqdimatında çıxış edən millət vəkili Qənirə Paşayeva bildirib ki dövlətin təməl dayaqları ailədir və güclü ailə ənənələrimizi qoruyub saxlamalıyıq. Millət vəkili Q.Paşayeva çox ciddi narahatlıq doğuran və təəssüf yaradan fakt ondan ibarətdir ki, getdikcə ailədaxili zorakılıqlar və  bundan böyük əziyyət uşaqların sayı artır deyib: “Biz ailədaxili zorakılıqlara qarşı mübarizəmizi daha da artırmalıyıq, hər gün ailəmizdən, ətrafımızdan başlayaraq bu cür mənfi hallara qarşı hər birimiz mübarizə aparmalıyıq”-, dedi. Ailələrdən, məktəblərdən uşaqları bu istiqamətdə maarifləndirməyə, öyrətməyə, tərbiyə etməyə başlamalıyıq. Dövlət qurumları, qeyri-hökumət təşkilatları, mətbuat və media bu sahəyə daha çox həssaslıqla yanaşmalı, daha ciddi mövqe tutmalı və böyük maarifləndirmə işlərinin aparılmasına geniş dəstək verməlidir. Bir sözlə, biz hamımız, hər birimiz öz gündəlik həyatımızda bu məsələyə ciddi önəm verməliyik,” -millət vəkili Qənirə Paşayeva belə deyib. Boşanmaların sayının artmasının bütün cəmiyyəti narahat etməli məsələ oduğunu deyən millət vəkili Qənirə Paşayeva bu məsələyə də bütün bölgələrdə diqqətin daha da artırılmasına çağırıb. Belə hallar zamanı xüsusilə də uşaqlaırn böyük əziyyət çəkdiyini deyən millət vəkili Qənirə Paşayeva “boşanmaların sayının artması hər birimizi ciddi narahat etməlidir və bu halların azalması üçün dövlət qurumları, cəmiyyət olaraq səylərimizi daha da artırmalıdır”, – dedi.

Millət vəkili Q.Paşayeva qəhrəman şəhid Müşfiq Orucovla bağlı tədbirdə gənclərimiz onlardan örnək almalıdır deyib

Millət vəkili Q.Paşayeva qəhrəman şəhid Müşfiq Orucovla bağlı tədbirdə gənclərimiz onlardan örnək almalıdır deyib.  

Aprel döyüşlərində şəhid olan Müşfiq Orucovun məzarı ziyarət olunub.  Şəhidin məzarını ziyarət etmək üçün təşkil olunan mərasimə millət vəkili Qənirə Paşayeva, 317 nömrəli orta məktəbin şagirdləri, şəhidin valideynləri və başqaları qatılıblar. Millət vəkili Qənirə Paşayeva çıxış edərək şəhidlərlə fəxr etdiyini bildirib: “Hər bir insana şəhidlik zirvəsinə ucalmaq nəsib olmur. Müşfiq Orucov aprel döyüşlərində canından keçərək, Vətən yolunda şəhid oldu. O, adını tarixə qızıl hərflərlə yazdı. Müşfiq Orucov kimi torpaq uğrunda canından keçən şəhidlərimizlə fəxr edirik. Müşfiqi tərbiyə edən valideynlərinin qarşısında baş əyirəm. Azərbaycan xalqı inanır ki, Müşfiq Orucov kimi qəhrəmanlarımızın sayəsində ermənilər tərəfindən işğal olunmuş torpaqlarımız azad olunacaq, üçrəngli bayrağımız həmin torpaqlarda da dalğalanacaq”.  Sonda Suraxanı rayon 317 nömrəli orta məktəbin şagirdləri şeirlər səsləndirərək, şəhid Müşfiq Orucovun məzarı üstünə qərənfillər düzüblər.  Tədbirdən sonra millət vəkili Q.Paşayeva şəhidin ailəsi ilə görüşüb, qayğıları ilə maraqlanıb və hər zaman yanınızdayıq deyib.

Respublika Veteranlar Təşkilatı millət vəkili Q.Paşayevanı medalla təltif edib

Respublika Veteranlar Təşkilatı millət vəkili Q.Paşayevanı medalla təltif edib.

Respublika Veteranlar Təşkilatının sədr müavini Cəlil Xəlilov medalın təqdimatı zamanı bildirilib ki, millət vəkili Qənirə Paşayeva hər zaman özünün fəaliyyətində, beynəlxalq arenalardakı çıxışlarında ölkəmizin tanınması, təbliği, Qarabağ həqiqətlərinin daha da geniş yayılması, gənclər arasında vətənpərvərlik duyğularının daha da artması istiqamətində gördüyü işlər və həyata keçirdiyi layihələrə  görə bu medalla təltif olunub.  Millət vəkili Qənirə Paşayeva medalı  alan zaman ilk öncə dövlətimizin keçdiyi yoldan, əldə etdiyi uğurlardan və onun daha da inkişafı üçün hər bir vətəndaşımızın üzərinə düşən vəzifələr barədə söhbət açıb və bildirib ki dünyada müstəqil dövlətdən gözəl və önəmli heç nə ola bilməz. Bütün insanlarımıza dövlətimizin daha da inkişafı istiqamətində fəaliyyətlərində uğurlar diləyirəm, Allahdan mənə bu cür şərəfli mükafata bütün ömrüm boyu layiq ola bilməyi nəsib etməsini diləyirəm deyən millət vəkili Q. Paşayeva çıxışında Azərbaycanın ən böyük problemindən, Ermənistanın Azərbaycan torpaqlarının 20 faizini işğal altında saxlamasından danışan Qənirə Paşayeva bildirib ki, harada doğulmasından və harada yaşamasından asılı olmayaraq hər bir  Azərbaycan insanı Qarabağ həqiqətlərinin dünyaya çatdırılması, işğal altındakı torpaqlarımızın azadlığı üçün çalışmalıdır. “Bilirəm ki, buradakı hər bir insanın arzusunu indi dilə gətirəcəm, İnşallah, gələn bu cür tədbirlərimizi Ali Baş Komandanımızın rəhbərliyui altında işğaldan azad edəcəyimiz Xankəndində, Şuşada, Xocalıda, Laçında və digər o cənnət bölgələrimizdə də keçirə bilək. Millət vəkili Qənirə Paşayeva çıxışının sonunda bir daha Tespublika Veteranlar Təşkilatına onu bu medala layiq gördükləri üçün təşəkkür edib, “çalışacam ki, bu etimadı hər zaman doğruldum deyib və təşkilata gördükləri böyük işlərdə uğurlar diləyib və biz də hər zaman həyata keçirdiyini gözəl işlərdə yanınızdayıq” deyib. 

Çernobıl faciəsinin 31-ci ildonümündə Çernobıl əlilləri ilə görüş keçirilib və geniş müzakirələr aparılıb

Çernobıl faciəsinin 31-ci ildonümündə Çernobıl əlilləri ilə görüş keçirilib və geniş müzakirələr aparılıb.

Çernobıl qəzasının 31-ci ildönümü ilə əlaqədar Avrasiya Beynəlxalq Araşdırmalar İnstitutu İB-nin sədri millət vəkili Q. Paşayeva və Sağlamlığın Qorunması İB-nin sədri Yazgül Abdiyeva Çernobıl əlilləri ilə görüşüb. Bəşəriyyət üçün ən dəhşətli texnogen faciələrdən biri olan Çernobıl qəzasının   ildönümü ilə bağlı  Respublika Veteranlar Təşkilatının binasında keçirilən tədbirdə çıxış edən   Çernobıl Əlilləri Cəmiyyətinin rəhbəri Mirhəsən Həsənov  bildirmişdir ki, bu dəhşətli qəza bütün dünyada əks-səda doğurmuşdur. II Dünya müharibəsi illərində Yaponiyanın Xirosima və Naqasaki şəhərlərinə atılmış atom bombalarının  fəsadlarına bərabər tutulan bu qəzanın nəticələrinin aradan qaldırılması üçün o dövrdə analoqu olmayan «Sarqofaq» əməliyyatına SSRİ-nin bütün respublikalarından minlərlə insan cəlb olunmuşdur. 1986-cı ildə keçmiş SSRİ-nin digər respublikalarının nümayəndələri ilə birlikdə Azərbaycandan da 7 mindən çox insan  bu qəzanın aradan qaldırılması üçün Çernobıla yola düşmüşdülər. Təhlükəli və ağır şəraitdə işləmək iştirakçıların əksəriyyətinin səhhətinə ciddi təsir göstərmişdir. Onların bir çoxu normadan artıq şüalanmaya məruz qalmış, səhhətlərinə ciddi ziyan toxunmuşdur. Hadisədən artıq 30 il keçməsinə baxmayaraq bir çox iştirakçılar bu gün də əziyyət çəkirlər. Çernobıl qəzası zamanı əlil olmuş vətəndaşların vəziyyətini çox gözəl bilən ümummilli liderimiz Heydər Əliyev ikinci dəfə hakimiyyətə qayıtdıqdan az sonra, 1993-cü ilin sonlarında bu qəzanın ləğvində iştirak etmiş və həmin qəzadan zərər çəkmiş vətəndaşların statusu və sosial müdafiəsi haqqında xüsusi sərəncam imzalamış və bununla da Çernobıl əlillərinə diqqət və qayğı artmışdır. Çernobıl qəzasının aradan qaldırılmasında iştirak edən şəxslərə olan dövlət qayğısı, onların pensiya və müavinətləri  ölkə başçısı cənab İlham Əliyevin səyləri nəticəsində artırılmış, əlillərin keyfiyyətli müalicəsi üçün müvafiq tədbirlər həyata keçirilir.   Avrasiya Beynəlxalq Araşdırmalar İstitutu İB-nin sədri millət vəkili Q. Paşayeva və Sağlamlığın Qorunması İB-nin sədri Yazgül Abdiyeva,  Respublika Veteranlar Təşkilatının sədr müavini Cəlil Xəlilov çıxışlarında bildiriblər ki, o vaxtlar sovet hakimiyyəti Qərb dövlətlərinə öz gücünü nümayiş etdirmək məqsədilə bu faciənin fəsadlarını gizli saxlamağa çalışırdı.  Odur ki, qəzanın törətdiyi dağıntıların aradan qaldırılmasında iştirak edərək sağlamlığını itirmiş insanları taleyin hökmünə buraxmışdı. Vurğulanıb ki, yalnız ümummilli lider Heydər Əliyevin Azərbaycanda hakimiyyətə qayıdışından sonra Çernobıl əlillərinin sosial durumu yaxşılaşdırılıb, onların statusu müəyyənləşdirilib, sosial problemlərinin həlli istiqamətində ardıcıl tədbirlər görülüb, onlara dövlət tərəfindən müavinət təyin edilib. Bu qayğı Prezident İlham Əliyev tərəfindən də uğurla davam etdirilir. Dövlətimizin başçısının təşəbbüsü ilə faciə iştirakçılarının müavinətləri dəfələrlə artırılıb, onların sosial müdafiəsi gücləndirilib.  Cəmiyyətin bütün təbəqələrinin, QHT təşkilatları, iş adamlarının da daim Çernobııl əlillərinə dəstək göstərməsinin vacibliyini vurğulayan  Avrasiya Beynəlxalq Araşdırmalar İnstitutu İB-nin sədri millət vəkili Q. Paşayeva və Sağlamlığın Qorunması İB-nin sədri Yazgül Abdiyeva hər zaman əlimizdən gələn dəstəklə yanınızdayıq deyiblər. Çernobılçıların nümayəndələri çıxış edərək millət vəkili Q. Paşayevanın hər zaman Çernıbıl əlilləri ilə bağlı məsələlərə həssas münasibətinə görə təşəkkür etməklə yanaşı onlarla bağlı bəzi məsələlərin Milli Məclisdə qaldırılması təklifi ilə də çıxış ediblər. Çernobıl əlillərinin təkliflərini və onları narahat edən məsələləri dinləyən və geniş müzakirə aparan millət vəkili Q. Paşayeva onları Milli Məclisdə qaldıracağını və bir sıra nazirliklərlə müzakirə edəcəyinə söz verib.  O bildirib ki Çernobıl əlillərinə dövlət dəstəyi çərçivəsində bu təkliflərin bəzilərinin həllini tapacağına inanır.

Millət vəkili Qənirə Paşayeva Tibb Universitetində gənclərlə görüşdə onları sosial mediada Qarabağ həqiqətlərinin yayılmasında fəal olmağa çağırıb

Millət vəkili Qənirə Paşayeva Tibb Universitetində gənclərlə görüşdə onları sosial mediada Qarabağ həqiqətlərinin yayılmasında fəal olmağa çağırıb

Ailə, Qadın və Uşaq problemləri üzrə Dövlət Komitəsinin təşəbbüsü,  dəstəyi və Azərbaycan Tibb Universitetinin təşkilatçılığı ilə keçirilən və çoxlu sayda tələbənin qatıldığı tədbirdə geniş məruzə ilə çıxış edən millət vəkili Qənirə Paşayeva bildirib ki, hansı ölkələrdə qadınların dövlətin və cəmiyyətin idarə olunmasından başlayaraq həyatın bütün sahələrində kişilərlə bərabərliyinin təmin olunması istiqamətində ciddi işlər görülürsə, orada daha çox uğurlar var.  Qadın haqlarının müdafiəsi, gender bərabərliyi, qızların təhsili, qadına qarşı zorakılıqla mübarizə istiqamətində uğurların əldə edilməsində dövlət siyasətinin önəmli yer tutmasının vacibliyini vurğulayan millət vəkili Qənirə Paşayeva Azərbaycanda bu istiqamətdə həyata keçirilən dövlət siyasəti, əldə edilən uğurlar və həllini gözləyən problemlər barədə ətraflı məlumatlar verib. “Gender bərabərliyi məsələsinə diqqətimizi daha da artırmalıyıq. Ailələrdən, məktəblərdən uşaqları bu istiqamətdə maarifləndirməyə, öyrətməyə, tərbiyə etməyə başlamalıyıq. Dövlət qurumları, qeyri-hökumət təşkilatları, mətbuat və media bu sahəyə daha çox həssaslıqla yanaşmalı, daha ciddi mövqe tutmalı və böyük maarifləndirmə işlərinin aparılmasına geniş dəstək verməlidir. Bir sözlə, biz hamımız, hər birimiz öz gündəlik həyatımızda bu məsələyə ciddi önəm verməliyik,” -millət vəkili Qənirə Paşayeva belə deyib.    Qənirə Paşayeva qəhrəman şəhidlərimizin qarşısında baş əyirəm deyərək  gəncləri onlardan Vətən sevgisi örnəyini almağa çağırıb. Millət vəkili Q.Paşayeva bizim üçün müstəqil Azərbaycandan dəyərli heç bir şey ola bilməz deyərək ölkəmizin daha da inkişafı istiqamətində gənclərin üzərinə düşən vəzifələr barədə də geniş fikirlərini söyləyib.   Harada doğulmasından və harada yaşamasından asılı olmayaraq hər bir azərbaycanlı Azərbaycanın yanında olmalı, həqiqətlərin dünyaya daha geniş çatdırılması üçün çalışmalıdır deyən millət vəkili Q.Paşayeva gəncləri həqiqətlərin dünyaya daha geniş yayılmasında sosial şəbəkələrin təqdim etdiyi imkanlardan geniş istifadə etməyə də çağırıb. Millət vəkili gəncləri Azərbaycan tarixi, ədəbiyyatı və çoğrafiyasını yaxşı öyrənməyə çağırıb. “Ölkəmizin daha da inkişafı üçün gənclərin savadlı, təhsilli, elmə və kitab oxumağa meyilli olması əsas şərtdir”- deyən millət vəkili Qənirə Paşayeva bildirib ki, bir insanın inkişafı və gələcəyində onun təhsili, bir peşə sahibi olması çox böyük önəm daşıyır və uşaqlarımız oxumağa, öyrənməyə, bir peşə sahibi olmağa daha çox meyilli olmalıdırlar.  Millət vəkili bildirib ki, hansı peşənin sahibi olmasından asılı olmayaraq hər bir insan öz ölkəsinin və millətinin tarixini də dərindən bilməlidir.

Millət vəkili Q.Paşayeva cinsi seleksiya ilə mübarizəyə həsr olunmuş tədbirdə cəmiyyətə çağırış edib:”Ana bətnində qız uşaqlarının məhz qız olduğu üçün qətlə yetirilməsinə qarşı ciddi mübarizə aparmalıyıq”

Millət vəkili Q.Paşayeva cinsi seleksiya ilə mübarizəyə həsr olunmuş tədbirdə cəmiyyətə çağırış edib:”Ana bətnində qız uşaqlarının məhz qız olduğu üçün qətlə yetirilməsinə qarşı ciddi mübarizə aparmalıyıq”.

Aydınlığa Doğru İB-nin ailə ənənələrinin gücləndirilməsi, cinsi seleksiyaya qarşı mübarizəyə dair tədbirində və bununla bağlı hazırlanmış klipin təqdimatında çıxış edən millət vəkili Q.Paşayeva dünyanın bir çox bölgələrini narahat edən cinsi seleksiya ilə bağlı qanunvericilikdə tədbirlərin öz əksini tapması ilə bərabər insanların maarifləndirilməsinə də böyük önəm verilməsi və bu qorxulu tendensiyaya qarşı sərt mübarizə aparılmasının vacibliyini qeyd edib:” Biz qadına münasibətimizi qiymətləndirməyə elə ana bətnindən başlamalıyıq. Çox təəssüf ki, hamiləlik dövründə cinsi seleksiya halları artmaqdadır.  Biz bununla bağlı SOS siqnalı çalmalıyıq. Çünki problemin böyüməsi gələcəkdə genefondumuzun zədələnməsinə gətirib çıxaracaq. Bir çox ailələr var ki, az övlad dünyaya gətirmək istəyirlər. Bu az övlad içərisində də oğul övladlarının olmasını istəyirlər. “Oğul nəslin davamçısıdır” anlayışı var bizim cəmiyyətdə və sair. Qız övladının ana bətnində abortlarla məhv edilməsi prosesi artıb. Biz bu məsələni Milli Məclisdə də qaldırdıq və bəzi qanunlara əlavə və düzəlişlər də gündəmə gəldi. Həkimlərə ciddi şəkildə çağırış oldu ki, bu məsələyə artıq fərqli yanaşma ortaya qoymaq lazımdır. Artıq məsələyə bu şəkildə yanaşmalıyıq ki, buna yol verənlər ciddi şəkildə cəzalandırılmalıdır. Uşaqların ana bətnində cinsiyyətinin məlum olduğu zamandan sonra məhv  edilməsi beynəlxalq təcrübədə də yolverilən hal deyil. Ancaq çox təəssüf ki, bizdə bu proses gedirdi və ana sağlamlığını da məhv edirdi. Bu qadınlara qarşı zorakılığın başlanğıc nöqtəsidir. Ancaq əsas məsələ odur ki, cəmiyyətlə iş aparılmalıdır. Əsas məqsəd övladın qız və ya oğlan olması deyil, məqsəd yaxşı övlad yetişdirmək olmalıdır. Bu selektiv abortlar demoqrafik göstəricilərə də yansıyıb. Son illərin statistikasına baxsaq, oğlanların sayı artır, qızların sayı azalır. Bu statistika elə bu istiqamətdə də davam etsə, problemin gələcəyini düşünmək mümkündürmü? Biz bəzi ölkələrin bu sahədəki təcrübəsindən dərs çıxartmalıyıq və buna yol verməməliyik”. Ölkəmizdə boşanmaların sayının da artmasından danışan millət vəkili Q.Paşayeva bu bizim hamımızı ciddi narahat etməlidir deyib:” Boşanmaların artmasının əziyyətini uşaqlar çəkir.  Televiziyalarda ailə ilə bağlı proqramlar olmalıdır. Ancaq indiki bəzi proqramlar  ailələrə xeyir verməkdənsə, ziyan vurur. Bu proqramlar şou vasitəsinə çevrilməməlidir. Təkcə mənfi nümunələr yox, yaxşı ailə modelləri də efirə çıxarılmalıdır, gənclərə örnək olmalıdır”.

Fiziki imkanları məhdud rəssam Ramil Əhmədovun sərgisi böyük maraqla qarşılanıb

Fiziki imkanları məhdud rəssam Ramil Əhmədovun sərgisi böyük maraqla qarşılanıb.

Millət vəkili Qənirə Paşayevanın rəhbərlik etdiyi Beynəlxalq Avrasiya Araşdırmaları İnstitutu İctimai Birliyinin və Park Bulvarın dəstəyi ilə təşkil edilən və bir çox ziyalıların, tanınmış jurnalistlərin, QHT fəallarının, sənətsevərlərin iştirak etdiyi tədbirdə rəssamın müxtəlif mövzularda çəkdiyi əsərləri tamaşaçılara təqdim edilib. Tədbiri giriş sözü ilə açan millət vəkili Qənirə Paşayeva gənc rəssam Ramil Əhmədovun  fitri istedadından bəhs edib.O qeyd edib ki, istedadlı gəncin əsərləri bir daha sübut edir ki, fiziki məhdudiyyətli insanlar cəmiyyətdə heç də digər yaşıdlarından geri qalmır, əksinə daha çox həyata bağlanaraq, öz xəyal və arzularını gerçəkləşdirməyə can atır. Onun sözlərinə görə, sərgidə nümayiş edilən əsərlərə baxdıqca, sanki tamaşaçı Ramil Əhmədovun işıqlı könül dünyasına səyahət edir, onun xəyal və fikirlərinin məhsulu ilə tanış olur. Millət vəkili bildirdi ki, sərgi iştirakçıları birinci qrup əlil olan Ramilin əsərlərindən zövq almaqla yanaşı, həm də rəssama   mənəvi və maddi dəstək vermiş olarlar. Park Bulvarın rəsmisi Günay Malikqızı istedadlı rəssam  Ramil Əhmədivun  əsərlərini çox bəyəndiyini, bu cür istedadlı gənclərin olmasından qürur duyduğunu və bundan sonra da hər zaman dəstək olmağa hazır olduqlarını deyib. Tədbirdə çıxış edən tanınmış jurnalistlər, ziyalılar, sənətsevərlər çıxışlarında rəssamın istedadına heyran olduqlarını vurğuladılar, gələcək fəaliyyətində uğurlar arzuladılarBeynəlxalq Şoppinq Festivalı çərçivəsində keçirilən fərdi sərgi 10 may tarixinədək davam edəcək və arzu edənlər sərgini ziyarət edə bilərlər.

 

 

 

 

Millət vəkili Q.Paşayeva Azərbaycan Turizm və Menecment Universitetinin tələbələri ilə görüşdə onları ölkəmizin təbliğində fəal olmağa çağırıb

Millət vəkili Q.Paşayeva Azərbaycan Turizm və Menecment Universitetinin tələbələri ilə görüşdə onları ölkəmizin təbliğində fəal olmağa çağırıb.

Ailə, Qadın və Uşaq problemləri üzrə Dövlət Komitəsinin təşəbbüsü,  dəstəyi və Azərbaycan Turizm və Menecment Universitetinin təşkilatçılığı ilə keçirilən və çoxlu sayda tələbənin qatıldığı tədbirdə geniş məruzə ilə çıxış edən millət vəkili Qənirə Paşayeva bildirib ki, hansı ölkələrdə qadınların dövlətin və cəmiyyətin idarə olunmasından başlayaraq həyatın bütün sahələrində kişilərlə bərabərliyinin təmin olunması istiqamətində ciddi işlər görülürsə, orada daha çox uğurlar var. Qadınlara qarşı ayrı-seçkiliyin olduğu, qadınlara qarşı zorakılığın geniş yayıldığı, gender bərabərliyinin təmin olunması istiqamətində fəal iş aparılmayan ölkə və cəmiyyətlər uğursuzluğa düçardır. Qadın haqlarının müdafiəsi, gender bərabərliyi, qızların təhsili, qadına qarşı zorakılıqla mübarizə istiqamətində uğurların əldə edilməsində dövlət siyasətinin önəmli yer tutmasının vacibliyini vurğulayan millət vəkili Qənirə Paşayeva Azərbaycanda bu istiqamətdə həyata keçirilən dövlət siyasəti, əldə edilən uğurlar və həllini gözləyən problemlər barədə ətraflı məlumatlar verib. O deyib ki, gender bərabərliyi, qadınların dövlətin və cəmiyyətin idarə olunmasında rolunun artırılması, qadınların cəmiyyətin bütün sahələrində, o cümlədən biznesdə də rolunun genişləndirilməsinə dəstək, qadınlara qarşı bütün növ zorakılıq hallarına qarşı kəskin mübarizənin aparılması Azərbaycan dövlətinin prioritetləri sırasındadır.  Qadınlara qarşı zorakılığın ən böyük insan haqları pozuntularından olduğunu deyən millət vəkili Qənirə Paşayeva “biz qadınların məişət zorakılığı da daxil olmaqla məruz qaldığı bütün növ zorakılıqlara qarşı mübarizəmizi daha da artırmalıyıq, hər gün ailəmizdən, ətrafımızdan başlayaraq bu cür mənfi hallara qarşı hər birimiz mübarizə aparmalıyıq”-, dedi. “Gender bərabərliyi məsələsinə diqqətimizi daha da artırmalıyıq. Ailələrdən, məktəblərdən uşaqları bu istiqamətdə maarifləndirməyə, öyrətməyə, tərbiyə etməyə başlamalıyıq. Dövlət qurumları, qeyri-hökumət təşkilatları, mətbuat və media bu sahəyə daha çox həssaslıqla yanaşmalı, daha ciddi mövqe tutmalı və böyük maarifləndirmə işlərinin aparılmasına geniş dəstək verməlidir. Bir sözlə, biz hamımız, hər birimiz öz gündəlik həyatımızda bu məsələyə ciddi önəm verməliyik,” -millət vəkili Qənirə Paşayeva belə deyib.    Toplumun və dünyanın inkişafı qadınların təhsilindən və inkişafından keçdiyini vurğulayan millət vəkili bildirib ki, zorakılığa məruz qalan qadınların əksəriyyətini təhsilsiz qadınlar təşkil edir: “Unutmamalıyıq ki, zorakılığa məruz qalan qadınlar arasında savadsız, təhsilsiz, heç bir peşənin sahibi olmayan, iqtisadi baxımdan özünü idarə edə bilməyənlər, öz hüquqlarını bilməyən qadınlar əksəriyyət təşkil edir, Savadlı cəmiyyət savadlı anadan keçir. Çox ciddi narahatlıq doğuran və təəssüf yaradan fakt ondan ibarətdir ki, getdikcə zorakılığın müxtəlif növlərindən əziyyət çəkən qadınların sayı artır. İnsan alveri qurbanlarının əksəriyyətini qadınlar təşkil edir. Bundan başqa bu gün geniş yayılmış qadınlara qarşı məişət zorakılığı ilə mübarizə sahəsində də fəaliyyətimizi daha da gücləndirməyə ciddi ehtiyac var”. Qənirə Paşayeva qəhrəman şəhidlərimizin qarşısında baş əyirəm deyərək  gəncləri onlardan Vətən sevgisi örnəyini almağa çağırıb. Millət vəkili Q.Paşayeva bizim üçün müstəqil Azərbaycandan dəyərli heç bir şey ola bilməz deyərək ölkəmizin daha da inkişafı istiqamətində gənclərin üzərinə düşən vəzifələr barədə də geniş fikirlərini söyləyib.   Harada doğulmasından və harada yaşamasından asılı olmayaraq hər bir azərbaycanlı Azərbaycanın yanında olmalı, həqiqətlərin dünyaya daha geniş çatdırılması üçün çalışmalıdır deyən millət vəkili Q.Paşayeva gəncləri həqiqətlərin dünyaya daha geniş yayılmasında sosial şəbəkələrin təqdim etdiyi imkanlardan geniş istifadə etməyə də çağırıb. Millət vəkili gəncləri Azərbaycan tarixi, ədəbiyyatı və çoğrafiyasını yaxşı öyrənməyə çağırıb. “Ölkəmizin daha da inkişafı üçün gənclərin savadlı, təhsilli, elmə və kitab oxumağa meyilli olması əsas şərtdir”- deyən millət vəkili Qənirə Paşayeva bildirib ki, bir insanın inkişafı və gələcəyində onun təhsili, bir peşə sahibi olması çox böyük önəm daşıyır və uşaqlarımız oxumağa, öyrənməyə, bir peşə sahibi olmağa daha çox meyilli olmalıdırlar.  Millət vəkili bildirib ki, hansı peşənin sahibi olmasından asılı olmayaraq hər bir insan öz ölkəsinin və millətinin tarixini də dərindən bilməlidir. Gəncləri tariximizi dərindən öyrənməyə çağıran millət vəkili Qənirə Paşayeva   gəncləri maraqlandıran sualları da cavablandırıb.