“KƏRKÜK SEVDALISI QƏZƏNFƏR PAŞAYEV”

KƏRKÜK SEVDALISI QƏZƏNFƏR PAŞAYEV” – Professorun həyat və yaradıcılığına həsr edilmiş kitab Atatürk Mərkəzində təqdim edildi

Bu gün (16.09.2017) Azərbaycanda Atatürk Mərkəzində ünlü alim – prof.dr. Qəzənfər Paşa­yevin 80 illik yubileyi münasibəti ilə Kərkükdə, Füzuli mətbəəsində yenicə işıq üzü görmüş  “Kərkük sevdalısı Qəzənfər Paşayev” kitabının təqdimatı keçirildi.

“Avrasiya Beynəlxalq Araşdırmalar İnstitutu” İctimai Birliyinin (ABAİ İB) təşkilatçılığı ilə keçirilən təqdimatda, ABAİ İB prezidenti, millət vəkili dos.dr. Qənirə Paşayeva, millət vəkili, Azərbaycan-İraq Parlamentlərarası Dostluq Qrupunun başçısı İlham Məmmədov, təqdim olunan kitabın müəllifləri – İraqlı soydaşlarımız dr.Mustafa Ziya, dr.Şəmsəddin Kuzəçi, AMEA Nizami adına Ədəbiyyat İnstitutunun şöbə müdiri prof.dr. Şirindil Alışanlı, Atatürk Mərkəzinin şöbə müdiri Əkbər Qoşalı, CASCFEN baqanı, əməkdar jurnalist Azər Həsrət, “Şərq” qəzetinin baş redaktoru dr.Akif Aşırlı, tanınmış şair Musa Ələkbərli,  tanınmış alim Qurban Bayramov, əməkdar artist Aybəniz Haşımova, BDU Jurnalisrika fakültəsinin dekanı dos.dr. Vüqar Zifəroğlu, “Türküstan” qəzetinin baş redaktoru Aqil Camal, fəal ictimaiyyətçi Aidə Bəndəliyeva və b. çıxış edərək, həm yubilyarın yaradıcılığı, həm də Kərküklü müəlliflərin qədirşünaslığı haqqında danışdılar.

Millət vəkili Qənirə Paşayeva “Kərkük sevdalısı Qəzənfər Paşayev” kitabının məziy­yət­lərindən danışaraq, professorun həyatı və əsərləri haqqında statistik, bibloqrafik, habelə ensiklopedik bilgilərlə yanaşı, ürək sözlərinin də yer aldığını qeyd etdi.

O, yubileyinə “İraq bizə iraq deyil” dediyimiz ellərdə kitab yazılan professor Paşayevin yalnız Azərbaycanda deyil, İraqda, qardaş Türkiyədə, bir çox başqa ölkələrə də ədəbiyyatşünas, folklorşünas, publisist, dilçi, tərcüməçi və xeyirxah ziyalı kimi tanındığını vurğuladı.

Çıxışına davam edən xnım Paşayeva dedi:

– Bizim uşaq vaxtlarımızda, Qəzənfər müəllim tərcüməçi olaraq çalışdığı İraqdan məzuniyyətə gəldiyi zamanlarda onun sirli-sehirli söhbətlərinin əsas dinləyicilərindən biri olardıq. Əmim Kərkük, Ərbil, Təlafər, Tuzhurmatudan, oraların sakinlərinin bizimlə eyni dildə, eyni üslubda danışdığını, bizim kimi istiqanlı, qonaqpərvər olduğunu deyirdi. Xeyli sonra, əmimin bu sirli ölkə haqqında kitablarını oxumağa başladıq. İlk növbədə, əfsanəvi “Altı il Dəclə-Fərat sahillərində”, sonra “Kərkük bayatıları”, “Kərkük ata sözləri” kitabları bizi də sevdalandırır, qanadlandırırdı. Hər halda təvafüqdən idi ki, mən və əmimqızları məktəb tədbirlərində məhz İraq-Türkman bayatıları söyləyirdik. O bayatılar bir çox incə mətləbləri düşüncələrə hopduran, bəlkə, açıq-açığına deyə bilmədiklıərimizin Kərkük, İraq üzərindən ifadəsi idi. Məsələn,

 

Dilim dilim,

Kəs qovun dilim-dilim,

Mən dilimdə vaz keçməm,

Olursam dilim-dilim…

 

Biz, bax belə bir yanğı ilə, eşqlə yetişdik və müstəqilliyimizin bərpası illərində o sirli-soraqlı ellərdən evimizə tez-tez qonaqlar gəlməyə başladı. – Qəzənfər əmim vasitəsilə onları yaxından tanımağa başladıq.”

 

Müəlliflər – dr.Şəmsəddin Kuzəci, dr.Mustafa Ziya dəyərli ziyalının hələ sovet dövründə  İraqda çalışdığı illərdə Kərkükə necə ürəkdən bağlanmasından, Azərbaycan və Kərkük, ümumən İraq arasında  ədəbi körpülər saldığını, model araşdırmalar apardığını və kitablaşdırdığını qeyd etdilər.

Bugün də Azərbaycanın diqqətini, sevgisini yüksək qiymətlədirən iraqlı soydaşlarımız, Azərbaycanda hər görüşü, Bakıda hər söhbəti bir ziyarət saydıqlarını dedi. İraqlı soydaşlarımız ümummilli lider Heydər Əliyevin “Tarixi araşdıranda gördüm ki, Güney Azərbaycan, Quzey Azərbaycan və İraq türkmanları ilə bir bütövün parçalarıdır” fikrinin arxasında dayanan düşüncəni həmişə yüksək qiymətləndirdiklərini bildirdilər.

Bildirildi ki, ziyalının ömür və yaradıcılıq yoluna həsr edilmiş bu mütəvazi kitab, onun 80 illik yubileyinə Kərküklü soydaşlar adından bir ərmağandır.

Qəzənfər Paşayevin həyat və yaradıcılığının ən ümdə məqamlarına diqqət çəkən prof.dr. Şirindil Alışanlı AMEA Mərkəzi Kitabxanasında professorun yubileyi münasibəti ilə elmi sessiyanın planlaşdırıldığını, özünün də orada məruzəçi olacağını bildirdi.

Tədbirin yekununda çıxış edən prof.dr. Qəzənfər Paşayev, iştirakçılara səmimi minnətdarlığını bildirdi, Kərküklü müəlliflərə onun haqqında qiymətli kitab yazdıqları üçün ayrıca təşəkkür etdi, İraqda çalışdığı illərlə bağlı xatirələrini bölüşdü.

Sonda Dr. Mustafa Ziya və dr. Şəmsəddin Kuzəçi Qzənfər Paşayevə Türkmaneli Kültür Mərkəzi adından özəl ödül təqdim etdilər, xatirə şəkilləri çəkildi.

 

Advertisements

16.09.2017 tarixində Uncategorized içində dərc edildi. Daimi bağlantını seçilmişlərinizə əlavə edin. Bir şərh yazın.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: